《我的MK妹同桌》: 6
「有⋯有⋯有咩點解姐，純粹唔想你嬲囉！」呀詩陰聲細語地說，為怕太大聲嘈到其他人。
「下？就係咁簡單？」
「唔係你以爲咩啊？」又幾啱喎佢。
「無，以為會話啲咩緊張你啊，覺得你重要嗰啲囉⋯⋯」
「超！」呀詩嫣然一笑，嘴角依然藏唔住佢嘅笑意，上揚嘅嘴角出賣咗佢，儘管佢想盡力掩飾。
「過嚟。」不溫不重地命令道。
我一邊伸個頭過去，一邊盤算緊做咩嘅時候，我臉上忽然間好似俾人啄咗一下咁。
幾秒過後，我先反應過嚟。
係呀詩錫咗我一啖。
我即刻環顧四周，睇下有無人發現到，咁又無⋯⋯個個都係度低頭做功課，呀班主任都好專心改緊薄。
「作死你咩？你唔驚有人發現㗎？」我紅都面曬，我緊握拳頭，有一種衝動想將佢就地正法。
「屌你生人唔生膽，驚乜鬼啊？逃學你都未驚過，你驚埋啲咁嘅嘢？」
「咁⋯⋯可唔可以錫多啖啊？」我調皮地道，亦預咗佢會煎巴嚟。
誰知佢一下扯住我條呔，又嚟多下蜻蜓點水。
但喱一下過於明顯，引到班主任抬起頭嚟望下咩事。
我哋兩個即刻低頭扮做嘢，望都唔敢望下班主任，然後久久都無聲氣，我哋就知無事發生，趴係張枱度相視而笑。
屌，同佢一齊真係好多痴線嘢，亦都覺得好有趣。
我指一指自己塊臉，呀詩輕輕地用力打我塊臉。
就算無結果，都不枉過。
可能青春過求嘅，係一個過程，而非結果。
我同呀詩一齊放學，彷彿已經變成定律、習慣。
我如常地同呀詩行去小巴站，除咗嗰一次上車同佢搭小巴之外，我都無再上過小巴了，都係送到小巴站度等。
我同佢有講有笑咁行到小巴站，我仍然遵守我哋之間嘅承諾，我同呀詩都保持住距離。
係小巴站嘅欄杆上，坐咗一名男子。
「呀彥？」呀詩吃驚地道。
「做咩喱幾日都唔搵我啊？」喱位呀彥係欄杆上一躍而下，確實係幾型嘅，但係有陣說不出的MK味，好似刻意咁模仿台灣偶像劇嘅主角咁⋯⋯
呀彥一身忍者嘅打扮，全黑。就連鞋上面著緊嘅高筒靴都係全黑，頭髮染咗個深紅色嘅髮型，兩隻耳仔戴上耳環係必須㗎啦，無喱個裝備又點聲得上係一個MK仔呢？
姐係佢全身都好MK，但就係無戴耳環，就知佢唔係純種MK仔，而係一個雜種嘅MK仔。
「做咩喱幾日唔搵我啊？」重溫番喱句說話，語帶挑釁，一把唔男唔女嘅聲線，仲要chock一chock頭髮嘅劉海，個陰一定要掂到隻眼先為之合格。
呀彥都可以算係一個高分嘅MK仔。
呀詩無回應到佢。
「你已經成個禮拜無搵我啦喎？」仔細一睇，呀彥下巴仲有粒珠係度。
我有兩個好奇，第一，佢係點做到㗎？第二，我想知佢讀咩中學，咁都入到學校？
「想搵你咪搵你囉。」呀詩沒好氣地回佢。
「佢邊個嚟㗎？？」佢依舊咄咄逼人。
「佢只不過係我同學嚟咋。」
坦白講，我私心係想佢哋嘈，所以先有我依家食花生嘅焗面。
「同學？」
「我唔理，跟我走。」呀彥一嘢就拖起呀詩隻手，拍戲咁款。
「你都痴線！我先唔係你俊公仔，亦都唔係要咩都聽曬你話，因為我已經聽夠啦。」
「你⋯⋯咁撚串？」唔知係咪惱羞成怒，佢大大力打落欄杆度，但又痛到即刻反彈，個欄杆同佢隻手都震起上嚟。
我忍唔住笑咗一下，Sor大佬，真係有啲柒。
呀彥即刻好惡咁睥住我，道：「望乜撚啊你？！」
本來我以爲對住啲咁惡嘅MK仔或者死飛仔，我會淆曬青。真係淆㗎，之前係街邊見到啲MK仔打交啊，我都走佬嗰個嚟。但今日我好似唔同咗咁，無懼怕。
「無啊，我企係度唔望唔通瞓教啊？」我都認真起上嚟。
「一個二個咁撚串啊？我call齊馬嚟睇你哋仲係咪咁撚串！」佢手指指咁指住我哋。
最後一腳踢落個小巴欄杆到，績道：「睇撚住嚟！」
好彩我眼明手快，扶住姐，如果唔係就好似骨牌咁㗎啦，後面嗰個都奶嘢。個小巴都幫手屌曬鬼，好惹唔惹，惹著個小巴佬，足足屌到我哋走佢都仲屌緊。
「走啦⋯⋯」呀詩見我呆咗咁扶住個欄杆，呀詩捉起我隻手，好冰冷嘅手，明明大熱天時。
