[靈異] [愛情] [我同條女敦倫外傳]我屋企養左隻女鬼...: 保護

「癡線抽水係咪有揸波屎忽嗰啲？佢點會係啲咁嘅人…？」

「嗯…的確係，佢仲好主動俾人揸，見到啲客俾錢佢佢會好開心。」

我聽到後有少少崩潰、亦都有少少毀壞左我心目中女神嘅形象，因為佢咁樣係十足啲貪錢臭雞咁用自己嘅身體去賺錢…

「我唔信！佢唔會係呢啲人黎架！」

「你冷靜啲先啦，佢的確係咁，係我親眼見到，但佢咁做係真係有苦衷，你聽我講埋先。」





「到佢放工嗰陣，佢換過衫後就係後門走，一出去就有個男仔等緊佢，佢同個男仔會面，原來係佢男朋友黎，樂兒係銀包度拎左啲錢俾佢，唔係少少，係將佢嗰晚所賺嘅貼士都俾晒佢。」

「但個男仔就好唔滿意咁話得好少錢唔夠，問佢仲有冇，樂兒話冇，個男仔就打左佢一巴，不斷迫佢俾多少少，佢忍唔住喊左出黎。」

「屌你咪撚扮啦八婆，你會得咁少貼士，你平時一晚姣仔閒閒地都有過千蚊啦，依家呢度得6舊水咋喎，邊撚度夠？」

「我真係得咁多咋，今晚唔係好多客我賺唔到咁多，我開埋個銀包俾你睇真係得咁多。」

「收皮啦八婆，你收埋左啲錢咋嘛，拎埋出黎啦。」





「講完男仔又打左樂兒一巴。」

「我真係冇啦，我已經拎晒出黎俾你冇收埋…嗚嗚。」

「喊乜撚野啊八婆，我最憎睇到你喊，你咪撚以為自己好矜貴啦，你臭雞黎架咋，你係我身邊嘅作用就淨係負責賺錢俾我洗，你最好乖乖地繼續晚晚R多啲錢俾我，唔係你聽散啦。」

「男仔再打左樂兒一巴，樂兒一絲反抗都冇，淨係係度喊，顯得好卑微。」

「浩正呀唔好散…我會努力搵多啲錢俾你。」





「屌你識咁講就最好啦，不過你今晚真係唔俾晒出呀嘛，我就搜鳩你身睇你係咪真係冇，俾我搜到你有錢嘅我就打撚柒你，你老味閪。」

「然後個男仔就開始係佢啲衫袋褲袋搜掠，務求搵到錢、就算一蚊雞都好。」

「之後我就睇唔過眼上左樂兒身，我要教訓佢條仔…」

「屌你邊撚個俾你搜身啊，我咪講左我冇錢。」

「說罷我用腳大大力向上踢佢粒睪丸，用大大力打左佢一巴，力度之大令佢瞓左埋側邊幅牆。」

「佢痛到按住佢下面叫左出黎。」

「食屎啦你，就算有都唔撚借俾你條賤男，要錢嘅你咪自己搵，憑乜要我係咁俾錢你洗，你照下塊鏡先啦柒頭！」

「我上左佢身後渾身是膽，打到佢瞓左係幅牆後繼續係咁屌柒佢，我要俾佢知道女人並唔好恰。」





「你老味還拖，你個賤女人，我打撚柒你！」

「然後佢仲唔死心咁起返身走過黎諗住抓住我打我，我當然冇咁易俾佢得逞，我好快咁將佢兩手交叉抓住再一腳向前伸落佢個肚，我呢一下徹底將佢踢到向後仆左落地下。」

「仆你個街，今晚你好耶，聽散啦你。」

「然後佢今次終於俾我打走左，佢露出痛苦嘅表情按住個肚往後巷另一邊走，有我係度佢根本還唔到拖，總算保護左佢。」

「為左樂兒安全，我繼續上佢身送埋佢返屋企，返到去唔經唔覺已經3點幾4點，而我返到黎就見你瞓左，跟住就見你喊過黎。」

我依家先知原來琴晚發生左咁多事。

「多謝你幫我保護左樂兒。」





「但佢將賺返黎啲錢全部俾晒條仔，唔通佢周圍問人借錢都係為左佢…？」

「我唔敢下判斷，但我估應該都係為左佢。」

點解我對樂兒咁好就冇呢啲對待，相反一個渣男就可以受到啲咁好嘅對待，呢個世界公平咩！唔通真係男人不壞、女人不愛？

「我唔信…佢好大膽架，佢點會對住一個渣男卑恭躹膝，仲要變到咁卑微不斷為佢付出…冇可能。」

面對一啲唔好嘅現實，我就只係識得逃避唔敢面對，目的都係想內心好過啲，但現實就係咁殘酷，到最後你都係要面對。

「我估佢真係好愛佢男朋友，愛到就算對佢幾衰幾無情都好都甘願為佢付出一切，已經愛到盲目左。」

係咪就正正好似我愛樂兒咁，就算佢當我係兵、佢呃我、佢對我、對朋友幾衰都好，我都仲係咁鐘意佢放低唔到，

其實我都係一個冇條件為一個hurt我嘅人付出嘅傻仔，我都係佢嘅影子。





「唔得，我依家要過去搵佢傾下！」

「你俾佢冷靜下啦，畢竟佢得罪左佢男朋友都需要時間緩衝下，同埋佢都同你講過話唔想見。」

「不如我同你今晚試下一齊跟住佢，我估佢今晚應該仲會同佢男朋友見面，到時再趕走佢嘅時候你再問清楚佢。」

「都好，我唔可以打草驚蛇，但一人做事一人當，我自己一個跟就得，我唔想咁冇用次次都要麻煩你出黎幫我。」

我覺得我骨子裡係有少少大男人主義，我係一個男人，應該要試下一個人解決問題，而唔係下下都要人幫，

加上樂兒係我鐘意嘅女仔，應該要由我一手保護佢，我女神點可以俾人糟質，連自己鐘意嘅人都保護唔到算咩男人。

「但你一個去好危險架，有咩事點算，我跟埋黎啦…」





「放心啦，我有事會叫你出黎架啦，你就試下俾我一個人去做事。」

「既然你咁講…咁好啦，你要小心，因為佢都幾高大，要同佢打嘅你一定要叫我過黎…我會一直係屋企standby住。」

「嗯嗯，就咁話啦，我有咩事就叫你過黎。」