【真人真事改篇】《有一種距離，是HKU和IVE仔的距離。》/《初戀2000天》: 第十七章上 「你是個好人　好到慢性殺死我　 我被你溫柔　傷到未能走出最初」 〈殺死我的溫柔〉

https://www.youtube.com/watch?v=CKk0LFEEg7U
第十七章上 
            自那天起Alan就經常WhatsApp Jessie，有時是問功課，有時僅是閒聊。即使Jessie不怎麼回覆，Alan還是會鍥而不捨地找新話題。
            Jessie記得James當初追自己的時候也是這樣，只不過當年還沒有WhatsApp，只有MSN。
            每當Jessie上線的時候，James都會主動找Jessie聊天，有時說些生活瑣事，有時談談音樂。起初時，Jessie總覺得James很煩人，明明兩人不熟，有甚麼好聊？所以Jessie經常遲遲都不回覆James，這時，James就會用MSN獨有的震動功能，逼Jessie回覆自己。
            時間久了，Jessie也就習慣了，倒是哪天James沒找自己反而有些不習慣。
            想到這裏，Jessie忍不住點開了James漆黑一片的WhatsApp頭像，滑到二人分手前的日常對話，一遍又一遍地細閱：
 




早安寶貝。在想你。因為被你親過呀。我感覺你在我心裏。 
            如果可以返番去，如果我無揭穿佢就好啦⋯⋯Jessie心想。
            Jessie巴不得可以回到過去，即時有Kay的存在，至少她還可以看到James，享受James的溫柔。
            然而，儘管Jessie再想回到過去，日子還是一樣要過，世界不會為傷心的Jessie而停止轉動。對於這一切，她都只能逆來順受，她漸漸明白，很多事都不是努力就有成果的，而她唯一可以做的，是學習放下，放下才可擁有更多，才可能揭開新的一頁。
            這些Jessie統統都知道，可是她卻甘願沉溺在過去，而不願展開新一頁。她覺得只要她不放手，只要她還有他們愛過的痕跡，那他們的愛情就不算真的逝去。
            「確確！」想到這裏，突然有人敲響Jessie的房門，打斷了Jessie的思緒。
            Jessie放下手機，走去開門，是Raymond。
            「我地今晚去練波，你去唔去呀？」Raymond問道。
            「練波？練咩波呀？」Jessie疑惑地問道。
            「遲D我地Hall之間會有競技盃，會有好多唔同嘅運動比賽架，例如籃球、足球、羽毛球之類，仲有D你諗都諗唔到嘅UNO、層層疊、包剪揼都有架！咁啱今晚係女籃訓練，一齊去玩下呀！」Raymond雀躍地邀請Jessie。




            「唔啦，我好耐無打，一陣累到大家輸波就唔好啦。」Jessie卻婉拒了Raymond。
            「唔緊要架，我地都唔志在贏波，一齊玩下咋嘛。」
            「唔啦。」Jessie還是微笑地搖搖頭。
            Raymond見狀，便靠在Jessie耳邊細聲地說道：「其實女籃就Angel負責嘅，佢係下面等緊一齊出發去練習，點知等咗好耐都得幾丁友，如果到時唔夠人出賽嘅話，到年尾諮會嘅時候，Angel就會比人針到一棟都無⋯⋯Angel平時對你咁好，你都唔想架？」
            「佢無同我講過嘅？」
            「Angel知你心情唔好，咪無同你講囉，我係你就即刻仆落去撐佢場啦。」Raymond說。
            Jessie想起Angel平日對自己的好，又煮東西給自己吃，又在自己失戀時陪在身邊，充當自己的情緒治療師，又在自己醉到一塌糊塗時找人來救自己⋯⋯
            「好啦咁。」
            「快D喎，我地八點就正式出發架啦，Lobby等。」Raymond說完時間地點後，就走了。
            比起和一大群人一起練波，Jessie更想躲在被窩裏，一個人靜靜地回憶過去，可是只要想到Angel要面對那咩可怕的老鬼的質詢，Jessie馬上動身換上了運動服。




