[新手][半FF][真人真事]一篇三年的故事{不定期更新｝: 第三章

過咗兩日，我襯住老豆老母要出差，打咗電話俾Jacky

Jacky：「嘩你呢個𡃁仔，唔怕老豆知咩？」

我：「他今日出咗差，今晚有冇時間，想試下。」

Jacky ：「我聽日返晏，今晚ok，11 點嚟接你，近近地去石澳啦。」

我：「嗯」





依家先7 點幾，搞啲咩好呢⋯⋯功課一早做哂，又唔洗溫書。

唉，求求其其整餐dinner 就算數，睇下YouTube時間好快就到咗10點10。我諗換好衫落埋樓5 分鐘搞掂啦，早小小落到去費事要人等啦。

落到樓，仲有成5 分鐘先11 粒，點解會有架dc2 喺正我屋企樓下嘅？明明屋宛都冇，邊個咁識野買咗架嚟挽？依～個司機好似識架喎⋯⋯唔通係Jacky?

我行到埋去Jacky開咗門落車：「今晚試呢部」我睇住部dc2.......點解係四門嘅。。。。。「喂Jacky，你搞咩將部dc2 改做四門？」佢當場笑到仆喺到「細路，呢部係db8，唔係dc2，係我貪得意換咗啲dc2嘅野落呢部車到啫。」屌，㭍咗添，唔怪得知咁似樣啦⋯⋯

去到水浪灣個停車場，因為係禮拜一，一架車都冇，有小小恐怖。Jacky突然間問：「你識啲波位腳位架啦，係咪？咁就得啦，調位啦」





我諗起之前成日睇YouTube 土屋圭市嘅片，有樣學樣咁踩極力子，入波，諗住吊極力子嗰陣「嘭」屌，死咗火。Jacky 睇住我個on9 樣，笑住講：「你唔係諗住YouTube 嗰條片講嘅1212 就揸到吓話，極力子鬆慢啲，和小小油。」我就係唔信我會做唔好，點知跟住Jacky 講嘅野去做，真係冇死喎，練過幾次起步同轉波同冇問題，Jacky突然間講，「你由呢到兜去鶴咀再返返嚟」咁我咪聽佢話兜一兜。

返返去大浪灣停車場，Jacky：「得喇，你識揸架啦，下次我換架真嘅dc2俾你揸下，不過下次要揸開啲，你啲線位唔錯。」