甲賀奇俠: 4.老師的秘密

剛剛救過自己的幪面西裝男子，正是自己的班主任克哉老師



被美波發現後，克哉馬上遮擋臉面

「克哉老師！真係你呀！！」







「唔係！山內同...你認左人啦」

說罷，克哉一躍，就於美波面前消失得無影無踪


「去...去左邊呀...克哉老師！克哉老師！」


「小姐...你冇事丫嘛...咦！」





此時，兩個警員到場，望到被綁到地上的殺手


「呢個...咪係果個通輯犯？！」




「唉...死啦，竟然比人...仲要係自己既學生知道左我既秘密」





克哉飛翔於東京住宅區的上空

「依家唯有希望山內同學保守秘密啦」


















「頭先...係一個神秘人救左我架...」

「真係？」

「嗯！不過我...睇唔到佢個樣」

返到居所後，美波回想起剛才被刑警質問的情況，不為意地嘆了口氣

「到底...克哉老師係咩人呢」



「叮！」





美波從微波爐中取出便利店的飯盒後，隨手打開電視


「一宗突發新聞，因殺人罪而被通輯的容疑者佐藤一仁落網」

「根據現場記者既消息，容疑者係被人用一種膠狀既物質綁住四肢」

「呢單事件，似乎同幾年前開始發生既『甲賀奇俠』事件有關」


「甲賀...奇俠？」美波腦內現出問號







新聞報導員接住道

「響五年前，東京都開始出現罪犯被呢種不明橡膠固定響地面上既奇怪事件，令都內既犯罪率降低90%」

「有目擊者指出，呢個人身手敏捷，甚至曾經使出過手裏劍、苦無等武器，不禁令人聯想起忍者，所以就有人稱果位維持治安既英雄為『甲賀奇俠』」




「甲賀奇俠...」


美波下定決心：「聽日...一定要問清楚老師」













「呢一條題目，講既係電壓、電流同電阻既關係，我地可以用返呢條公式...」

克哉沉悶的講課不太引起大家興趣，大半的學生都睡著了


「啊...咁悶架，美...波...」

剛睡醒的日奈發現到


美波，正緊緊望住克哉


「因為...V=IR既公式，我地...可以揾...到」


美波猶如小貓發現玩物的眼神，令克哉不能專心講課


「鈴鈴鈴！」

「咁...今堂就...黎到呢度啦」


「起立！敬禮！」






下課後，克哉加快腳步，離開班房

「山內同學真係認得我，大獲啦...」


「克哉老師！」

美波已經從課室內趕到出走廊中


「！」

克哉二話不說，跋足逃走



「老師！等埋呀！」

美波馬上跟住:「老師！老師！！」