《我的MK妹同桌》: 15
我即刻彈起身，望望可愛嘅呀詩，佢臉上嘅MK氣息漸漸消散，此時此刻嘅佢更顯得有女人味。
聽到佢咁講，我心情好返曬，不過就算佢唔講，我都會執佢幾劑！
但我一諗起要調位就提唔勁，又趴返係度。
「頭先好精神㗎你，又無精神啦？」呀詩摸摸我大脾內側，摸過少少就摸到敏感位置。
「喂⋯⋯」我有氣無力地喝住呀詩，雙手㩒住佢隻手，生怕前面嘅人見到。
有時我覺得，女仔仲咸濕過啲男仔⋯⋯
「做咩啊？驚啊？」佢無視我嘅抵抗，一嘢捉落嚟。
「屌你咩⋯⋯」我捉起佢隻手，硬生生將佢拖返落嚟，我真係仲驚過佢。
「無膽鬼！」呀詩恥笑我，然後縮返隻手。
「我係無膽㗎啦，唔似得你咁大膽咩都唔驚⋯⋯」我見佢一啲都唔擔心我哋會調位咁，淨係得我自己係度唔開心。
「超！我又唔會因為調位而唔理你，你都唔會啦？係咪先？擔心咁多做乜。」呀詩一臉不在乎，胸有成竹咁。
「哼！總之我就唔想我哋調位啦。」我任性地道。
「好啦，乖啦，最多應承你去到邊，小息都過嚟搵你啦。」呀詩伸出手指尾，要我同佢勾手指尾。
「你話㗎！」我即刻同佢勾勾手指尾。
「仲成個小朋友咁，要人氹。」呀詩無我咁好氣。
「仲有啊⋯⋯」我未講完。
「你話陣間俾我執一劑㗎！」我笑淫淫咁望住佢。
「死淫蟲！成日諗埋啲咸濕嘢。」呀詩好典型嘅口裡說不，身體卻很誠實。
放學後，我又再次上咗呀詩屋企，佢呀爸長期都可以唔係屋企，難怪呀詩會做咗個MK妹，長期缺乏家庭溫暖嘅佢，只不過係想搵一個愛佢嘅人姐。
今次，今次！係今次啦！
我終於可以體會到高登仔所講，要食著住校服嘅學生妹啦！
一嚟就隔住校服摸呀詩，呀詩問：「咁猴禽？」
「係㗎啦，鬼叫你頭先撩鳩我？」我更加粗魯地對待呀詩，但條友又幾享受。
「話你兩句就中曬招，你抵抗力有無咁差啊？」
呀詩捉住我嘅龍體，然後熟練地解開我條皮帶，三兩下手勢就將我條校褲除咗落嚟。
係我毫無防備，無意識佢下一步會做咩嘅時候，佢已經將我嘅龍體用口緊緊包裹住。
「呀⋯呀⋯⋯」喱把抖顫嘅聲音係我發出的，嗰種突如其來嘅震撼直接由下體傳上嚟，每經過一個地方都震一下，彷如上天堂般。
呀詩喱一下突然嘅舉動，我仲未嚟得切享受其中，就俾佢嘅驚喜嚇親，隔咗幾秒先識得回過神來。
呀詩今日仲綁住個馬尾，一副學生妹嘅模樣，多年後想起喱個畫面，喱個青春，係好多人都夢寐以求嘅事。
多多錢都買唔返，我都覺得自己好好彩，原來亦都早已花光所有運氣。
呀詩每一下抽動都牽引住我每一條神經，同之前扑嘢係完全兩種境界。
然而佢時不時用舌頭玩弄我嘅龍頭，屌！點頂啊！
最後我忍唔住將佢拉上嚟，講咗咁多次就地正法，依家就兌現喱個承諾！
我伸手入去呀詩嘅校服裙度，早已濕了一大片的她，用渴求嘅眼睛望住我，我為保持原汁原味，不加調味料，淨係除咗底橫。
原來高登仔講嘅嘢是真的，千真萬確。
著住校服做愛，嗰種征服感，喺前所未有的，而且仲特別有成就感。
因為前幾次經驗，我學識點樣換下氣，休息下。就係靠換姿勢嘅時候可以令你喺喱種無氧運動底下喘一喘氣。
換上呀詩騎係我上面，望住佢上下搖擺，慾罷不能個樣，真係只羨鴛鴦不羨仙。
最後我哋兩個滿足咁依偎一起，呀詩衣衫不整咁躺係我心口，我已經達成咗中學所有成就。
但老實講，人係唔會滿足，人總係貪心，我亦如此。
我唔想就咁滿足，覺得無憾，我仲想呀詩喺我身邊，喱總感覺係自從第一次扑嘢後，越來越強烈。
要嚟嘅始終都要嚟，第二日返學，班主任出咗坐位表，喱個坐位表仲重要過成績表，因為接住落嚟嘅日子，你嘅緣份、你會同邊個朝見口晚見面，都係靠佢。
