甲賀奇俠: 12.百鬼眾
「呼，遠雷，你今次真係老貓燒鬚喎...」
四名男子，望住伏在地上
遠雷的屍體
「一早就講左唔好比啲重要任務佢做架啦！佢根本未受班！」留金髮的鬍子男氣沖沖道
「算啦文太，佢只係遇到個強既對手姐...」
四個中唯一的眼鏡男摸住牆上的痕跡
「遠雷出埋攻擊範圍霸道既風魔手裏劍都輸既話，證明對方非常靈活，甚至有可能都係忍者」
較有領袖氣息的一個就叫道
「團藏講得冇錯，風魔手裏劍上面只有屬於遠雷既血跡，即係話呢個人，將所有攻擊避過哂」
「佢...有機會就係傳聞中既甲賀奇俠」
「！！」
此名一出，三人都吃了一驚
文太摸住下巴
「三太夫你既意思係，甲賀奇俠一早知道我地行動？」
「咁又唔係，你睇唔到仲有幾個負責守住卷軸既守衛都死左咩？」
三太夫分析整件事件：「不過一切都只係我既推測姐，但如果係佢，佢有可能只係巧遇，又或者真係同傳聞中一樣，可以感應超遠方既殺意」
「各位，有發現呀」
四人中唯一的少年於房間內搜索過後叫道
「有咩發現呀，千鳥？」
千鳥抽出櫃上某本書籍
「嗞！」
書櫃向右移開，寶箱隨即彈出
「哼，區區指紋鎖...」
三太夫揮下短刀，將大宅內數名守衛的手指全數切斷
四人將斷指逐一放上指紋鎖，直到成功的一個
「咔」
寶箱打開，卻空無一物
「果然，打敗遠雷既人拎左卷軸」
三太夫再度發揮自己的洞察力：「開到寶箱既呢隻斷指，指頭發紫，明顯受過外力，而且佢身上既血跡有拖行過，證明寶箱既野，對方已經拎走左」
「雖然我唔肯定係咪100%係甲賀奇俠，但至少知道對方已經拎左卷軸」
「咁萬一佢已經解開左卷軸，果筆寶藏咪...」文太氣道
「唔駛擔心，我諗有答案啦」
團藏取走地上的一堆花瓣，放到自己手中一部儀器上
「呢種花，呢一帶地區都冇種，即係話有機會係對方身上掉落黎」
「呢部咩黎架？」千鳥問
「係團藏發明出黎既生物感應器，原理就同以前我地伊賀既忍犬既強大嗅覺一樣，用氣味揾出呢塊花瓣既原來地」三太夫解釋
「只要我地跟住花瓣既氣味，就有機會揾到對方去過既地方」
團藏取出大衣中的微型機械犬：「當然，我唔會咁蠢跟住氣味行啦，有機械忍犬幫我」
「吱！」
機械忍犬亮起紅燈後，隱身於眾人前，跟住氣味前往目的地
「到啦」
不消一會，忍犬到達氣味的原來地
團藏將忍犬拍攝的影像放到三人前
「呢度係...學校？ 」千鳥問
團藏打開gps地圖
「冇錯，松榮高等學校，位於港區」
「即係話...對方就算唔係學校既學生或者老師，都至少經過呢度」
團藏接著再道：「咁就易辦啦，我地響果度逼到佢出黎就得啦」
「你既意思係...」文太和千鳥隱約猜到團藏想講的事
三太夫冷笑一聲
「嘿，呢個方法，無論佢係學生、老師、定係普通人，都會出手救人」