【真人真事改篇】《有一種距離，是HKU和IVE仔的距離。》/《初戀2000天》: 第十九章下 ​「誰若寄望替代你　最尾都要放棄　只能退避」〈其實我不快樂〉

https://www.youtube.com/watch?v=SZPHSigTC_0
第十九章 
        終於來到平安夜當天，昨夜Jessie煲劇煲到幾乎天亮才睡，睡醒的時候已經是下午三時多。
        陽光從窗外灑進來，溫暖了冰冷的房間，照醒了沉睡的Jessie。
        然而，Jessie卻不想起來，繼續懶洋洋地躺在床上玩着手機，一直到五時多，手機屏幕彈出了Alan的信息，提醒了Jessie快到二人約定的時間了。
        Jessie沒有理會Alan的信息，繼續躺在床上看YouTube裏的無聊影片，不願面對這現實。
        因為Jessie還未決定好，究竟應否赴約。




        「仲唔起身？五點幾啦喎。」Jessie母親突然推門而入。
        「就起啦，有咩食呀？」Jessie的目光從手機屏幕移到母親身上。
        「今日平安夜喎，你無約人咩？」Jessie母親走到床邊問道。
        「算⋯⋯有掛？」Jessie再次糾結地看着手機屏幕。
        「邊個有幸約咗我寶貝女呀？」Jessie母親好奇地問道。
        Jessie猶䂊了一會要不要告訴母親，最後還是決定問一下母親的意見。
        「Alan約咗我，你覺得我去唔去好？」Jessie終於放下了手機，認真地看着母親問道。
        「唔係呀嘛？」Jessie母親驚訝地說，「Alan竟然約咗你？」
        果然有其女必有其母，Jessie母親的反應和Jessie知道後的反應可謂是一模一樣。
        「佢約咗我今晚七點銅鑼灣，其實我已經應承咗佢，但又好糾結，你話去唔去好？」




        「你真係想知我嘅睇法？」Jessie母親怕自己的話會影響了Jessie的決定，但又不願看到寶貝女兒又踏上冤枉路。
        「嗯。」
        「我就覺得你唔好去好D啦，」Jessie母親頓了頓，續說：「你仲同佢補緊習，佢仲要考DSE，萬一分咗心點算？況且，佢都唔知入唔入到大學⋯⋯聽媽咪講，係大學搵過個好過啦。」Jessie母親認真地說道。
        「但我已經應承咗佢。」
        「要推佢有幾難姐。總之，要講嘅我已經講咗，如果你都係要去嘅，我都無辦法，你咁大個人，自己決定啦。不過媽咪就唔建議你去啦。」
        Jessie轉過身，看着日落西山的太陽，沒有再說話。
        「叮！」Jessie母親的手機突然響起信息的聲音。
        「唔同你講啦，我約咗人，你自己決定啦。」Jessie母親拿起手機，忙着回覆信息。
        「你約咗邊個呀？」
        「秘密！」Jessie母親甜絲絲地說道。




        過了不久，Jessie便聽到母親關門的聲音。
        啊，究竟我去唔去好？Jessie心想。
        Jessie盯着天花板猶䂊着，窗外的天色亦逐漸由白晝轉成黑夜。
        算啦，我都應承咗佢，去就去啦，Jessie心想。
        到了最後一秒，Jessie還是起來了，打開衣櫃，穿上了灰色的一字膊的長袖毛衣和牛仔褲，配上一雙米黃色的平底鞋和紅色的Salad側肩袋，化了個淡妝，便倉促出門了。
 
        七時左右，Jessie來到時代廣場對面的街道上，目光在湧擠的人潮下搜索良久，終於看到Alan的身影，但卻遲遲未動身走過去。
        Jessie還在糾結着。
        她知道要是她真的赴約了，便是給了Alan希望，等於告訴他可以追自己。
        然而，Jessie又怕母親說的話會成真，萬一Alan真像James那樣，讀了IVE，他們的結局會不會也是分手收場？她又是不是真的喜歡Alan？還是，只是把他當成了另一個James？
        難道她真如Angel所說，還在想着James嗎？
        想到這裏，Jessie又收回剛踏前的腳步，往後退了一步。
        終於，Jessie拿起顯示着多個未接來電的手機，點開WhatsApp，輸入：「對唔住，我有D事黎唔到。等你考好DSE，入到U嘅時候，我地再食過啦。」
        按下傳送鍵後，Jessie便轉身往回走，不願讓Alan承受自己的那份傷痛。
 