 
            「Jessie！點解你會黎嘅？」Angel看到Jessie後，興高采烈地問道。
            「黎撐你場囉！」Jessie笑着說，「哇，真係得咁少人咋？」
            連同Jessie和Angel在內，Lobby只有五位女生。
            「Raymond負責train女籃，佢怕我太遲出發會比人鬧，但又驚你唔識去，所以佢帶咗D人去先啦。」
            Angel看了看手錶，突然荒張起來，說：「仆街！夠晒鐘啦，我地去搭的士啦。」
            自從Angel上莊後，Jessie發現以前乖巧得不行的Angel竟說多了粗口。
            「的士？唔平架喎。」Jessie說道。
            「唔緊要啦，我比，錢解決到嘅就唔係問題，行啦行啦。」
 
            「依邊呀。」下車後，Angel馬上拉着Jessie她們跑進籃球場。
            雖然已是晚上八時多，可是籃球場還是熱鬧得很，不少在附近居住的年輕人都聚集在這裏練習，但大都是男生，Angel她們自然成了球場上的稀有動物。
            來到球場，Jessie才發現這裏少說也有十來個女生，根本不像Raymond說的那麼缺人，才發現自己被Raymond騙了。
「哇，D女就快比Raymond哥食晒啦。」一旁的Bonnie笑着說。
            球場上，一位女生正站在罰球線上，而Raymond則站在她身後，把籃球放在女生的手上，說：「隻手要張開D，形成一個好似三角形咁嘅手勢，唔係我一拍⋯⋯」說罷Raymond輕輕一拍，便輕易地從女生手上把籃球奪去，「就比人搶咗架啦，你示範多次比我睇。」




            「姐係咁樣？」女生在空氣中微微地張開雙手。
            「要再張開D，先包到個波架，」Raymond放下籃球，拉開女生僵硬的手指，「然後再蹲低D，先唔會比人撞開。」
            難怪佢咁緊張夠唔夠人啦，Jessie心想。
            「Raymond，齊人啦！」Angel朝Raymond叫道。
            認真的Raymond這才注意到Jessie她們到了，連忙鬆開了那女生的手，說：「齊人就開始啦，我地跑個圈當熱身先。」
            圍着籃球場跑了好幾個圈，做好熱身後，Raymond把女生分成了兩隊，練習傳球走籃，而Raymond則在一旁指導。
            「走籃應該係左腳，右腳，然後再左腳，姐係左、右、左，然後行到去依個位就要嗌波，明唔明？」Raymond對着一眾女生問道。
            「Raymond認真個樣係咪好Charm？」Angel悄悄地在Jessie耳邊說。
            看着Raymond滿額汗水，一臉認真的樣子，確實比平日多了兩分帥氣。
            「係咩？認真溝女個樣呀？」Jessie故意挖苦道。
            「我話佢打波個樣呀。」Angel說。
            「係咩？咁Jacky Charm D，定Raymond Charm D？」Jessie問道。
            「Jacky都唔打波，點比呀？」單純的Angel沒聽出Jessie話中有話。
            「咁打機嘅時候呢？Charm唔Charm？」Jessie笑着問道。
            「你講咩呀？」




            「我明明成日都見到你去搵Jacky，Jacky又成日上黎搵你，唔好又話因為佢係你上莊呀，你D莊員都無搵你搵得咁密，你地仲唔係有野？」Jessie八卦地問道。
            「到你啦！」剛巧到Jessie走籃了，給了Angel一個逃脫的機會。
            練習完走籃、傳球、罰球後，Raymond決定把大家分成兩隊，來一場五打五的小比賽。
            剛巧，Jessie和Angel分了在一隊，Jessie負責籃底的位置，Angel則負責控球。
            「波！」Angel對着Jessie喊道。
            Jessie馬上往前小跑兩步，接着籃球，瞄準球框，把球射進去。
            可惜，Jessie沒有射中，可她馬上作出補救，跳上前搶籃板。
            雖然球場上有少部分人有打籃球的經驗，但更多幾乎連波皮都沒碰過幾次的女生，而當這些女生打籃球的時候，你就會看到一個恐怖的畫面：只要有波的地方，就會有一群女生湧上前，她們不會顧甚麼double、走步，還是三秒違規之類的，她們的眼裏只有那顆閃閃發亮的籃球。
            球場頓時成了戰場。
            這次也不例外，當Jessie搶到籃板後，馬上就有一群女生圍住她，而好勝的Jessie亦不甘示弱，死命地抱着籃球。
            終於，Jessie不知道是被誰的腳絆倒，一時沒站穩，跌坐在地上。看着Jessie痛苦的表情，剛才忙着搶球的女生頓時嚇得不懂反應。
            「你點呀？」Raymond馬上衝上前問道。
            「我諗係跌落地有D痛姐，應該無野嘅。」Jessie說。
            Raymond看了看手錶，對大家說：「仲有十分鐘，你地繼續打多場，Bonnie你幫手睇下大家打成點，我睇下Jessie有無事先。」
            「Ok。」Bonnie回應道。




