港女穿越記: 7

今次亞傑特別準備咗幾種香草造成的香囊，由夏荷放去李貴人的床頭，呢種香草係可以令人放鬆，瞓得好D的，皇宮中的所有人，其實都瞓得唔好，所以亞傑打算由呢一點出發，只要皇上嚟到李貴人呢度都瞓得好，自然就會嚟多D，瞓多幾晚，埋牙肉搏的機會都會增加。即使暫時吸引唔到皇上，至少李貴人瞓得好，身體都會好，佢哋做下人的都會輕鬆好多。
 
幸運地，掛香囊呢個計劃出奇地順利，李貴人連續幾晚都瞓得好好，而皇上嚟到瞓咗一晚，足足瞓咗八個鐘，比起平時瞓兩三個鐘就醒，實在好太多了，而且起身後精神奕奕，唔似平時飲安神湯之後咁頭重重，佢高興之下就賞賜咗李貴人幾匹布，雖然呢幾匹布唔值錢，但李貴人有幾年未收過皇上的特別賞賜，呢幾匹布的意義非常重大。
 
呢個時候，夏荷主動提出：「貴人主子，估唔到小安子的香囊咁好用，不如我哋問下佢仲有冇其他嘢丫，可能有其他可以討皇上歡心的。」
 
「好，你叫佢嚟啦。」
 
亞傑估唔到咁快就可以直入李貴人的寢宮，佢懷住緊張又興奮的心情去到寢宮，跪低請安後一直低頭，等侯李貴人問話的同事，望住自己精心調製的幾支香露，雖然咁早就拎呢隻香露出嚟有D冒險，但佢都決定賭一舖了，因為佢發現自己的機心喺皇宮入面，只係幼稚園等級，根本鬥唔過其他人。所以佢打算搏一搏，只係希望求個恩典出宮。
 


佢打聽過，呢度的太監同宮女要出宮都唔難，基本上25歲的宮女，未被皇上寵幸過都可以離宮。而太監就更簡單，年滿20歲，有主子批准就可以出宮。雖然係咁，但皇上登基至今超過十年，只有3個太監出宮，有兩個係因為年邁，無能力侍侯，被主子嫌棄，求其比幾兩銀打發出去的。另外一個係知道老父同姪兒患病，兄長又上咗戰場，佢特意申請出宮照料，不過佢的主子心善，比咗幾十兩佢，算係可以安享晚年。咁少太監出宮，係因為佢哋身體有殘缺，而且多數冇親人，又冇錢，喺皇宮等死，至少有個溫飽。但亞傑呢個現代人唔同，佢要選擇自由自在的生活，而唔係生活在陰影之中，隨時比打罵。
 
「主子，呢幾支係奴才調配的香露，只要男人聞到，就會渴望一親芳澤…」亞傑知道呢次的調配好成功，因為佢自己聞到時好想要，但作為一個太監….連飛機都打唔到…………
 
「大膽！你可知道向皇上下藥，係誅九族之罪？」李貴人拍檯道。
 
「求主子息怒，都怪奴才唔懂事，講句說話都不清不楚。」亞傑聽到李貴人發火，急忙跪低，「奴才呢種香露係用鮮花提煉，只係會吸引男性，而唔會傷害身體的，絕對算不上係藥。」
 
「只怪奴才心急想要小主子，其實主子每隔數月都會侍寢，奴才又何必心急，製此香露令主子生氣，都怪奴才愚笨，求主子恕罪。」
 


亞傑的意思係，你幾個月先侍寢一次，想唔想生仔？想生就唔好扮哂嘢啦。
 
「唉，小安子，你真係唔夠聰明，不過念在你忠心耿耿，就饒過你呢次，起身啦。」
 
「謝主子。」亞傑起身，正諗緊點樣繼續介紹香露，就見到李貴人向春桃打眼色，春桃機靈地問：「你講到隻香露咁神奇，到底係點用呢？。」
 
「只需早晚將香露塗抹於頸部及胸前，不出三日，身上就會有陣隱約的香味，呢隻香味就可以吸引男人，令男人動情。」亞傑頓了一下，繼續解釋：「就好似某種花會特別吸引蝴蝶，另一種花會特別吸引飛鳥。而奴才呢種香露，係吸引男人。」
 
聽到亞傑咁講，李貴人決定一試。雖然皇上幾個月嚟一次，但佢每次都只係瞓覺，都唔好講生唔生仔喇，佢呢d有過經驗，年近三十的女人，其實性慾都好大。呢兩年都冇做過，只係靠手指發洩，唔夠呀。
 


李貴人用咗香露5日之後，死好命的佢等到個好機會：呢日皇帝上完早朝後，覺得精神不振，因為近日都好忙，冇時間入後宮，身體內的燥熱冇得發洩，不過自己又好攰，去後生的妃嬪到，如果表現唔好，會失去霸氣喎，但去到搞得多的妃嬪，佢哋都年紀大，未必起到機。思來想去，佢諗起上次去李貴人度好好瞓，決定去搵李貴人用午膳，再瞓返兩個時辰，養精蓄銳，今晚去寵幸新入宮的常在。
 
李貴人知道皇上會嚟用午膳，正準備盛妝打扮，但夏荷剛聽到亞傑的分析，道：「主子，方才小安子來報，佢話而家天氣炎熱，盛妝不如清爽啊。而且正值午間，想來主子可以邀請皇上留喺度午睡，如果落妝時間太耐，皇上先午睡，主子未必可以同榻而眠。」冇理由皇帝瞓咗，你先拆完頭飾爬上床嘛。
 
李貴人思慮片刻，點點頭：「小安子今次肯用腦了。咁就幫我換新造、粉綠色嗰件啦。」