《如果你見到呢段字，救我！》: 結局

【第三身視覺】

「喂，邊個邊個，快啲清曬呢個遊戲嘅所有Bug，特別係叫程凱天嘅人，刪除曬佢所有資料，唔好比佢出現係呢個世界，我靠你㗎啦。」許文安對著職員拍拍膊頭講。

「係。

其實我叫Tom。」雖然職員表面就話無問題，但其實佢心底有十萬個唔願意，基於許文安連續幾日都要求佢控制角色，然後又恃住自己係政府部門就態度惡劣。

「使旦啦。」最重要嘅係，對方仲係唔會叫佢個名。





雖然唔願意，但始終都要做。

【偵測漏洞中......】

【偵測漏洞成功：99個】

【除錯中......】

【除錯中......】





【除錯中......】

【漏洞還剩餘：1個】


【！錯誤！除錯失敗】

「嗯？發生咩事？」職員再重新試一次。

【偵測漏洞中......】





【找不到漏洞】

「奇怪，頭先明明仲有一個，唉唔理啦，反正就揾唔到。」職員放棄決定理會。

另一邊廂，

雅貽沉醉於新遊戲之中，忽然，佢收到一項通知。

「咦？又會突然有鄰居想入嚟嘅？」雅貽疑惑。

【安吉金想要探訪，接受或是拒絕？】

「好唔好呢？」佢將滑鼠移向拒絕附近。





「都係好啦！」佢選擇接受。

【接受】

【安吉金進入「雅貽123」家】