            然後，Raymond和Angel小心翼翼地把Jessie扶到一旁的長椅上。
            「邊到痛呀你？」Raymond蹲在Jessie旁邊問道。
            Jessie皺着眉頭，指着腳裸的位置。
            「依到？」Raymond輕輕地碰了碰Jessie腳裸的位置。
            Jessie咬着下唇點點頭。
            「腫起咗，似扭親喎，洗唔洗帶你去睇醫生？」Raymond問道。
            「唔洗掛？我諗我返去敷下冰應該就無事。」
            「得唔得架？都係去睇醫生啦。」Raymond擔心地說道。
            「咁夜，仲邊有醫生睇？係都等聽日啦。」
            「咁你行唔行到？」
            當Jessie嘗試站起來，證明自己的傷勢不太嚴重時，卻痛得她馬上跌坐在長椅上。
            「哇，你痛到咁都話無事？」Raymond看着Jessie搖搖頭，續說：「今日都練得差唔多，我同你返去先啦。」
            「唔洗啦，Angel同我返去得架啦。」
            「Angel咁瘦，點抬到你返去，等我黎啦，又唔係未試過。」Raymond半蹲在Jessie面前，「不過你今次扭親，我咩你返去會方便D。」
            Raymond的話叫Jessie想起了那次，她在蘭桂坊醉得一塌糊塗的樣子，頓時一股羞恥感從心底湧出。




            「唔洗啦，我行到⋯⋯」Jessie再次試圖站起來，卻被Raymond拉了在他背上。
            「叫你上黎就上黎啦。」Raymond背着Jessie對Angel說：「我送Jessie返去先，你走嗰陣記得收返齊D波。」
            「無問題，你地小心D呀。」Angel貼心地說。

