《我的MK妹同桌》: 感想

等我係度解釋下個心路歷程啦！

我本來諗好嘅ending係想佢哋兩個都可以互相講返以前嘅心底話，兩個做返朋友對我嚟講已經係好好嘅ending。

但去到後尾好似寫唔出咁，我心入面清楚喱兩個角色其實都無放低過，呀強好明顯未放得低，但其實呀詩亦都如是⋯⋯

呀詩佢自己分手當日已經後悔，呀詩有啲位其實都唔係處理得太好，大家都有青蔥少艾嘅衝動處事。

佢明明對呀強仍然仲有感覺，但同時間亦會怯懦，想得太多，都無好好咁面對過自己嘅感覺，因為佢自己都怕萬一好好地咁去面對，佢都會好難過，會更加唔捨得⋯⋯



所以當呀強選擇不顧面子，用強逼嘅手段嚟爭取返佢嘅時候，呀詩先至被打動，個心好似軟咗落嚟咁。因為佢根本無足夠嘅「力量」去爭扎開呀強。

兩個根本未放得低嘅角色，又如何寫出佢哋兩個互相做返朋友，真誠咁面對對方。

對我嚟講咁樣先係格硬。

有好多位我想朝住我安排嘅結局寫，但我停頓咗好多次，發覺好難接到落去，最終先有咁樣嘅結局。

我並唔係刻意地去寫一個happy ending出嚟。



至於有啲人話有啲格硬，真唔真，就留俾大家去揣摩。每個人對作品嘅理解、感受都會唔一樣，我都需要留返啲自由度俾大家。

但我想就此講多句，其實現實中有好多人過咗好耐都未放得低上一段感情。

個結局唔單止對你哋嚟講係個大反轉，與此同時我都一樣，我都無預期過個結局會咁樣，我都重複睇咗好幾次個結局，先至滿意。

希望你哋會鍾意！ 

小弟要準備下一個故了，希望可以繼續有人支持。寫故條路唔容易行㗎！








最後想留低返窮書生嘅Facebook Page同埋Instagram，希望各位多多支持，多謝！

Facebook Page : 趕故書生
https://www.facebook.com/books0n/

Instagram : __book.s0n
https://www.instagram.com/__book.s0n/