        晚上，Polly陪着Alan來到海邊吹海風。
        「你無野呀嘛？唔好唔開心啦。」看着平日嬉皮笑臉的Alan如今這一臉頹喪的樣子，Polly擔心地問道。
        「我有咩資格唔開心？我同佢都無開始過。」Alan倚在鐵柵，看着對岸五光十色的風景說道。
        這句話讓Polly不知道應怎接下去好。
        「你知唔知點解我會鍾意Jessie？」Alan問道。
        「點解？」
        「佢係唯一一個咁認真同我慶祝生日嘅女仔。」Alan漸漸低着頭，目光停留在停泊在岸邊的船隻上，繼續說：「我生日嗰日，咁啱要上佢堂。我好記得，嗰        陣係做緊2014年份〈第九味〉，做做下佢突然走咗入廚房話斟水，結果就斟咗勁耐，耐到我有一秒懷疑佢特登呃我鐘。」
說到這裏，Alan不禁笑了。
        「點知過咗陣，佢突然熄咗廳盞燈，拎住一個插住蠟燭嘅蛋糕仔，唱住生日歌咁行出黎。嗰一下我真係好Surprise，我無諗過佢會同我慶祝生日，仲有一張佢手寫嘅生日卡，到依家我仲擺咗係櫃桶珍藏住。我好記得嗰個係我食過最好味嘅蛋糕。由嗰陣開始，我就Feel到自己對佢嘅感覺唔同咗」
        然而，Alan不會知道，Jessie對每一位學生都會這樣做。
        「我以為佢同我都一樣，但原來，只係我一個自作多情⋯⋯」Alan的笑容變成了苦笑。
        你份生日禮物，我都係儲咗好耐錢先買到，我都好認真架，係你感受唔到咋嘛⋯⋯Polly心想。
        「可能佢真係只係臨時有事唔得閒呢？」Polly安慰道。
        「無可能，其實我啱啱見到佢，佢明明就企咗係對面街⋯⋯佢仲話等我入到U先再約，佢係咪覺得我襯唔起佢HKU？」Alan突然發現Jessie原來沒有他想像的好，原來她和那些功利的港女沒有分別。
        然而，他卻還是想追到她。




        「咁佢個Ex咁對佢，好難怪佢會咁諗嘅。一係你入到U再約佢囉？」
        「我咁嘅資質，有乜可能入到HKU，入到U都偷笑啦。係我自己不自量力，先會諗住追佢。」Alan失落地說。
        「我信只要你肯努力，一定得架！」Polly堅定地看着Alan，堅定得Alan都相信了，被Polly燃亮了久違的自信。
        「好！我一定要入到HKU，然後追Jessie返黎！」Alan的眼神裏充滿鬥志。
        無錯，只要我努力，一定入到U！Alan心想。 
        「你幾時先到架？」Angel對着手機抱怨道。
        「咪係你後面囉。」Angel轉過身，果真看到Jacky正拿着手機站在自己身後，說：「Sorry呀，遲咗少少，哇，你今日着得好靚。」
        這天，Angel穿了一件紅色貼身毛衣，配上一條黑色的超短裙和短靴，修長的雙腿頓時表露無遺，臉上亦脫去了平日的粗框眼鏡，取而代之的，是一雙放大瞳孔的隱形眼鏡，還有淡淡的妝容，美得Jacky忍不住一直盯着Angel看。
        「多謝，」Angel羞澀地說道，「我地去邊呀？」
        「跟我黎啦。」Jacky抓着Angel的手過馬路，再走了一段路後，來到一棟略為殘舊的工廈前。
        走進大堂，裏面的燈光一閃一閃的，時明時暗，一陣陰森的感覺從Angel後頸竄來。
        「我⋯⋯我地去邊呀？」Angel忍不住抓緊Jacky的手臂問道。
        這時電梯剛好到了。




