【真人真事改篇】《有一種距離，是HKU和IVE仔的距離。》/《初戀2000天》: 第十四章上 「But i'm still loving you」

https://www.youtube.com/watch?v=sfXGo_lCiS4&list=RDsfXGo_lCiS4&start_radio=1
第十四章上 
        「你最近做咩成日同Raymond傾計？」這天，Angel又來找Jacky打機，卻被Jacky看到她又在和Raymond WhatsApp，於是他不爽地問道。
自那天回來後，Jessie彷彿徹底接受了James已不屬於自己的事實，不再以淚洗臉地過日子，倒是開始重新生活，每天如常地起床、上課、補習、摺Lib、睡覺。雖然看起來還是那樣憔悴，但除此之外，和一般頹摺毒的大學生沒甚麼分別。
        Jessie以為自己掩飾得很好，實際上，每當Angel忙完莊務、半夜回到房間時，都能隱隱若若聽到Jessie吸鼻子的聲音。
        Angel知道Jessie在哭，可是體貼的她沒有拆穿她。




她知道那是Jessie好不容易才裝備起來的面具，那又何苦要拆穿她，逼她撕下剛貼好的膠布，把傷口暴露在滿佈細菌的空氣之下？要知道再多的安慰，也無法了解那種痛，即使了解，可在夜深人靜的時候，也只剩自己撫傷自憐，獨自承受。
不過，只要不再刺激那傷口，耐心呵護，日子久了，也終能癒合。
而Angel覺得，Raymond就是那能讓Jessie加速癒合的藥膏。
        「唔係呢，有D事要佢幫手。」Angel不想告訴Jacky，她害怕她告訴了神經大大條的Jacky，就會全世界都知道Jessie失戀，而Angel深信這是倔強的Jessie最不願發生的事。
        「咩事要Raymond先幫到你？」Jacky嘗試偷看Angel的手機，可是並不成功，只好自行猜想。
「唔通⋯⋯你幫Raymond追Jessie？Jessie唔係有男朋友啦咩？你咁咪姐係教Jessie出軌！」Jacky神經過然大條，猜出一個完全相反的劇情。
        「唔係呀，錯呀！總之，你唔好問啦，你唔知好過知，信我。」Angel一邊說，手一邊忙著和Raymond WhatsApp。
咁都唔係？唔通⋯⋯係你追Raymond！？Jacky愈想愈不安，竟一手搶過Angel的手機來，一眼就找到想看的內容。
        「咩話？Jessie失戀？個IVE仔真係Come On Jessie呀？」Jacky驚訝得大叫起來，Angel馬上把食指放到嘴前，示意他小聲點。
        可惜，已經太遲了。




        「咩話？Jessie比IVE仔飛咁慘？」Bonnie推開門問道，「Sorry呀，我咁啱有事要搵你，無心偷聽架，只係你咁大聲，依到隔音又差，唔洗偷聽都應該聽到晒。」
        「Sorry呀⋯⋯」Jacky抱歉地看Angel。
Angel氣得重重地嘆了口氣便與Bonnie擦身而過，離開了Jacky的房間，不想再和Jacky說多一句話。
 
        晚上約十時多，一身戰鬥格的Bonnie來到Jessie的房間。
        「確確！」Bonnie敲了好幾次門，可是都沒有反應，Bonnie索性推門而入。
        只見Jessie正獨自攤在床上，像個傻子似的呆望天花板，不知道在想甚麼。
        WTF，佢真係病到好嚴重，天花板都好望，驚佢冧呀？Bonnie心想。
        「Jessie！你得唔得閒呀？」Bonnie見Jessie沒留意到自己，她便徑自走到Jessie床邊。
        「哇，你幾時入黎架？」Jessie這才看到一臉濃妝艷抹的Bonnie。




