甲賀奇俠: 40.目的
「...嗚...」
克哉好不容易撐開雙眼
第一眼見到的，正是美波
「老...老師！！！」
美波高興得馬上湧出淚水：「老師你終於醒啦！！！」
「呃...？終於...」
「話左佢無死架啦山內，我都唔明你擔心乜」
身後的紗理依叫道：「小次郎果種吸血蠱蟲的毒素只會令人麻痹到昏迷架咋，頂多咪好似五十嵐你咁訓左幾個鐘」
「...呢度係？」
克哉環顧四方
此處乃一個日式庭園，四周均被植物包圍
而且，現在的天色已為昏暗，似乎克哉也睡了一段時間
「係我同紅龍響東京既據點啦，隨你點...」
無論是戰鬥時的紗理依，還是這刻的紗理依，和平時的小惡魔性格有極大出入
手腳依然酸痛的克哉在美波的扶助下站起
「係喎...森川八郎呢？」
「響另一間房」
紗理依輕輕一笑：「佢同你一樣，都已經訓左大半日架啦」
兩人跟住紗理依，去到隔黎的另一個和室
「咔！」
在場的除了受傷也不輕的紅龍，還有一個正吃杯麵的金毛少年
此人身材瘦削如猴，雙眼下更留著大大的黑眼圈
「佢..就係...森川八郎？」克哉眉頭一皺
「...啊！唔通你...就係甲賀奇俠！！」
森川八郎馬上放下杯麵，舉出雙手：「我叫森川八郎呀，今年15歲，多多指教，多謝你地救左我呀！我一直都好崇拜你架甲賀奇俠！」
雖然口中的杯麵使他口齒不清，但克哉也伸出右手
「...你好...」
不過，這人的氣場怎看，都不像知道解出卷軸秘密的關鍵人物
「哈哈，其實我都唔知發生咩事架，頭先我響屋企打打下機，無啦啦有個光頭佬衝入黎，仲要一拳打落我度，之後我就緊係暈暈地啦，跟住我就比個光頭佬抱起衝左出街喎，我唔知係我暈暈地定點啦，好似響個天空度飛緊咁喎。佢將我跟左入架列車之後就有個長毛白頭佬將我綁住左啦，都唔知發生咩事！直到...呢個靚靚姐姐救番我..」
森川八郎一講至此，故意望住紗理依
「睇佢既身型同生活習慣，呢個森川八郎似乎係長期隱居響屋企既隱蔽青年....」克哉猜想
「既然我救左你..」
紗理依又再度轉換回小惡魔腔調：「咁，八郎弟弟你可唔可以...幫下靚靚姐姐一個忙呀...嗯~？」
少男總是對比自己稍大的女性欠缺抗拒力，何況是裝作嫵媚的紗理依
「嘻嘻..緊..緊係得啦..但係要幫啲咩呀？」
「暫時響我呢度住，唔好響街上出現」
「吓...？」
雖然由紗理依講出，聽上來感覺不錯
但八郎也不太明白其意思
「你...知唔知點解果班人，要捉你呀？」
「點解要捉我呀....唔通！」
八郎大叫：「係因為我爸爸臨終前果樣野...」
「全中啦八郎弟弟」
紗理依拍拍八郎的頭頂：「你爸爸留低既，就係可以解開秘密卷軸既密碼」
「密...密碼...？！」
森川八郎壓下眉頭：「果個...係傳家之寶黎架喎...我爸爸臨終前講過唔可以亂咁將『密碼』比任何人...」
「放心，我地未有下一步行動，所以暫時仲未需要解開密碼」紗理依對八郎單一下眼
克哉馬上遞出卷軸
「而今日捉你既果班，就係伊賀既叛忍百鬼眾」
「嗯，不過我地都對果筆寶藏無興趣，佢...只係一件用黎引出百鬼眾，比我報仇的工具」
紗理依笑道：「所以...有下一步行動之前，唔該八郎弟弟你...繼續留響度先啦~」
「哈哈...無問題！」
八郎收起笑臉：「不過，我聽爸爸講過...」
「果筆寶藏既價值，並唔響果堆黃金珠寶度..」
「！！」
美波問：「咁...咁係咩意思呀？」
「咁我又無追問落去，唔知啦...」
「我響審問小次郎既時候，佢講過」
紗理依吸一口氣：「百鬼眾既首領三船，係想建立一個忍者既理想國家...」
「忍者既理想國家？」
這一詞，令眾人困惑
「不過最緊要既，係下一步要點做」
克哉問道：「應該等待百鬼眾搵上門？定主動解開秘密引佢地出黎？你覺得呢？」
「我覺得...我地應該先休息一日」
「你同紅龍都受左傷，根本無可能以呢個狀態去應戰百鬼眾」
紗理依指出：「更加唔好講三船，佢響未叛離伊賀之前係伊賀最強既忍者」
「就連我爸爸，上一任伊賀首領都唔係佢對手」
從這一句，克哉已經猜想到紗理依一直所講的復仇的「真正意思」
「所以，我地先休息下啦」
克哉也唯有點頭同意
事關，現在的自己的確不是可以戰鬥的狀態
「係囉老師，何況你聽日...仲要約左由紀老師嘛！」
一提起約會一事，即使對象不是自己，美波依然興趣
「喂山內你...」
「哦，唔怪之得啦～」
紗理依也馬上笑道：「咁更加要休息啦」
「唉...真係...不過...我的確未諗好約會既內容既，雖然係...結城老師主動約既」
克哉心裏真正擔心的，除了和由紀的約會外，還有...
「紗理依口中既百鬼眾首領三船，到底有幾強...？」