［校園/歡喜冤家］火星撞地球,撞撞下就有火花㗎啦: 第二章「吓,我係隊長？？」

講完佢就走咗,淨番春風滿面嘅黃浩輝同我喺到

「話時話你點樣識心玥㗎？」

我將啱啱發生嘅所有嘢（當然啦後樓梯嗰part冇講）講咗一次畀黃浩輝聽，跟住我先醒起琴日學校打電話過嚟叫我返學嘅時候要搵鍾老師！今次大鑊喇，依家已經8點半....

「請各位中五同學而家立即到禮堂,而家會進行開學禮」

唔緊要啦應該冇事嘅....遲啲再解釋返啦
跟住就係開學禮，呢個開學禮冇乜特別,都係介紹番啲老師然後就係校長和你吹吹咗成個鐘嘅環節，成班同學差唔多瞓曬咁濟.喺呢個時候我咪望下睇下見唔見到今朝個女仔,結果我搵唔到佢...算啦，見佢唔到都係一件好事





「 跟住會請各個學會嘅主席出嚟介紹下自己嘅學會」

唔知點解一聽到呢一句啲同學又醒返曬，喺度討論緊邊一個學會嘅靚女同靚仔...一開場先係一啲學術嘅學會，每一個主席都好希望自己可以有多啲新生入去,成個流程都幾正常..嘅，我而家開始期待我所屬嘅機械及工程隊嘅帶領人會係一個點嘅人，係戴眼鏡講嘢甩甩咳咳嘅毒男，定係同校隊形象不符靚仔呢...可能係一個好文靜嘅靚女添,我仲發緊夢嘅時候全個禮堂嘅燈熄曬,全場嘅同學都處於一片驚嚇

「燈燈燈凳~大家好呀！估下我哋係邊個社團~~~冇錯吖！係話劇社~~我就係副社長余心玥！」

喺台上面嘅人用嗰啲好誇張嘅語氣嚟講嘢搞到成個氣氛好似變咗佢哋嘅主場咁...但係喺台下面嘅同學畀佢哋嘅反應又十分之好,睇嚟佢人緣都唔差

「大家記得有興趣嘅就入嚟我哋話劇社~仲有我哋今年嘅3月我哋會有一場表演希望大家來捧場啦！」





跟住佢就喺觀眾嘅歡呼聲之下離開

「突然間中央咪宣佈，5C譚梓允請你而家即刻到台上面」

我喺隱約之間聽到啲人喺度問邊個係譚梓允,呢個時候我（自以為）好瀟灑咁企喺身直行去個台上面,見到啱啱走嘅余小姐又睥咗我一眼,當然我都還返個眼神比佢,然後就去咗搵宣佈嗰個人

「喂！呀譚生,咪叫咗你朝早搵我囉,你去咗邊呀返學第一日就咁！」

眼前嗰個肥佬起勢咁鬧我,至幣個禮堂冇熄到咪,全場都聽到我哋嘅對話...小





「跟住嘅係,機械及工程隊隊長 5C班譚梓允！由於佢係一位新同學,但係校方十分欣賞佢嘅才能所以先叫佢加入我哋學校,各位同學請你哋趁呢個月認識下佢！畀一個美好嘅校園生活佢~」

個主持講完就好開心咁走咗,我而家一碌木咁企喺個台上面,手上就係得番啱啱嗰個肥佬畀我嘅紙,打開一睇寫住嘅居然係「加油」兩隻字,今次真係大檸樂,唯有用我生平學佢所有詞語組織番一句感覺上通順嘅句子...然後以笑遮醜

「大家好,我叫譚梓允，我來自長洲... 希望可以同大家融合相處,同埋喺呢個校園裏面追隨到我嘅夢想！」

喺我講完呢句嘢之後,隱約聽到兩個好重要嘅消息,第一個就係我所在嘅呢一個機械及工程校隊,其實根本就冇人我係唯一一個隊員...第二個嘅就係呢個轉校生好靚仔.
聽聞跟住嘅資訊科技隊,學校其中一個好重點嘅校隊,而我亦都係under呢一個校隊嘅其中一team,er....或者而家應該係話其中一個啦

「大家好我係資訊科技隊嘅隊長,5C班余心玥.」

眼前嘅呢個女仔,放番啲頭髮落嚟著咗件白色長袍,同啱啱話劇社嘅簡直係兩個人，女人真係女人,變起上嚟仲勁過孫悟空
話咁快個開學禮就完咗，之後係認識同班同學嘅環節，但係佢哋全部都係同一班升上嚟所以我入咗嚟之後就變成咗譚梓允的Q&A時間.
我望下我先發現，佢同我一班，唉..今次好喇真係





「冤家路窄」

哼...呢啲時候又幾齊㗎喎，佢又係慣性咁睥咗我一眼之後就走咗

「吓，乜你識余心玥㗎？點解佢好似唔鍾意你咁嘅」

呀！係啦,介紹返呢個係啱啱識嘅同學叫梁學男,佢開學禮嗰陣坐我隔離，琴日分組活動又一組，所以我哋都有傾有講.佢份人都幾好相處,係有時on9咗啲（is ok 誰人冇on9過？）
佢咁問我就將我入學校門口嘅嘢粗略咁講咗一次,當然啦我喺成個故入面有強調到我對余小姐嘅不滿

「哈，你竟然見到佢嘅真面目，你真係難得呀.快啲同佢相處多啲啦！」

「相處就不了啦,我feel到我同佢簡直係火星撞地球,無謂炸咗個班房啦」

「撞撞下就有火花㗎啦！冤家必成情侶呀」





哇！唔能係卦...係就真係折你個墮啦，條友翹口又慘手....不了不了...