        「我見敲門無咩反應，咪入黎睇下囉，好彩我有入黎咋，我黎搵你架！我見你最近好似都唔係好開心，想帶你去開心下，你得唔得閒呀？」Bonnie雀躍地看Jessie。
        「errr……聽日好似有份Assignment要交，但我仲未做。」Jessie說。
        「Assignment咋嘛，三兩下就做完啦，跟我去玩啦，好好玩架。」Bonnie把Jessie從床鋪拉起來。
        「玩咩呀？但我好攰喎⋯⋯」Jessie像條軟皮蛇，不願起來。
        「信我，我包你話好玩，到時你個Ex.見到一定好唔抵得你玩得咁開心，我地激死佢！」Bonnie提議到。
        聽到這句，Jessie的內心有點不舒服，也不太明白Bonnie究竟要帶她去哪，可是她還未來得及問，就被Bonnie拉了出房間。
        「咪住先，你最起碼話我知去邊呀。」Jessie漸漸清醒起來。
        「蘭，桂，坊！」Bonnie興奮地說，「好好玩架，跟我黎啦。」
        「吓，但我無嗰D衫，又唔識化妝喎。」
        「我有呀嘛，快D黎我間房啦，我幫你裝身，乖啦，你再咁藕落去生蟲架啦。」Bonnie半推半拉地把Jessie帶到自己房間。
        這時Angel剛巧經過。
        「Angel！Bonnie話帶我地去玩，你都一齊呀！」像找到救生圈似的，Jessie連忙拉著剛走上來的Angel。
        「下？Jacky叫我快D出Pro p D Poster喎⋯⋯」Angel猶䂊地掙脫Jessie的手。
        「你放過Angel啦，佢出唔切Poster會比人斬死架，下次先帶埋Angel啦，加油啦，Angel！」聽到Bonnie幫忙說的話，Angel果斷地放開Jessie的手，說：「去玩得開心D啦，拜拜！」
        Jessie以看著叛徒的眼神看著Angel。




 
        晚上十一時多，Bonnie、Jessie和另一位女生，一行三人來到燈紅酒綠的蘭桂坊，這時的人還不算很多，大概還未到時候。
        被Bonnie精心打扮過的Jessie沒有了濃濃的黑眼圈，取而代之的是由精緻的眼線、修長的睫毛液構成的大眼睛，而眼蓋上閃亮的啡色眼影在潔白無瑕的臉上更是突出。加上大U領貼身上衣和小短裙，還有旁邊Bonnie的一雙長腿，引來了不少人的目光。
        「嗨，你記唔記得我呀？嗰日你同Raymond出完街返黎嘅時候，我地見過架，我叫Michelle呀，嗰日我其實係搵佢Roommate拎返個Bra，點知搞到你地。」Michelle向Jessie揮手說。
Michelle和Bonnie一樣，都有一雙幼嫩的美腿，看得Jessie好不羨慕。
        「我叫Jessie呀，我記得你呀，」Jessie努力從記憶裏撈起她的面孔，「Angel同我講咗啦，你唔係有男朋友架咩？」
        「佢鍾意咗佢嘅莊員，我地分咗手啦。」Michelle微笑地說。
        「Sorry呀⋯⋯」Jessie抱歉地說。
        「我無野喎，依D野Easy come easy go，過多幾次就慣啦架。」Michelle看起來沒有一點的難過，倒是非常潚灑。
唔通我都要好似佢咁，過多幾次我先習慣到？Jessie心想。
        「唔好講啦，我地去Zentral擺低D袋先呀！」Bonnie提議道。
        「好呀。」Michelle馬上附議。
        二人看著Jessie，等待Jessie的回應。
        「其實我第一次黎，Zentral係⋯⋯食得架？」Jessie試探地問道。
        「唔係呀嘛，你竟然第一次黎？」Michelle難以置信地看著Jessie一臉疑惑的臉，「真係架？唔緊要，等姐姐帶你搵食。」走到Jessie旁邊，牽著她的手臂往一棟透明玻璃牆構成的大廈去。




