甲賀奇俠: 5.坦白

克哉為逃避美波，一口氣跑到天台上

「嗄...嗄...甩開左佢啦...啊！！！！」


「老師！」

美波從後捉住克哉，氣羅氣喘

「終於...追到你啦...」






「有冇搞錯呀，咁都追到上黎...」

克哉嚇得退後兩步：「你...你想點呀」


「我初中果陣...話哂都係陸上部架...」

雖然明明知道答案，但美波依然想克哉親口承認：「尋晚救我果個人...就係老師你啦？」






「你...你認錯啦，我又點會係甲賀奇...」

克哉不自覺地講出甲賀奇俠四字：「大獲！」


「你終於認啦，老師！你就係甲賀奇俠！！！」






「咧！細聲啲啦」

克哉慌忙將食指放到美波嘴前


「唉係啦係啦...我...就係果個甲賀奇俠」

被逼上絕路，克哉無奈地表明自己的身份：「咁你想點丫？」


「我想...我想...」

美波平靜道：「我想...報答老師你...」






「唔駛啦，唔好搞咁多野啦！」

克哉嘆氣道：「你唔好放上心度啦...仲有你唔好講呢件事出去呀，會死人架」





「嘻，如果講出去呢？」

美波雙手擺後，淘氣道：「到時克哉老師會唔會殺左我呢？」


「呃...總之你...唔好講啦！」





說罷就慌忙離去


「等埋丫老師，我仲有好多野想問呀」

「咪跟住黎啦你！」




「今次真係弊傢伙啦，比山內同學知道我係甲賀奇俠，仲要比佢死纏爛打，無啦無啦...」

返到教員室的克哉猶如精神病人一樣自言自語






「五十嵐老師...」

克哉回頭一望，呼叫自己的正是由紀


「結城老師？做咩事呀？」

「下一堂係英文堂呀，你唔記得左要幫我做評核啦咩？」由紀笑道



「...係喎！唔好意思呀結城老師，完全無左件事」

克哉慌忙整理自己凌亂的黑髮：「咁...依家上去啦」





「嗯！」