《無極降妖使—香城少年打鬼記》: 連載一週年紀念特別篇~「我」跟主要角色的訪談?

「我」︰
Hello Everyone~我係「韓國聲優愛好者」。
今日已到農曆初五，我都同閱讀此篇既大家，講聲「新年快樂!」
今日除左係農曆初五，係情人節既後兩日，而對我呢個小薯作者尼講，今日更加係《無極降妖使—香城少年打鬼記》既連載一週年紀念日~!!

首次認真地連載自己寫既故事，自知睇既讀者唔會好多，但係對於每一個得來不易既讀者，仲有每一個比左我一個簡單既「讚」，「like」，「追稿」，「書籤」既人，即使你地可能只係路過支持一下都好，我都衷心感謝你們每一位。
正正因為有你們，我連載左成一週年，縱使有時一樣會攰，一樣想拖一陣稿，一樣會想將私人時間做其他輕鬆啲既野......但，寫作既熱情到現在始終不變。
我相信不但係我自己本身，更加係有大家既支持，有讀者睇緊我，所以令我更堅定要寫落去，不可棄故。I love all of you~

「我」︰




咳嗯，一週年紀念，我仲有咩好講呢.......呀~不如就請幾位係故事中擔正做主角既靚仔靚女，傾下計呢~
第一位.......一於就你地三位先啦!有請黃善容，黃善儀仲有小玉~!歡迎三位嘉賓，請座請座~

黃善容(微笑)︰主持你好。
黃善儀(甜笑)︰主持先生你好~
小玉(害羞的微笑)︰呀，主持你好~


「我」︰
大家都好~




嗯，先請你地三位呢，可能就係因為你地三位係最先出現係故事既三位角色啦。
咁樣講啦，知唔知自己係點樣被構思，然後塑造出尼既呢?

黃善儀(疑惑)︰呀......經主持你個腦?
小玉(疑惑)︰嗯，呢個問題好複雜呢.....
黃善容(苦笑)︰喂，善儀......唔好意思呀主持，我都唔太清楚呢。


「我」︰
哈哈哈哈，唔緊要唔緊要~咁不如就從善容講起先丫好沒?






黃善儀(興奮)︰好呀好呀~!
小玉(期待)︰好好好~
黃善容(哭笑不得)︰做咩你地仲興奮個我架?.......


「我」︰
善容呀，你有睇過《家庭教師Hitman Reborn》嗎?

黃善容(回想)︰家庭教師......呀，有呀。點解咁問既?

「我」(微笑)︰
哦......乜你唔覺得自己有幾分像入面既主角—澤田綱吉嗎?
我指既係性格，甚至你既能力都係。澤田綱吉 係我構思你既時候，一個主要既參考同靈感來源呀。





黃善容(驚訝，苦笑)︰呀，原來係咁呀?不過邊有得比丫，阿綱係黑手黨首領喎，我係無極之子都好，現實生活中只係普通高中生一個。


「我」︰
哼哼......咁我知~你比阿綱識做家務好多添，又有細妹要照顧。

黃善容︰有啲讀者話我既性格加上要照顧善儀，幾「鬼滅」Feel呢。


「我」︰
呀，《鬼滅之刃》既炭治郎同禰豆子嗎?~呢點都係既，甚至最初創作你地既故事時，主要靈感就係當時大紅大紫既《鬼滅之刃》。不過，對於你同善儀既關係塑造係，咁你同小玉，仲有小美姨既關係塑造呢?


黃善容(思考)︰嗯......我應該睇過既動漫?





「我」(微笑)︰Yes~提示，同「家庭教師」係同一個作者。

黃善容(驚訝)︰…...宇宙警探eIDLIVE?

「我」︰Bingo~! 《宇宙警探eIDLIVE》，當中既男主角九之瀨宙太，亦都是構思你既時候，其中一個主要靈感哦。而小玉同你關係有啲似 宙太同多爾，小美姨就更加似 宙太同姨姨 既關係。

黃善容︰主持先生係天野明既粉絲嗎?

