甲賀奇俠: 39.逆轉的決心
「做得好，紅龍，但係...」
紗理依另一手已經取定短刀：「仲有另一堆..！」
在身體懸吊於半空的情況下，紗理依仍能以短刀趕走飛蟲
「咁樣唔頂得幾耐...五十嵐同紅龍已經唔掂...」
「咔...咔咔....」
被橡膠黏住的車窗，似乎因為紗理依的拉力，開始搖晃
「弊啦..蚿線同我既橡膠頂得住，但車窗已經...」
「砰啦！！！」
果然，車窗終受不住拉力而碎開
紗理依失去支撐，即將以超過時速100公里的速度飛出！
「嘩嗚！！！」
「山內！！！！揸住橡膠！！！！！」
克哉一邊歇斯底里叫道，一邊再次射出橡膠
橡膠剛好駁住車窗，間接將蚿線拉長
「呀..呃...哦！！！」
本來還在躲避蟲子的美波，馬上趕到握緊剩餘的橡膠
「啊..好重呀！！」
拉力之大，使美波馬上被扯至車門和座位的之間的角落，
用盡吃奶之力，雙腳頂住車內才能勉強保持狀態
但美波的體力已接近極限，而且蟲子已經開始接近美波
再下去的話...
「唉...真係比你地嚇死...」
再次死裏逃生的紗理依，作出一個重要決定
「佢地都幫唔到我太多次...唯有..」
紗理依調整身體，雙腿撐住車身
「嘭！！！！」
以美波手持的車窗為中心，紗理依炮彈式飛向前面
目標，就是小次郎！
「喝！！！！」
雖然小次郎依然能單靠聽覺辨認各人位置，但....
車外發生的事，就難以不用雙眼確認！
「砰！！！！！！」
先放出苦無，紗理依伴隨以雙飛腿踢破裂開的玻璃，將小次郎踢向前面的坐位
「小姐...成功左啦」
「呼...紗理依總算埋到佢身...」
「嗚...竟然會響我身後出現...」
不懂接近戰的小次郎一時被襲，只好先轉頭
「我地..真係比你害得慘啦...玩蟲既核突大叔」
紗理依左右手各持短刀和苦無：「今日，點都要送你上路！」
「你..可以咩！！！！」
「颯！」
紗理依的纖幼身型在車內通道不停穿梭
但同時，飛蟲群繼續死纏爛打
「比起堆臭蟲...一定唔可以中佢既蚿線...」
紗理依向小次郎放出數十發苦無
「依家要諗既，應該就係點樣逼到佢開眼」
「哼！想逼我開眼呀？無可能架，只要你仲響呢架列車，你既一舉一動我都可以聽得一清二楚！」
「係咩...」
紗理依立刻拋出一音爆彈
今次的目的不是擊暈蟲子，而是要擾亂小次郎的聽覺
「嗡嗡嗡嗡嗡嗡嗡！！！！！！！」
「嗚...真係狡猾既靚妹...」
小次郎於0.5秒內失去紗理依的身蹤
「唔..唔見左？」
「呀...好重呀，又黎啦...」
小次郎聽到的，就只有美波正用氣力的叫聲
「佢...出左去！」
「嘭啦！！！！」
小次郎身後的車窗再度爆開
「響後面！！！」
正當小次郎卻以蚿線還擊之際
一輛列車，剛好經過！
「呃！！！隆隆隆！！！！！！」
「咩..咩話！？」
沒有車窗，列車經過的風聲足以掩蓋過紗理依所有腳步及呼吸聲
「可惡，完全唔知佢呢一刻既位置...吸血蠱！！」
小次郎以吸血蠱偵測紗理依身處何地
「音爆彈已經無哂，依家可以做到既，就只要同佢一擊決勝負」
紗理依的真正位置
就站在小次郎身後的車窗上！
閉上氣，停下腳步，即使被蟲子纏繞也忍住
現在的紗理依就如死物一樣
「呃.....颯！」
對面線的列車終於完全駛過
「就係呢一刻！」
紗理依，將手上揸住的蚿線放手！
「嘩呀！！」
拉力一時消失，使美波彈開數米
「！！！」
小次郎一聽到美波尖叫，馬上向那方向放出蚿線！
「嘭啦！」
蚿線剛好射中美波身前的破窗，但也足以使佢尖叫
「呀呀！！」
「咩..咩話，唔響度？咁...」
小次郎發覺自己計算錯誤時，已經太遲
紗理依
已經一手將小次郎的雙眼硬硬瞪開
「小次郎，你失去左視覺，根本唔會知道我係用咩方法黎到你既面前」
紗理依苦笑道:「再加上你太心急上搵出我既位置，而我...為左引你上當，特登忍住比你既臭蟲吸左好多啖呀..」
「呢啲..就係我既覺悟」
紗理依雙眼的紅光，已經反映到小次郎的瞳孔中！
小次郎馬上失去完全氣力，跪在車上
吸血蠱和黃金粉蛾因失去主人，也跟住蟲群離開列車
「呼...小姐...終於贏左啦」
這次，是紗理依的勝利
「你真係好麻煩，唔怪得果陣爸爸咁憎你啦」
確定小次郎失去個人意志後，紗理依也忍不住坐下來
「小次郎，究竟三船既目的係咩？」
被紗理依操縱的小次郎，支吾回答
「...三船...大人.....係」
「係想...建立一個...忍者既...理想國家...」
「理想國家？」
說到這裏，紗理依就有點不太明白
「三船大人..真正要既..係...係...」
小次郎話也未說完，一條蜈蚣型大蟲就從小次郎心臟破出！
直接奪去小次郎的性命
「刷呀！！！！」
「咩話！？」
紗理依一時鬆懈，大蟲已經來到自己的臉前
「吱吱！！！」
一發白色橡膠，在紗理依的耳邊擦過，將大蟲黏住到坐椅上
「呼..好彩趕得切...」
早已躺坐的克哉，及時化解小次郎的最後一擊
「...係你呀..五十嵐，哈...」
紗理依一腳將小次郎的屍體伸開，一步一步向列車的駕駛座進發：「我去搵返森川八郎，山內...你幫手睇住五十嵐同紅龍」
「..呃...哦！」
「老師！老師！！」
美波撲到克哉身邊，但...
「紗..紗理依！！老...老師佢...無知覺呀！！！」