張座位表一個接一個傳落去，知道自己坐邊之後就小息轉位，傳完之後再俾返班主任。
見住張座位表慢慢咁傳過嚟，仲緊張過收成績表啊大佬⋯⋯
第一行⋯⋯
第二行⋯⋯
第三排⋯⋯
我前一排⋯⋯
終於傳到落嚟，我同呀詩一齊睇張座位表，唉我第一眼睇下我同呀詩坐邊先。
果然⋯⋯我好運到頭了，我無得再同呀詩一齊坐。
我同佢都隔幾完下，如果兩個位置算係一行嘅話，呀詩佢就坐第一行，靠門口位置，而我則坐係第三行。
心都灰埋。
不過原來仲未係最灰，哈哈哈哈！仲可以更灰㗎，哈哈哈哈哈！
呀詩同呀Ken一齊坐。
「⋯」
而我則同子晴一齊坐。
我唔知點樣珍惜同呀詩一齊坐嘅時光，我哋一齊坐嘅時間真係好快樂，平時上堂好多得意嘅小動作，呀詩成日都鬼鬼馬馬咁，就算佢上堂好認真聽書，有時上到悶佢都會搞下怪。
而且係呀詩嘅影響下，我都專心咗聽書，成績都有進步到。
係最後嘅喱兩堂入面，我終於感受到呀詩嘅唔開心，見佢上數學堂計數成日擦本堂課，佢平時好少會咁。
最後小息大家都開始執嘢換位，我哋都被逼執嘢換位。
我以為我哋會講啲幾唔捨得嘅說話，但出奇地我哋竟然咩都無講到，默默地執完嘢，準備好調位。
當開始搬嘢嘅時候，心入面難過到好似分手咁，終於有些體會分手嘅痛啦，個心好似俾蟻咬咁，又痕又癢又陣陣痛咁。
其他男同學好羨慕我同班花一齊坐，有得成日望住個靚女，呀詩本來都靚，佢哋就話我豔福不淺，有女人緣。
但我一啲都唔介意，而呀Ken都講埋一份先令我嬲到仆街。屌你同我條女坐，好似潤緊我咁，講風涼說話咁。
「你咁想同子晴坐，我同你換位囉。」我睥住呀Ken，暗地裡串佢。
誰知呀Ken四兩撥千斤，說道：「哎，咁你應該問下蕃薯仔啦。」
只見蕃薯仔坐係角落頭，又要坐第一排，同女坐都話啊⋯⋯佢同班長一齊坐⋯⋯
真係慘過食兩舊屎。
屌我都唔記得咗蕃薯仔，原來仲有人慘過我⋯⋯
我同子晴坐以後，晏晝嘅堂都心不在焉地上，而子晴同呀詩嘅共同點就係佢哋都好乖，上堂都好專心，乖乖女嘅子晴無同我講過一句嘢。
而我則成日偷望呀詩，呀詩反倒唔似我同子晴咁，話不投機半句多。反而同呀Ken有講有笑，氣氛十分融洽。
我見到就妒忌，以前都試過，只係無依家嚟得咁強烈，可能無一個身分令我去妒忌吧？最後以一個「憑咩啊你？」嘅念頭壓抑下去。
但依家喱種妒忌嘅感覺十分清晰地印在我腦海中。
呀詩時不時會擰過頭來望下我，對我報以窩心嘅微笑，令我不安嘅心得到一絲絲安慰。
呀詩亦遵守佢嘅諾言，一小息就過嚟同我個位搵我同子晴，子晴同呀詩滔滔不絕咁傾起台劇。
「你之後有無追埋佢個黑糖群俠傳啊？超好睇喎！」
在一旁的我心諗：乜嚟㗎？
而本來沈默不語嘅子晴，講一大輪，話咩王子真係好靚仔！小煜都係囉！！
我都插唔上幾句，然後呀詩問我lunch食咩，我答：「求其得啦。」
裝出一副滿不在乎嘅模樣，而我根本唔知點解自己會咁⋯⋯唔明自己點解咁介意，好似唔係自己咁。
亦唔知為咩而難過。
呀詩lunch陪我食，似乎佢察覺啲唔妥，一出學校門口親暱地撓住我手臂，平時佢唔會係學校，或者係同學仔面前有太多親密接觸，今日嘅佢撓住我手臂，成個人捱落嚟。
我自己知佢係為咩做到咁嘅地步，但個心仲好似戚住戚住，不能釋懷。
我只好同自己講，慢慢就會慣㗎啦。
「你有無問子晴佢同蕃薯仔啲嘢啊？」我嘗試轉移自己嘅注意力。
「咩佢同蕃薯仔啲嘢啊？」呀詩一臉問號樣。
「下？你唔知咩？！」我反問佢，「之前我都有問過你㗎。」
然後呀詩先恍然大悟咁樣，話記得啦記得啦。
「但後未我就無問啦喎。」呀詩攤攤手。