「我」︰嗯，又唔算係既，只係咁啱呢兩套作品都啱我胃口啫。

「我」︰嘻嘻，講你講差唔多喇，依家講講善儀同小玉啦~
善儀嘛......其實沒特定參考對象呢~設計上全憑靈感，最真最可愛既就係你喇~連名都係一下子就想好喇。

黃善儀(微笑)︰係呀?哈哈哈哈~





「我」︰咁小玉呢，除左頭先講既 「宇宙警探」既 多爾，你既設定有參考過Online game《瑪奇》入面既精靈武器。
名呢，最初叫「小蘭」，不過考慮你既特點，就一於叫「小玉」好喇，並且有借鑑到電影《愛上屍新娘》中既設定。

小玉(雖然不明白但感到嘖嘖稱奇而笑)︰哦哦......善容，主持先生講既作品，你都知嗎?

黃善儀(微笑)︰嗯，套電影有啲冷門，隻Game同「宇宙警探」我都知既。之後同你一齊睇，一齊玩好沒?

小玉(甜笑)︰好呀~呀，主持先生，咁點解善容叫「善容」既?

「我」︰哦係喎係喎!......善容，你知道嗎?

黃善容(奇怪的笑)︰唔知呢?

「我」︰




設定上你係一個柔弱宅男係咪?所以當時就想諗一個「乸」少少既名。
唔知點解，我最初諗到係《鬼滅之刃》既善逸，後來又諗到自己興趣下，我知道韓國既「聲優」讀「Seong Woo」，溝下溝下......「善容」就出現係我腦海囉。

黃善容︰原來係咁~

「我」︰
咦，你地既朋友都到囉喎~歡迎李靜賢，陳揚錫，葉明恩，宋榮烈同宋慧祈~!請座請座!

李靜賢(淡淡微笑)︰你好，主持先生。
陳揚錫(微笑)︰Hello, Nice to meet you~
葉明恩(微笑)︰你好呀主持先生~
宋榮烈(隨便)︰嗨。
宋慧祈(微笑)︰唉唷榮烈~.....主持先生你好~


「我」︰
歡迎呀咁多位~頭先有聽到我地既對話嗎?

李靜賢︰嗯，善容，善儀，小玉既構思同塑造由來，真係有趣呢。
不過說起來，主持對我，應該同善儀一樣，沒特定參考對象吧?

「我」(驚訝)︰呀係既......點解你會知既?

李靜賢(冷傲一笑)︰畢竟主持你設定我係天才少女呢，知道主持既想法沒咩大不了吧。

「我」(驚訝)︰呀.....竟然覺得好有道理，哈哈~

「我」︰咳嗯，的確塑造靜賢你既時候，我沒特定既參考對象。或者另一種講法，就係「黑長直」「天才少女」「冷傲御姐」呢啲元素既動漫角色本來就多之又多，我係抽取呢啲元素尼塑造靜賢你呢。

李靜賢︰至於我既天賦，名字，家族設定，好大程度係源自主持你對韓國聲優，亦即是配音員既認知同喜好呢?

「我」︰嗯嗯，沒錯。具體尼講，你既名係參考左我一個最鐘意既韓國聲優，同一個鐘意既韓國Twitcher~
李靜賢︰哼哼，後來諗我既衣著，講日文既設定上，靈感係聲優김하루前輩呢?

「我」︰靜賢真係乜都知呢~

李靜賢︰你最初諗課金仔個名時都一樣係個韓人名呢。

陳揚鍚(驚訝)︰那尼???

「我」︰呀哈哈哈，係呀~課金仔你最初設定叫「揚金」，靈感係一個叫「YoungJin」既電競選手，不過後來我就改了。

「我」︰課金仔既話，其實當時想參考《鬼滅之刃》既善逸~但係，諗落咁樣就太沒自己既特色喇係咪?於是，我就更希望你做一個默默進步的開心果。

陳揚鍚︰哇，原來係咁。哼哼，你如果設定我好似善逸咁勁，就唔洗咁頭痕啦。

「我」(笑)︰咁個個都咁勁揪，就唔有趣啦~

「我」︰好喇跟著落尼......明恩~你知道你自己又係點樣構思嗎?

