[新手][半FF][真人真事]一篇三年的故事{不定期更新｝: 第二章

［2015年7月嘅某一個星期五］

Jacky : 「喂，啊Daniel，呢個乜水嚟架，坐你架車入嚟嘅？仲要咁細個，你拐咗個𡃁仔嚟啊？」

Daniel：「哦～唔係～呢個我個仔嚟架」啊爸拎轉頭，拍咗我膊頭一下 「叫uncle 啦」

我望住在場成起碼40 幾個人，呆咗咁問：「老豆，呢到咁多人，個個都叫佢地uncle auntie啊？」

Jacky：「屌，你個仔幾醒喎，仲識駁到你冇聲出。喂！𡃁仔，叫我Jacky 得喇，唔洗咩uncle 咩auntie，呢到冇人在意架，話時話，你叫咩名？」





我：「Carson To，喺學校成日俾啲樂園嘅人叫做杜杜，睇下你想叫我邊個名我都冇所謂。」

Jacky：「嘩屌，才子啊？你老豆成日話你唔讀書，成日顧住上YouTube 睇車，但係考試好多科都頭20，又挽樂團，挽咩樂器架？」

我：「小提琴，考咗演奏級，不過我好小練琴」Jacky 呆咗咁望住我，望到我以為佢心臟病發咁，定哂格「我自願學架，唔洗望喇，屌，嚟車聚講返車喇。」

我即時俾老豆喺後面打咗一巴。老豆bea 住我：「講乜撚野粗口？！」

Jacky：「好心你兩仔爺啦，一嚟到就鬧，冇哂隱，啊Dan 你咪一樣講咗」拎轉咗頭「喂啊啊啊邊個～～Carson你過過嚟。」佢搭住我膊頭一齊行咗入堆車陣入面「你鍾意咩車？」





我諗都冇諗：「Honda s2000，貪佢係棍係後驅仲可以開縫，平衡好，掟彎夠狠夠隱」

Jacky：「有冇興趣學下點揸棍波車，睇死你未坐過喺司機位啦～」佢仲學Paul Walker 拎住supra 條車匙咁引誘我拎佢條匙。

問心有邊個鍾意車嘅𡃁仔唔想快啲可以揸車啊，無奈係啊爸喺到 。-_-

我：「下次啦」我望一望向老豆，Jacky 即刻明咗「自動波我喺停車場幫老豆泊過車，棍就未點過。」

Jacky：「得，冇問題，mark 低我個number，得就早一日話我知，我搵架易啲揸嘅車教你揸。」





之後2丶3 粒鐘Jacky同我介紹哂啲人，不過啊，點記得點認得啊，認車算啦，不過諗唔到，成班人其實都幾nice，又肯俾我住入佢地啲車，又彈頭冚俾我睇，又同我傾計，可能我對佢地嚟講仲細掛，不過我呢個自閉症患者終於有人同我傾計。