        走到門口，一位黑衣人檢查了她們的身份證後，在她們手背上蓋了個沒顏色，需特別光線照射才看到的印，還給了她們一張Free Drink Ticket，便放了她們進去。
        還未到四樓，在電梯裏已能聽到沸沸揚揚的吵鬧聲。
        「拿，只要拎張身份證同一百蚊紙出黎，放係手機套後面，剩低嘅擺晒係到啦。」Bonnie對Jessie說。
        「一百蚊，夠飲架啦？」Jessie問道。
        「你夠叻嘅，一蚊都唔洗添，」Michelle說，「總之你聽我講，一陣你就知架啦。」
        Jessie疑惑地照著Bonnie的指示，把一百元和身份證放到手機後，便跟著她們走進大門，來到Bar枱，把手上的票遞給Bartender，很快便換來三杯像雜果賓治的飲料。
        聽著節奏感強烈的音樂，在昏暗的燈下喝著甜甜的cocktail，確實挺舒服，Jessie漸漸理解人們說要來蘭桂坊放鬆的意思。
        「都唔好飲嘅，我地不如落去兜轉先，都未有人。」Bonnie提議道。
        唔好飲咩，我覺得幾好飲呀，唔通我味蕾有問題？容不下Jessie多想，Bonnie又把她拉走了。
        之後，她們又轉了幾個圈，來到了Levels，喝了差不多的Free Drinks後，Bonnie便又拉走了Jessie。
 
        回到蘭桂坊街頭，Michelle拉著Jessie和Bonnie走到7-11，買了枝可樂和Vodka。
「哇，你成枝隊呀？」Jessie驚訝得瞪大眼，眼睛都幾乎要跌出來。
        「都可以嘅，我係驚你唔得，所以先買咗枝可樂咋。」Michelle倒了點可樂到坑渠裏，然後把Vodka倒進可樂樽裏，遞到Jessie手上。
        「哇，你做埋Bartender嗰份，好犀利！」




        「你拍多幾次拖，你都會學識。」Michelle把可樂樽遞到Jessie手上。
Jessie試了一口，還未習慣這濃濃的酒精味，喝得眉頭都皺了起來，馬上可樂樽遞回給Michelle。
        「哈哈，你飲慣咗就會追住話好飲架啦。」Michelle說完便喝了一大口。
        這時，Bonnie突然覺得肚子有點餓，便拉著Jessie和Michelle去到一間串燒店買了兩串串燒吃。
        「其實你同你條仔點散架？」Michelle咬著牛肉串燒問道。
        唔係呀嘛，連佢我都知我分咗手，究竟係邊個講出去架？Jessie感覺全世界都應該知道了她秘密的感覺，讓她感到非常不安。
        「一腳搭兩船，係咪！？」Jessie還未說，Bonnie便已說了出來，「其實我今日無聊Stalk過你IG估出黎，我有無估錯？」
        Jessie見眼秘密都已不是秘密了，Michelle又早已說了她的故事，便也坦白地把整個故事如盤托出。
        「咁衰？有個咁好嘅HKU女朋友唔要，要個比人飛嘅女仔？個女仔叫咩名？我幫你唱衰佢！」Michelle狠狠地咬了一口雞肉串說道。
        「可能你掛住傷心無留意到，Michelle同Kelvin分手嗰陣，成個宿都知佢地分手，嗰個女仔仲依兩日仲Quit埋宿添，所以話千祈唔好激嬲女人。」Bonnie說。
        「err……算啦，廢事啦。」向來低調的Jessie實在不想把事情搞大，免得自己成了別人茶餘飯後的話題。
        「咁又唔係咁講呀，你咁傷心，點可以比佢地過得好過你！」Michelle竟然比Jessie還要生氣，「唔緊要，依家搵人唔似得以前，碌多兩下IG、FB，搵下D Follower呀，Common Friends呀就咩都會搵到晒！」
        「算啦，算啦⋯⋯」Jessie開始後悔跟了這兩個女人來這鬼地方。
        沒想到，一串串燒都沒吃完的時間，Michelle和Bonnie已找到了。 
        「欸，我搵到啦，Public架喎，係咪依個？哇最新嗰個Post擺明宣示主權喎！」Michelle把手機遞到Jessie和Bonnie面前。