        「去到你咪知囉。」Jacky緊握着Angel的手踏進電梯。
        「滋⋯⋯滋滋⋯⋯滋⋯⋯」電梯由於缺乏潤滑劑又日久失修的緣故，關門的時候發出巨大的磨擦聲，那聲音使Angel的內心更為不安，更用力地抓着Jacky的手臂，深怕會突然出甚麼事故。
        在電梯裏的一分鐘，對Angel來說仿如隔世，好不容易終於從電梯裏出來了，Angel才鬆了一口氣。
        踏出電梯門，便看到有一塊牌羅列着租用這層的公司名稱及所在單位，從名字來看，這裏有一間中醫診所、一間烘焙店、一間賓館⋯⋯
        看到這裏，Angel的腦海突然出現無限的幻想。
        「喂，你停係到做咩？快D跟我行啦。」Jacky把佇在牌前的Angel拉走。
        「其實呢，你覺得我地咁樣會唔會快咗D？」Angel故意慢吞吞地走着。
        「快？」Jacky想了想說，又說：「唔快呀，你行得好慢喎。」
        「我唔係指我嘅步速，我係話⋯⋯」Angel還未說完，Jacky便停了在一個透明玻璃門前，拉着Angel，準備走進去。
        「咪住先，我⋯⋯未Ready。」Angel緊張得咽了咽口水。
        「唔洗啦，Ready D咩？」Jacky沒有理會Angel的話，輸入了密碼後，一把打開了那道玻璃門，然後帶着Angel，徑自走到其中一間房門前。
        「等陣先！」Angel的聲音大得Jacky準備扭開門把的手停了下來，「唔係話唔得嘅，但我需要少少時間，做好心理準備先。」
        看到Angel那紅粉緋緋的臉蛋，Jacky突然明白了Angel在想甚麼。
        「唔洗緊張喎，我一定會好溫柔咁對你。」Jacky索性順水推舟，靠近Angel的臉說道。
        「真⋯⋯真係嘅？」Angel害羞地問道。




