甲賀奇俠: 13.來襲

「卷軸....伊賀百鬼眾...」

一整個朝早，克哉均被昨日的事困擾


「百鬼眾想搶卷軸...目的係咩呢？」

「佢地仲有幾多人？」

「佢地會唔會揾到黎學校？」






剛好回校的由紀見到克哉

「早晨呀五十嵐老師」

同時想著多個問題的克哉在 自己的桌上發呆，完全無視旁邊的由紀


由紀見克哉未有反應，只好伸手拍下克哉的肩膀





「五十...」


「嘩！！！」

克哉被由紀突然的來襲嚇到，馬上退開


克哉見到神情驚愕的由紀，就知自己又失態了





「唔...唔好意思呀結城老師...做...做咩事呀...頭先諗緊啲野...」



「無野呀...只係諗住同你講聲早晨姐...」

由紀笑著坐到克哉的旁邊



克哉尷尬地回答

「哦...早...早晨」






「唉，早知唔諗咁多啦...嚇親結城老師啦」



坐到自己席上的由紀見克哉一臉惆悵，就知他正有事煩著

她從手袋中取出一粒朱古力，放到克哉面前


「咦...?結城老師你...」


「請你食架！雖然我唔知道五十嵐老師你依家煩緊咩...但係」





由紀笑道：「食朱古力會開心啲架，話唔定會諗到解決辦法呢，嘻嘻」


甜笑的笑容，温柔的話語

即刻是冰川也馬上融化


「嗯...多...多謝你呀結城老師」

克哉撕開包裝，將朱古力放進口裡，果真甜在心裡


「五十嵐老師，啲朱古力...好唔好食呀？」由紀戰戰兢兢問






「嗯，甜度啱啱好...做咩咁問既」


由紀偷笑道

「嘻嘻，因為係我最近上網學整架」


「吓...竟然係自己整既...犀利呀」

克哉讚道








「！！！！」

克哉的第六感再度感應到殺意


「邊...邊係呢...」

由紀臉頰通紅：「就黎要開早會啦，我...我地上去先啦」


「嗯...」

克哉心感不安：「今次既殺意...奇怪...好微弱...但又好散，唔通...多過一個人？」


由紀見克哉神情有點古怪，問

「五十嵐老師？做咩呀？」


「冇...冇事呀...」

克哉抹下額前的汗水：「弊，殺意越黎越近...唔通佢地既目標係今日既早會？」


「啊...結城老師，我漏左野...你上去禮堂先啦」


「哦...咁我上去先啦...一陣禮堂見啦」


克哉以此藉口返到教員室，此時就只剩下克哉一人

「到底果幾股殺意...係咩人發出既呢...」

克哉取出袋中的輕便裝奇俠戰衣，及數件忍器


「敵眾我寡...唔通真係要...」





學校外


「情報冇錯，松原高中既禮堂今日會舉行早會」

三太夫問：「千鳥，電磁干擾器準備好未？」


「隨時可以」


「好，開始行動」