病態城市小說場系列：《用KY殺唔到啲菌？》: 笑淫淫，有景轟

我擔心講出真相會傷害到佢，話晒人哋都係存心幫忙啫。我面帶微笑點咗點頭，再講多聲唔該就入𨋢。真心嘅，喺𨋢裏面我有諗過「KY」係咪真係可以殺到武漢肺炎啲病毒？咁咪唔使搶消毒手液囉？

𨋢門打開，我拼住感染嘅風險，零消毒就開門入屋，用全速洗手兼幫大門及大閘消毒，再沖埋個涼終於放下心頭大石。

今晚經過屋企大堂，今晚係勁熟嘅看更May嬸當值，佢陰陰嘴笑住話：「尋晚返工個新看更你有冇見過呀？佢同我講話尋晚遇着個住客，諗住拎支消毒膏幫佢消毒，點知拎咗支『KY』出嚟。佢話好彩反應得快，詐詐弟當係真消毒膏，個傻佬一啲都唔覺意。」

P.S. 根據現時醫學貨料顯示，對乙醚、75%乙醇、含氯消毒劑、過氧乙酸和氯仿等脂溶劑均可有效滅武肺病毒，但「KY」所含的氯己定（即俗稱的洗必泰）卻不能，因此它是不能殺死病毒的。

順帶一提，「KY」其實是種美國產的水溶性潤滑劑，常用作做愛上，簡單嚟講即係令個窿變得易插些。





再順帶一提，有酒徒說百加得151度Rum酒（Bacardi 151 Rum 75cl ）酒精含量高達75%，份量跟消毒火酒一樣，若然真的沒有消毒酒精可以一用。（我就話佢黐筋，支酒要成四百幾銀㗎！）

全文完