         越過球場，Raymond走到馬路旁嘗試攔截的士，卻久久都沒有一輛經過。
         「我地行前少少有個十字路口，應該會易D截到。」Raymond說道。
         走在人煙稀疏的行人道上，二人頓時成了馬路上的車輛的焦點，幸好Jessie沒看到那些司機看自己的目光，不然她大概早已抓狂了。
         漆黑的夜空在光污染甚為嚴重的城市裏，無法透出一點星光，唯有橙黃的街燈照亮了這條路，把二人的身影拉得長長的，臥在街磚上，彷如一幀浪漫的畫作。
         「嗰日多謝你，好彩有你送我返黎。」Jessie那被街燈染黃的手臂圍在Raymond頸項上，問道：「係呢，我嗰日有無做咩柒事？」
         「有呀，你一路喊住，一路係咁講：『點解你要咁對我，明明我咁愛你⋯⋯』我仲影低咗係手機添，你要唔要睇呀？」Raymond笑着說。
         「咩話？你做咩拍我？」Jessie驚訝地問道。
         「哇，咁寶貴嘅時刻緊係要影低佢啦，得閒拎出黎笑下你都好呀，睇你下次仲敢唔敢飲咁醉。」Raymond得戚地說道。
         「唔得，你即刻同我Del咗佢！」Jessie突然在Raymond背上郁動了起來。
         「喂，你唔好亂咁郁呀，你唔輕架小姐，一陣跌落地盞攬炒架咋！」Raymond說道。
         「咁你應承我Del咗佢。」Jessie說。
         「如果我唔Del呢？」Raymond說道。
         沒想到，Jessie竟從Raymond背上跳了下來，單着腳站在路上，伸手摸Raymond的褲袋，想要找出他的手機。
         「哇，變態呀！」Raymond嚇得連忙按着自己的褲袋，深怕會被Jessie扯掉，Jessie卻堅持不懈地，嘗試把手伸進袋裏。
         然而，一個不小心，單腳的Jessie失了平衡，竟把Raymond撞倒在地上，自己則一頭撞在他的背脊上。
         哇，好軟，好舒服⋯⋯Jessie心想。
         幸好，平日Raymond操練有加，背肌柔軟又富有彈性，比枕頭還好睡。
         「喂，小姐，其實你係借搵手機之名抽我抽我水咋下嘛。」Raymond對仍伏在自己身上的Jessie說。
         「我⋯⋯我邊有呀。」聽到這句，Jessie才連忙坐起來。
         看着臉頰通紅的Jessie，Raymond忍不住笑了。
         「叫咗你咪亂咁郁架啦。」Raymond緩緩地站起來，拍了拍身上的灰塵，對Jessie伸出手，把Jessie扶起來。
         扶着Raymond的手，Jessie靠着路旁的欄杆好不容易站了起來，然而，這次倔強的Jessie不再願跳上Raymond的背上，寧可自己一跳一跳地彈到十字路口。
         「好好好，我Del啦，你唔好勉強亂行啦。」Raymond還是敵不過倔強的Jessie，選擇了投降。
         「真係？」Jessie這才停了下來。
         「真係，不過你要話我知，你嗰日做咩飲到咁醉？」
         Jessie猶䂊了幾秒，還是說了出來：「嗰晚，我係IG見到，佢⋯⋯同個女仔買咗機票去日本旅行，但佢明明應承咗係同我去，當係我地嘅畢業旅行，順便慶祝我嘅生日⋯⋯但佢過咗六千蚊比我，你話佢點解要咁做？」
         儘管Jessie那天已接受了James已變了心的說法，可是想起他們曾經甜蜜的回憶，卻又抱有一絲希望，內心深處大概還未能面對這事實。
         每天在愛與不愛、想與不想、甜蜜與痛苦之間徘徊不前，已成了分手後的Jessie的日常。
         「你覺得呢？你都係想我講佢可能仲愛你姐？」Raymond馬上看穿了Jessie的心思。
         「無⋯⋯無呀，我知佢已經有第二個，佢愛嘅係嗰個女人。」而Jessie卻還是選擇自我欺騙，騙自己已接受了這現實。
         「就當佢真係佢仲愛你，但佢都同時愛嗰個女人，唔係嘅話，點會同佢去？可以分割嘅愛，你要黎又有咩意義？」Raymond無奈地問道。
         「少少都好過無呀。」Jessie倚着路旁的欄杆，把頭埋在雙肩裏，低着頭看着灰漆一片的馬路，聲音微小如蒼蠅，彷彿只是說給自己聽。
         Raymond看到這樣卑微的Jessie，突然覺得她已不是他當初認識的那個Jessie了。
         還記得與初見的那天，是在圖書館裏，Raymond本來正坐在書桌上看書，卻看到不遠處有位打扮型格的女生正努力與那部陳舊的影印機搏鬥，弄了個大半天還印不出半頁紙。她其實大可以去問圖書管理員，或是旁邊的任何一個人，可她卻不願開口求人，好像覺得只要再試試就能成功。
         就是那股總相信自己能搞定一切的自信，甚至可稱得上是傲氣使他留意到她，忍不住走上前幫她。
         然而，即使Raymond曾幫過Jessie的忙，可再見時，卻並沒因此拉近了二人的距離， Jessie依然予人一種不熱不冷、生人勿近的感覺，可偏偏就是這種距離感和傲氣吸引了他，使她不禁想了解她更多，走進她的內心世界。
         而今天，那股拒人於千里之外的高牆雖消失了，她打開了本來緊閉的心扉，可初見的那個Jessie也隨之消失得無影無蹤，徒留脆弱得不堪一擊的她，彷彿只要再多碰一下，就會馬上化成碎片，碎散一地。
         那麼，就讓他來把她粉碎吧。
         要知道，鳳凰涅槃，浴火重生，唯有把Jessie推向絕望的盡頭，粉碎她對James所有的念想，她才能重新活過來。
         「既然你咁稀罕佢嘅愛，你大可以試下影低自己依家傷得幾慘，然後擺上IG，話佢知你傷得幾嚴重，大愛嘅佢絕對唔介意施捨幾分可憐比你架，就好似佢當初可憐嗰個女仔咁！」Raymond激動地說。
         Raymond的話像鹽巴，狠狠地撒在Jessie血淋淋的傷口上，比她腳裸上的傷要痛上幾千倍，痛得她眼眶頓時冒起一層霧氣。
         Jessie咬緊牙齒，強忍眼眶的淚水，不憤地盯着殺人於無形的Raymond，可Raymond卻沒有一絲要道歉或是哄回她的意思。
         剛巧，這時有一輛的士經過，Jessie遞出手把那輛車攔下來，然後一彈一彈地跳上車，獨留Raymond一人站在路旁。
        
