甲賀奇俠: 49.突破風暴的紅光

「無辦法啦..」

紗理依無奈下，只能再勉強發動幻術之瞳



「！！！」

多束紅光再次出現，照向三太夫







「係..幻術之瞳！」

中下幻術就等於死亡，深知此道理的三太夫唯有閉上雙眼，單靠忍者五官找出紗理依的位置



「以為我會怕幻術咩！」





「小姐！」



紅龍及時卡進三太夫前，用左臂吃下三太夫的刺擊

籠手的尖爪，將紅龍的上臂刺至爆出血來







「嗚！」


「嘿，竟然幫你既主人擋招，不過都無用架啦！」

三太夫..還有另一隻手！已經向著紅龍身後的紗理依攻過去！



「嗚呀呀呀呀！！！！」

紅龍特意將左臂向前，更深入籠手


「呢個紅龍...打咩鬼主意呢..？不過...」





三太夫完全不明其用意：「我即將..就要將你殺死！大小姐！！」



「...咩話！！」

紅龍竟然借自己身體作掩護，右手使出柔術

將流出的血製成血繩索，綁住兩隻籠手



「紅龍既狀態頂唔到好耐，而且用柔術整出黎既血繩索都唔可以維持到好長時間...」





紗理依一邊擋住吹箭，一邊準備苦無反擊



「啊呀呀呀呀！！！！」

紅龍忍住流血的痛楚，不斷谷出血來維持血繩索


「垂死掙紮！！！」

三太夫按下機關，籠手馬上散發出熱力







高溫會使液體蒸發，血，也不例外！

「弊啦..血繩索已經...成唔到形！」




三太夫將血繩索解開，再次對紗理依發動殺技！



「砰！砰！砰！」

紗理依及時將三部機械忍犬擊破







「係機會，就響呢一招分勝負！」

紗理依知道三太夫不會張開雙眼，所以亦決定放棄幻術之瞳，直接以小太刀作最後一擊！




兩人於只有半米距離正面衝向對方，必有一死





「三太夫既籠手可以伸長，咁計既話對小姐不利...唯有」



「啊呀呀呀！！！」

三太夫揮出伸長的籠手，誓要奪去紗理依的生命！


這情況下，攻擊距離較短的紗理依絕對不利！



紅龍襯著機會，拉出本被三太夫刺住的左手

「喝呀呀呀呀！！！」






強行拉出傷處是需要無比勇氣，可見紅龍決心之大！

紅龍馬上將流出的血製成血彈，射向三太夫



「仲想拖延時間？！」

三太夫根本不需出手，無人機自動就將血彈擋開



「嘿」

「？！」

紅龍的一笑聲，使三太夫發現



一枚血彈，正射向自己眼前的無人機背後！



「無錯，無人機作為防禦的確係固若金湯，但係」

「我頭先特登將血彈射向你頭以外既地方..而且，我仲計算好反彈既角度，血彈...會以向上15度既方向，射向無人機無可能正面擋到既位置！」



「砰！！！！」

無法反彈的血彈，擊中無人機，引發爆炸！




「嗚！！！」

一方面既怕紗理依再次發動幻術之瞳，另一方面又聽覺又被爆炸影響

三太夫一時失去紅龍和紗理依的位置！



「小姐...靠你啦....」


「紅龍，你既苦心，我唔會白白浪費」

紗理依巧妙避過三太夫的延伸籠手，跳到半空



「刷！！！！！！！！」

紗理依一刀刺中三太夫心房，無情地將其生命奪去！




「...呀....」

三太夫吃下致命一擊後，胸口即湧出血來，雙目瞪大


「估唔到...最後竟然係靠住自己既部下..先贏到我...嘿」

「你咁樣既力量..點打贏三船呀...哈哈哈！！！！」




聽住三太夫的激將法，紗理依卻不以為然

「紅龍唔係我既部下....」




「佢...係我既..同伴」


紗理依使力，將小太刀插得更深，使三太夫沒有再講廢話的餘命

「刷！！！」


這樣一來，三太夫也不得不斷氣




「...呼...終於...」

紗理依馬上收起刀來，走到紅龍身前


「紅龍...紅龍！」



「小姐....終於...贏左啦...」

滿頭大汗的紅龍，手上的血已經染滿手袖


「點解..你要咁做...」

紗理依馬上為他包紮

「明明已經受左傷，仲要....拼死去為我...」



「我係...小姐你既劍...當然..係為你而戰...」

失血太多，紅龍嘴唇也開始變白


「..你真係傻...」

面前這個同伴，紗理依只能苦笑

「紅龍，你咁既傷勢，我帶你返去先...我唔可以，再比你冒險」



「唔駛...你..去幫五十嵐啦...」

紅龍主動拒絕紗理依的要求：「佢要面對既係三船...只係係靠佢地兩個既話..未必可以..」



「紅龍....」


「去啦..小姐！如果今日我地唔可以解決三船，我受既傷..就係白費架啦！！」




同伴？還是復仇？


紗理依猶疑了數秒，只好聽從紅龍

「...我好快...會返黎...」

說罷就狂奔離去




「踏踏踏踏踏！！！！」

望住紗理依的背影，紅龍慢慢倒至地板上，心裡只祈求一事

「小姐..一定要平安無事...」