「做咩唔問下啊？你唔想幫下佢哋咩？」
「有咩好幫啊，做埋曬啲雞仔媒人，喱啲事梗係要靠自己啦。」呀詩亦有佢嘅道理，只不過佢唔知蕃薯仔係會令人睇唔過眼，想幫佢一把嘅人。
「蕃薯仔真係慘⋯⋯」仲要同個煩膠班長一齊坐，我都唔知點樣安慰佢好。
「佢自己唔主動啲，點溝到女啊，更何況係好似子晴咁嘅班花？」後來因為時代嘅演變，我哋將班花、靚女、自己心儀嘅女仔統稱為「女神」。
「驚衰囉佢。」我坦白交代。
「咁嗰陣你唔驚衰㗎？」呀詩鬆開我隻手，蹦蹦跳跳咁跳係我前面，用凌厲嘅眼神望住我。
如果唔係學校附近多人又多老師，我諗我會衝上去攬住咁得意嘅佢。
我無視佢，直行直過。
「喂！做咩唔理我？」
「噓！細聲啲啦。」
「咩啊？做咩細聲啲？」
「啲人會以為我同個戇鳩拍拖啊！」我認真地道。
「屌你啦！仆街。」呀詩打落嚟，係得咁樣，我先好似搵返屬於我同呀詩嘅節奏？感情？我唔清楚。
好多感覺，無辦法當下一時三刻就可以釐清。
俾呀詩追住幾條街嚟打，係我哋等緊位嘅時候，佢仲死纏爛打地追問。
「你仲未答我喎！」
「咩啊？」我扮曬蟹。
「你嗰陣唔驚咩？！表白嗰陣。」
「驚㗎⋯⋯」我都係從實招來啦，「我相信每個人認真咁對待一段感情，係表白自己心跡嘅時候，一定會驚囉，最驚嘅咪就係失去咗一個自己鍾意嘅人囉。」
「所以我好明蕃薯仔點解會驚衰。」
「咁你當初又表白？」又係世紀大難題。
「因為一種比較。對比起失敗，我更想得到你，然後⋯⋯然後就衝動啦，我諗⋯⋯蕃薯仔係更加驚衰，多過想得到子晴掛。」
呀詩滿意地點點頭，再好似呀媽摸仔咁摸摸我個頭。
「做乜姐你？」然後我撥開呀詩隻手，輪到我哋入去，一坐低，呀詩便續道：
「子晴一早知蕃薯仔心意，但從佢講蕃薯仔啲嘢，我感覺唔到子晴有幾鍾意佢，有嘅，但唔多囉。」
「女仔啊⋯⋯只會係佢好鍾意好鍾意一個人嘅時候先會主動出擊。」
「但男仔未必，有得食做咩唔食住先？」
「而且我只不過係局外人，講唔到啲咩㗎。」呀詩專心地望住餐牌咁講。
唉，我都唔知蕃薯仔會唔會得米⋯⋯
接住落嚟嘅日子，我有啲驚返學，之前嘅時光太過美好，我都會每日期待返學嘅日子。
唔係話依家唔美好，呀詩依然係我身邊，只不過我見唔得呀Ken同呀詩咁好。
一種好幼稚嘅想法，就係呀詩係我㗎！邊個掂下佢都唔得！
每日就係過住啲心情忐忑嘅日子，好似坐過山車咁，只要呀詩搵我就好開心，佢一上堂返去坐嘅時候呢，就成日周不時都會望住佢。
上堂一啲心機都無，真係為女死為女亡。
喱啲煎熬嘅日子我唔知捱咗幾耐，耐到我以為有一年了吧？
終於有一日，子晴都睇唔過眼，係一堂中文作文堂忍唔住同我講：
「你係度擔心啲咩姐？」之前我同子晴都有講過下嘢，但唔算熟，熟嘅係佢同呀詩姐。
子晴忽然間送咗一句埋嚟，我哋好似開咗話題咁，成堂講唔停，有時係度諗，中學嘅緣份就係咁奇妙。
無啦啦就會熟，而且只要其中一個願意行出一步，就會陪你行好多好多步。
「擔心呀詩囉⋯⋯」我唔係幾好意思地答佢。
「驚呀Ken溝走呀詩？」子晴道出我心聲，子晴把聲好溫柔，呀詩有時把聲好中性，撒嬌會好返啲。
「有咩可能唔驚啊？」我細細聲地回應子晴，我唔係幾想講我同呀詩嘅事，見子晴同呀詩係好朋友，先比較放心講。
「你喱排成日都係咁㗎啦，隻眼成日飄去人哋度。」子明隻眼無離開過張作文紙。
「做咩咁留意我啊？鍾意我啊？！」我開玩笑道，我就係知無可能先講喱種玩笑。
「噗！」子晴嫣然一笑，終於放下手上支筆。
指一指我張空白嘅作文紙，道：「你睇下你啊，都就嚟落堂啦，你寫咗啲咩啊？好難唔留意下你喎。」