         下車後，Jessie一拐一拐地走回宿舍，花了比平日多好幾倍的時間才上到房間。打開門的瞬間，身心俱疲的她馬上累攤在床上，本想說攤一會便去洗澡，可是攤着攤着，竟迷迷糊糊地睡着了。
         過了好一陣子，Angel終於處理完女籃的事務，回到房間。Angel本想繼續做她的莊務，可是看到疲累的Jessie睡着了，便不打擾她，悄悄地拿着手提電腦出去了。
         直至夜半時分，Jessie手機傳來信息聲音，才把Jessie喚醒了。
         睡眼惺忪的Jessie伸出手在床邊的書桌上摸了半天，終於摸到了手機，本來是想把手機調至飛行模式後便繼續睡，卻不經意地看到那則從Facebook的Messenger傳來的信息，馬上喚醒了她所有的睡意。
         那是James發來的信息，寫着：「你隻腳，無野呀嘛？」
         佢點知我隻腳整親架？唔通我真係聽咗Raymond講，將扭親嘅事擺咗上IG我自己唔知？Jessie震驚地想。
         明明很想馬上回覆James的信息，但傲嬌的Jessie卻告訴自己不可以秒回他，否則就會顯得自己很在意對方。
         終於，等了約半小時，Jessie才回覆早已構思了半天，卻僅有四個字的信息：「你點知架？」
         豈料，James卻秒回了自己：「我見到Angel個IG。」
         Jessie馬上點開Angel最新的IG Story，發現Angel Repost了Bonnie的IG Story，影片裏的自己正用力抱着籃球，被一群女生包圍，臉上的表情甚為痛苦，Angel還在照片上寫着：「女人打波真係好恐怖！」
         OMG，咁柒嘅相竟然比佢見到！Jessie嘆了口氣。
         未待Jessie回覆，畫面又彈出James傳來的信息：「你有無去睇醫生？仲行唔行到？」
         大愛的James的話再次在Jessie心裏捲起層層巨浪，慶幸這是文字信息，James無法從冷冰冰的文字裏看出她真正的思緒。
         「未。」Jessie本來灑瀟地只回覆了一個單字，可過不了三秒，又忍不住加了句：「我行唔到係唔係你黎扶？」
         傳送了的瞬間，Jessie卻又馬上後悔了，覺得自己又多做了一件丟臉的事。
         James卻回覆：「你有Raymond啦。」
         但我想要你⋯⋯Jessie輸入了，卻又刪除了。
         眼見等了良久，Jessie還是輸入中，James又說：「我媽之前都有扭親過，佢有隻藥好勁，捽下就無事，你要唔要？你要我後日放工拎比你？」
         點解你仲要對我咁好？我應唔應該去拎？ Jessie心想。
         Jessie其實很想說好，可是她不敢，現在的她雖說不上過得很好，但總算能吃能睡能好好生存，她怕再見到James，她又會忍不住一頭栽下去，又回到之前那段最黑暗的日子。
         於是，Jessie努力抑制住自己，回覆：「唔洗啦，唔該你。」
         過了幾秒，James回覆：「我地已經半個月無見過面。」
       係一個月無見先啱，Jessie心想。
         那時，Jessie還不知道，那夜她喝到酩酊大醉的時候，James有來過找她，還親眼目睹Raymond扶着她上了車。
         接着，James竟說：「我想見你。再唔係我黎你Hall比你都得，你比我見你一面好唔好？」
         Jessie的內心頓時波起濤湧，一片混沌，馬上放下手機，不敢再回覆。
         你幾時先肯放過我？