甲賀奇俠: 50.三船

二分鐘前


「隆隆....」

新式升降機雖然寧靜，但依然發出機械聲響



「老師...」





在美波眼前的克哉，雙目瞪大，拳頭青筋暴現


「山內，雖然你的確幫左我好多，但係一陣..可能真係會好危險，如果你唔敢既話...」

克哉已將手置於其他樓層的按鈕上







的確，對克哉而言，要自己的學生和自己上戰鬥，實在有違老師的原則

強烈的內疚感，使他希望美波在這裡回頭





美波低下頭，頓了兩秒





「我..要同老師你一齊戰鬥...！」


「我地，一定可以救到由紀老師架..」



簡單的兩句，足以表達

美波，願意和克哉共同進退



「...」





其實克哉也知道，來到這個時候，美波也絕對不會退縮

所以，唯有叮囑一句


「一陣小心」





「叮！」


升降機終於來到52樓








「呢度...就係...」




虎之門Hills的52樓上

就如剛興建好的大廈單位一樣，空無一物，亦可清楚看到四周的多個窗口







「呼....」

外面的強風吹進單位內，發出低沉的叫聲


「出乎我意料，呢一層咩辦公室都無...」


除了...




昏在單位盡頭，雙手被綁的由紀







「係...由紀老師呀！」


「結城老師..」

由紀被捉，克哉早已失去理智了

二話不說就衝向由紀處



「吱吱吱！！！！！」

多發苦無隨即從各窗口放出



「！！！」

克哉雖然未感應到殺意，但身為忍者，也早已防範對方有陷阱


「山內小心！」

面對全方位的苦無攻擊，克哉只能一手脇差，另一手苦無吃力應負

「噹噹噹噹噹噹噹噹噹噹」

苦無猶如無窮無盡一樣，和克哉手中的冷兵器相撞


「嘩！！好多苦無呀！！」

美波雖見到克哉身陷險境，但自己也分身不暇，唯有再次拔出殺手傘擋格


「噹噹噹噹噹噹噹噹噹噹」




「！！！」

克哉終於感應到殺意，但位置


「一股微弱既殺意黎緊..但係...！！！」





「山內！！！！！上面！！！！！！！」


克哉歇斯底里的一叫，換醒美波的注意

因為，殺意的發出者，已經來到美波的頭上一尺了！



「嘶！」

該黑影沒有多餘的叫喊聲，只是拔刀出銷，誓要一擊處決美波

正常人類，根本無法意識到而進行擋格！



「嘩呀呀呀！！！！！」

美波在克哉的提醒下，竟能以忍者級數的反應時間高舉殺手傘，剛好避過一劫！


「吱吱！」

黑影當然不是等閒之輩，也輕鬆閃避殺手傘放出的吹箭



克哉正要上前幫忙時，黑影亦馬上以殺手傘借力，以兩倍速度飛向克哉

「！！！」


「呃呃呃呃呃呃！！！！！」

克哉及時以脇差格下這擊，但強大的衝力令克哉在力量完全被壓倒！不斷退後




「嗚！！！就算無左衝力，佢既力量完都全響我之上」

克哉為破此劣勢，只好放出爆炸粉！


「砰！！！！」

粉塵爆炸將兩人暫時分開




克哉雖不知「他」的實力，但依然按下左手上的黃色按扭，將電流注至左手外的裝甲！



「殺意仲響度...係機會！」

克哉揮出左拳，突破爆炸煙霧偷襲對方！


但



「吱！！！」

拳頭竟沒有擊中任何東西


「！！！」

克哉無法相信：「咩話...?佢既殺意明明仲響呢個位置...」


「！！！」

黑影再度現身，今次的位置...是在克哉的右脇下！！


「好...好快！！！」

位置太近，如果用右手的脇差進行擋格反而會不夠快


克哉轉半個身，再騰空使用注電的左手硬生生擋格！



「吱！！！」

電流放出，和刀身相撞而産生的氣流使克哉退後數米！


「刷！！！」

雙方先暫時退後


「老師！」美波馬上跑至與克哉並肩



「佢好強...！只係靠住身既武術同反應，就可以同我既道具匹敵...」

數秒的過招，克哉已經感受到對方的強大了！



「身手唔錯，難怪我多位部下都殺響你手下..你既拍擋都唔錯，竟然可以及時擋到我既殺招」

在外面大廈的燈光照射下，黑影的容貌終於顯現在兩人眼前



「你..就係...」




「無錯，我係三船」


隨風飄逸的黑髮，猶如獵鷹的雙目，不苟言笑的鐵面，健碩如鐵的身材，令人戰慄的實力

他，就是百鬼眾的首領，三船




「你對結城老師做過咩！？」

「放心，我只係比左麻醉藥佢姐，訓一教就會醒」


「快啲放左佢！」


「無問題，將果樣野比我，我咪放左你既女人」

三船裝作表示自己所要的並不是克哉的性命，而是卷軸


克故先摸摸後腰的寶盒

「雖然講到自己只係為左卷軸，但如果係咁既話，根本唔駛派咁多攻擊我地」


「佢...係要連我地都殺埋！」



克哉沒有回答三船，只是再次擺出戰鬥架式


「...呢個就係你既回答」

「咁就唔好怪我啦」


「颯！！！」

架式也不需要，三船直接閃到時克哉身前



「！！」

克哉橫擺脇差，成功擋下一擊


「如果只靠脇差...我一定唔會贏到」

克哉轉用左手上的白橡膠槍，向三船射擊！


「甲賀奇俠...果然多法寶...」

三船縮開持刀的右手，避免中下可限制行動的白橡膠


「砰砰砰！！！」

克哉不斷開火，但白橡膠依然未能擊中三船！


「你既斤兩只有咁多咋？甲賀奇俠？」

三船再度埋到美波身邊，看來三船誓要讓克哉分身不暇


「你錯啦...」

克哉放出的白橡膠，將大廈另一邊的四塊玻璃窗拉向三船！


「！！！」

三船被逼左手拔出另一件斧狀兵器，一下橫砍將窗口打碎


「砰啦啦啦！！！！」


克哉乘著機會，拔刀衝向三船

「山內！」



聽到指令的美波馬上操控殺手傘，連續放出吹箭


前後夾攻下，三船臉上卻沒有一點異樣

左手抽起，用力將手中的斧頭搖出！！


「鈴鈴鈴鈴」

一條長鐵鏈應聲放出

現在的斧頭，猶如變成一把大型鐮鈎！！！




「咩...咩話！！？



「唔好以為，只有你有法寶」

三船輕輕扭腕，放出大斧頭鐮鈎！！！！



「第一個目標就係你，小妹妹」