［校園/歡喜冤家］火星撞地球,撞撞下就有火花㗎啦: 第一章 「佢？？」

9月1號嘅清晨7：30
今日嘅我起特別早，打開窗呼吸一啖新鮮嘅空氣~咳...依然係咁混濁...望住鏡入面嗰個著住白色恤衫啱啱起身嘅超chok型男，簡直係完美呀！時間啱啱好係7.9呢個時間慢慢行過學校，順便同咁多位新同學眼神交流一下，就啱啱好喇~
傻嘅呢個只係夢嚟㗎咋，我起身嘅時候已經係7.9，早餐都未食頭都未梳就沖咗出門口...

啱啱好8點搭正,我就閃咗入學校門口

「好彩啫...」

隔離嗰個女仔同我同一時間講呢一句
佢著住應該改短咗嘅校裙（條裙喺膝上好幾吋）紮住個月野兔頭（美少女戰士嗰個,總之有咁誇張得咁誇張）手上面嗰部電話仲要未閂，一睇就知唔係乖乖牌嘅學生。





「喂！靚仔，未見過你嘅新嚟㗎？」佢用佢好挑撥嘅語氣同我講

我梗係冇理佢啦,識到呢條友唔方好嘢

「呀玥！開學第一日就遲到仲有條裙咩事呀，啲指甲油又咩事！畀多日時間你我唔想一開學就見到你個名」

呢個應該係訓導主任？但係佢咁嘅語氣好似個女仔先係佢老細咁喎，轉個頭個老師就望咗我一眼

「你好生面口喎...你係咪新嚟嗰個轉校生呀！好似叫...譚...梓允？」個阿sir啲口音勁唔正引致到呢一幕





「豬瘟....哈嘻嘻哈哈」隔離個女仔已經笑癲咗

「Er....你可唔可以唔好再笑呀我覺得你好冇禮貌」我忍唔住呀

「唔住呀...嘻...我叫余心玥,係啦~不如等我帶你去集會啦,你話好唔好呀老吳？」

佢都未等到個訓導答佢,佢就拉咗我走喇

「等陣呀！余心玥你啲指甲同你個妝呀！！！！」





哼？心玥？見到你唔慌唔心悅啦

「喂同學你諗住跟到幾時？」

吓唔係你叫我跟住你㗎咩....女人真係多變
算啦,我都唔想再跟住佢啦,所以我轉身就走,結果迎面係一個男仔，佢手上面拎住一封...信？

「心玥同學！！！！！」佢跑咗喺余小姐後面

「我...我有啲嘢...嘢想比..你」

呢個時候余小姐嗰對貓眼狠狠咁睥住我,然後拉咗嗰個男仔去我前面嘅後樓梯
喺後樓梯嘅門口係咁以見到個男仔紅都面曬咁被余小姐壁咚都知咩料,所以我決定調頭走，慳番唔使洗眼





「梓允！你有冇見到個咁高到，紮攣辮又或者可能唔係攣辮但係好得意嘅女仔？」

雖然黃浩輝講到一舊舊咁,但係我可以肯定佢講緊余小姐，呢啲就係男人嘅直覺

「你講緊余心玥？」

「吓！你見過佢呀？？？幾時嘅事呀？？？你覺得佢點？」

哇！小！佢啲口水噴到我成面都係，一睇就知呢位施主比妖女迷惑咗啦,可惜妖女已經揾到第二位唐憎肉啦,可惜可惜

「話比你知呀,佢就嚟係你呀嫂啦！我琴日同咗佢表白佢冇拒絕呀！」

吓,咁佢啱啱喺度做緊啲乜嘢呀...仆街！佢喺度玩緊人哋感情....

「我知佢喺邊你跟我來」





一於帶住呢位小兄弟捉姦啦！睇嚟男配角同女主角仲喺裏面玩得火熱，呢個時候我一腳踢開對門，女主角繼續狠狠咁睥咗我一眼，之後佢眼神就唔同曬

「心玥我鐘意你呀！」


「對唔住呀， 但係我已經心有所屬」

突然間變到佢好似畀人蝦嘅小白兔咁，啲戲好到呢簡直要頒個金河馬獎比佢，呢個時候佢用佢楚楚可憐嘅眼神望住我同埋黃浩輝，兄弟呀兄弟你清醒啲啦

「吓，浩輝？你....」

呢一隻妖女即刻收番曬佢啲蜘蛛找擺番個靚樣出嚟跟住幾個氹呢個傻傻哋嘅唐憎落搭...

「你條友咪喺度亂搞男女關係」





我越嚟越唔過眼,再望多望兩望啲眼淚已經喺佢隻眼嗰度流咗落嚟，我突然間覺得成個娛樂圈的日都係廢㗎

「冇，只係心玥唔接受我嘅表白」

個男仔講完就走咗，成件事好CCTVB啲膠劇,簡直係自編自導自演嘅最高境界

「梓允,你冷靜啲先啦...係呢心玥我琴日講嗰樣嘢你考慮成點」

呢個時候隻兔仔懶係面紅咁樣,怕怕醜醜咁喺度扮曬蟹

「睇下你表現先啦...夠鐘開學禮啦我返去幫手啦」