        「嗯！」Jacky親了Angel的嘴巴一下，問道：「你準備好跟我入去未？」
        Angel這才甜絲絲地點點頭。
        然而，Jacky開門後的畫面卻嚇到了Angel。
        「喂，你地咁遲先到架！禮物呢？講好要交換禮物架喎。」戴着聖誕帽的Kelvin說道。
        看着自己的莊員和上莊的人這刻竟齊集在自己面前，Angel驚訝得瞪大了眼。
        「你唔係唔記得，我地好耐之前係莊Group講好咗，話Book間Party Room一齊過平安夜，一齊倒數呀嘛？」Jacky忍不住笑着說。
        「無可能架！」Angel連忙拿出手機，點開莊Group，才發現自己為了專心應付Final，一直Mute了這莊Group，裏面有過百則未讀信息。
        Angel馬上露出一個尷尬的笑容。
        「我比現金得唔得？」Angel向Kelvin問道。
        「現金Double喎。」
        「唉，好啦，我都無得揀。」Angel無奈地從錢包掏出兩張紅色紙幣。
        「哇，Angel姐真係大方。」收了錢的Kelvin馬上便走開了。
        「手袋比我呀，我幫你擺埋一邊，順便跟一跟一陣嘅抽獎禮物，你搵野玩住先。」不知是不是信不過Kelvin，Jacky跟着Kelvin走了。
         房間裏，有的在打麻雀，有的在玩Switch的Overcook，有的在玩足球機⋯⋯花樣多得不能盡述，唯獨Raymond正拿着啤酒，和Bonnie站在露台聊天。
        佢地傾緊咩呢？Angel好奇地走到露台。
        踏出露台的瞬間，冷冽的寒風馬上竄進Angel的短裙裏，冷得Angel打了個抖，有點後悔走了出來。
        「你終於黎咗啦？你一直都唔應機，仲以為你唔黎添。」Bonnie看着剛推門而出的Angel問道。
        「我唔小心mute咗個group miss晒D Message。」Angel尷尬地說。
        「果然係Angel呀，Prep諮唔記得，連莊聚都唔記得，」Bonnie笑着說，「依到實在太凍啦，我都係返入去先，你地慢慢。」
        說畢，Bonnie便離開了。
        「哇，你唔凍架？仲飲凍冰冰嘅啤酒。」Angel問道。
        「少少啦，你唔留係入面？依到咁凍。」
        「點解你今晚唔約Jessie？」
        「點解我要約佢？」Raymond反問Angel。
        「你唔係鍾意佢咩？」
        「但佢鍾意嘅唔係我，我仲係依D日子約佢，咪盞比佢拒絕。」Raymond看着街上川流不息的人潮說道。
        「你又知？」Angel也隨着Raymond的目光往下看。
        「嗰日佢整親隻腳，我孭佢返去嘅時候，佢仲為咗佢同我鬧交，佢仲係等緊佢返黎搵自己。」
        「依家距離嗰日都過咗咁耐，可能佢已經放低咗呢？」Angel說道。
        「愈識得Jessie耐，愈覺得佢同我個初戀好似，似到我知道佢無可能咁輕易走到出黎，佢應該仲等緊佢返黎。」說到這裏，Raymond喝了一口冷得入心入肺的啤酒，「既然佢鍾意嘅唔係我，我仲走埋去做咩？」
        「但James已經同咗嗰個女人一齊，你明明對Jessie咁好，可能有一日佢會鍾意你呢？」Angel單純地說道。
        「就好似一個扮訓嘅人，你永遠都叫佢唔醒，咁又何苦繼續等落去？開心過咪算囉。反而⋯⋯我覺得佢個Ex可能會返番黎搵佢。」
        「邊有可能，佢明明已經飛咗Jessie，仲Hurt得Jessie咁深。」
        「女人分手就開頭嘅時候傷心，而當女人就快放低嘅時候，就到男人開始後悔，話唔定佢已經返咗黎搵Jessie。」Raymond的口吻就像個戀愛專家似的有說服力。
        「照你咁講，佢返黎搵Jessie嘅時候，Jessie應該已經放低咗啦，仲點會一齊？」
        「我唔知點講，總之Jessie就仲未放低佢。」
        「就算係，Jessie都唔應該同返佢一齊！」Angel激動地說，「佢咁賤格，返黎咪盞繼續Hurt Jessie，我寧願你追走Jessie！」
        Raymond想起自己當年的所作所為也和James相差無幾，而現在他也正在承受這份惡果，甚至是一輩子都在承受這份惡果。
        若時間重來，他絕不會再這樣對那個最深愛自己的她。
        「可能佢個Ex會改過呢？」Raymond笑着說。
        「就當佢真係返黎搵Jessie啦，你唔會唔甘心咩？」
        「咁有時D野唔一定要得到先開心嘅，況且我都未去到咁愛佢，如果佢地真係可以係返埋一齊，而Jessie又開心嘅，咁咪得囉。反正我下年都未必會係到。」
        「你要去邊？」Angel問道。
        「我可能去Exchange。」
        「去幾耐？」
        「一個Sem或者一年啦，我都唔知。」Raymond又喝了一口啤酒。
        這句話之後，二人再沒有說過話，只默默地繼續觀察着那條人來人往的街道。
        「你地係到傾咩？」這時，Jacky突然出來了。
        「傾佢同Jessie囉。好凍呀，我都係返入去先，你地慢慢啦吓。」這次換Angel打着冷顫地走回去。
        「你同咗Angel講未？」Raymond看着Angel遠去的身影說。
        「未，我未搵到適當嘅時機。」Jacky說。
        「你咁對佢好唔公平，Angel咁純，係個好女仔，你最好快D同佢講，唔係盞Hurt到人。」Raymond說。
        「放心，我會搵個機會話佢知架啦。」
 
        晚上，Jessie下車後，獨自走在回家的小路上，看着燈上孤寂的路燈，腦海不斷浮現James陪自己走過這條路的畫面。
        唉，過咗咁耐，每次行依條路都仲係會諗起你，睇黎我真係一世都唔會放得低你⋯⋯Jessie看着自己那被街燈拉長身影嘆了口氣。
        快走到大廈時，眼前竟出現一個熟悉的身影。