葉明恩(笑)︰唔知喎~

「我」︰嘻嘻，你係一個典型既元氣青梅竹馬，運動型馬尾娘呢。同靜賢一樣，呢個角色好多好多.......不過真係要講既話，或者《家庭教師Hitman Reborn》既三浦春，仲有《Smile! 光之美少女》既綠川直係我對你既靈感。

葉明恩(大笑)︰光之美少女!?嘖嘖，依家既男仔喜好真難觸摸......

「我」︰嘖嘖嘖嘖，正如你女仔鐘意打機咋嘛~

葉明恩︰咁又係，失禮曬~咦，咁宋師姐同榮烈呢?

「我」︰呀，慧祈同榮烈，反而比較特別呢~

宋榮烈︰.......
宋慧祈(微笑)︰願聞其詳呢，主持先生。

「我」︰雖然慧祈同榮烈你地係義姐弟，但係榮烈係我寫左沒耐先慢慢構思，而慧祈你係最早一批創造既角色。Well，我承認初時甚至對慧祈既形象都沒確定，就係文字上定位係「明恩既好師姐，靜賢既好姐妹，知心大姐姐」，反而直到我第一次落筆憑靈感畫左人設圖後，我先有對慧祈既明確形象。

宋榮烈(無奈)︰有沒搞X錯呀你，對我家姐係事後補飛呀吓?

「我」(無奈)︰Well......Sorry~

宋慧祈︰哈哈哈哈唔緊要~主持好厚道，將我設定得靚女又受你同大家愛戴，幾好丫~

宋榮烈︰妖，我鬼X愛戴你呀，傻婆。

「我」︰嘻嘻嘻嘻，傲嬌姐控呢個元素，我自問幾鐘意......

宋榮烈(皮笑肉不笑的握拳)︰咩—話???

「我」(汗)︰咳咳無野無野......最初預想上，有諗過由慧祈做「火之守護人」，不過咁樣既話，守護人既女性比例太高喇，再加上慧祈既性格更適合作為一個推動劇情既非戰鬥人員，所以我就將此重任，交比佢暴躁又戰力高強既義弟喇~

「我」︰唔講唔知，構思出榮烈你既靈感，有係一套叫《巴霍巴利王》既印度電影，當中既主角希瓦(Shive)。隨之係《聖鬥士星矢》中既一輝，仲有《家庭教師Hitman Reborn》既雲雀恭彌。


宋榮烈(無奈)︰......你對我既構思未免太雜喇吧。

「我」︰有嗎?嘻，創作本來就可以無中生有，又可以炒埋一碟嘛~


「我」︰時間差唔多囉~連載一週年紀念既訪談就傾到呢度啦。
大家，有想同讀者們講，或者有咩新年願望嗎?

宋慧祈︰新既一年，希望大家可以繼續多多支持我地既故事~!

宋榮烈︰吓唔知UP乜X好喎......好喇好喇，多謝鐘意我地故事既讀者們，尼緊既部份，我會好好表現，鐘意睇就睇喇吓。

葉明恩︰我地會繼續戰鬥落去，所以希望大家都可以繼續支持呀~!

陳揚錫︰尼緊會有更多精彩部份~!更加會有書面語版添~......Well~要睇下主持大人快唔快手囉~

黃善儀︰希望大家繼續青睞~我好希望我係故事會快啲好番呢~

小玉︰同樣希望大家願意青睞我地既故事~然後聽聞主持先生好似搵到畫師幫我仲有善容畫新既封面相.....哎呀，始終太難為情喇~

李靜賢︰感謝一路以來閱讀我地故事既每一位讀者，願我地仍能努力不慟地對抗世上妖邪。
嘛，希望我同佢既感情都可以更進一步吧。모두에게 감사합니다~(多謝大家~)

黃善容︰大家講既野，基本上都係我想講既呢......不厭其煩既最後一次，多謝每一位既支持~!
願新既一年，大家彼此進步。多謝大家。