「好重啊⋯」我抱怨。
「喂⋯小姐，你食緊第三個雪糕啦喎。」係咪女仔一食雪糕就食到成嘴都係，成個細路女咁嘅呢？
頭先件事過去，我哋無返到去，反倒求其去咗間麥記，一坐低呀詩就狂食雪糕了。
「我仲好嬲囉！」呀詩似乎仲為頭先嘅事勞氣，但何解呢？
「究竟你同呀彥做咩事姐？」
「我⋯⋯」呀詩望住個士多啤梨新地，已經俾佢搞到成獲屎咁，而佢仍然吞吞吐吐咁。
「我咪聽你講處理緊我同佢嘅事，但其實我唔想俾你睇到。」呀詩一臉羞澀，語氣變得柔聲細氣。
我無出到聲，靜靜地聽埋佢講，只係點個頭俾個回應佢。
「其實我同呀彥早係識你之前都出問題㗎啦，之前我都有講過，只係我唔想又或者係我唔知點面對啦。佢變得越嚟越爆燥，就連扑嘢都係，仲話想試下唔戴套⋯⋯」
「之前仲要俾我發現佢偷偷地除咗個套，又話買套貴，唔想成日曬錢買dom，又要食煙又要買dom。」
「我咪屌鳩佢買唔起就咪撚扑啦，跟住唥態度就越嚟越差，同我一齊就好似想同我扑嘢咁，我甚至有陣時覺得自己好似隻雞咁。」
每每聽到呀詩咁樣，我就會好心痛佢，但同時間亦沈重到，我唔知點解好。
「報警拉鳩佢囉，告佢衰11。」我學啲高登仔咁講。
「我唔想搞咁大，到時候就已經唔係我控制到嘅事嚟。」青春期的確係不怕後果，但同時間最怕大獲嘢，而我哋心入面都會有條底線。
就好似扑嘢係我哋嘅不怕後果，但唔戴dom則唔係。
呀詩講到繪形繪聲咁，我都好難唔去想像嗰個畫面。每諗起喱一幕就好心up，但矛盾嘅係，我鐘意佢，亦唔想因為佢同呀彥之間嘅事放棄。姐係咁，對比起失去呀詩嘅痛，咁佢同呀彥之間嘅過去亦顯得無咁重要。
大個咗仲容易明白，因為你會發現個世界唔係淨係得MK妹先會破處，就連你覺得好純嘅女仔原來私底下都並唔係咁，你就會難分真與假。
介意就梗係㗎啦，但係佢兜口兜面咁講，一嘢車落嚟你無得避嗰下先難頂。
「咁你依家點算啊？」左又唔得，右又唔得，便問佢有何打算。
「可唔可以去你屋企度瞓啊？」呀詩語出驚人，頭先嘅心血已經夠少，又嚟？
「下？你認真咩？」通常喱啲構段係唔會出現係TVB，而多數係出現係高登故，而個故名係咩「無啦啦有條女上嚟我屋企」之類嘅甜故。
「我諗緊啊，認真㗎。」呀詩表情確係有啲擔心。
對於自己鐘意嘅女仔話上你屋企度瞓，一定會開心到乜咁㗎嘛，但原來最真實嘅反應就會想避。
因為最緊要係屋企人，我屋企唔係啲咩開明嘅屋企，老母仲係叫我中學不應談戀愛嗰啲嚟，霎時之間我都唔知點同屋企人講。
「做咩啊？唔得啊？」呀詩扮楚楚可憐個樣好鬼作狀。
「屌你！咪扮可憐啊。」我笑道。
「我真係無方法先問你㗎，我返屋企實會經呀彥屋企，加上我又唔想反自己屋企對住我老豆。定你想我返去呀彥度⋯⋯？」
「唔⋯唔係！只不過⋯⋯我⋯我唔知⋯我屋企人俾唔俾咋。」
「你求其作啲籍口啦⋯⋯等我嚟啦！」呀詩又開始運用佢古靈精怪嘅頭腦。
不出幾秒，佢就話：「諗到諗到，你就話我出口唔記得帶鎖匙，返到屋企先醒起呀爸呀媽去咗旅行無屋企瞓。掂啊！完美。」
我仲仍然好懷疑，好怕過我媽嗰關，等班高登仔以為咁易帶條女上嚟食啊嗱。
我諗咗大約5分鐘到，依家呀詩真係無處可歸，唔通唔幫咩？老母嗰度都係見招拆招啦。
我第一次懷住咁忐忑嘅心情返自己屋企，好鬼緊張㗎，仲要唔知會唔會今晚告別處男，估唔到咁快就唔係青頭仔啦！
我開門，我知喱個鐘數屋企係無人嘅，但一陣會係呀媽返嚟先，再到老豆。
「哇！」呀詩第一句就係讚嘆不已，「乜原來你屋企咁大㗎？」
心諗：好大咩？咪普通嘅三房兩廳。
我自己一間房，老豆老母一間，剩底嘅係書房加客房。
「係咩？」
「係啊⋯好過我公屋多多聲啦！」呀詩當我屋企係宜家傢私咁，彈下彈下咁坐係個沙發度。
放低個書包後，就問我：「邊個係你間房啊？」
「廁所隔離嗰間。」我擔心地望向個鐘。
沒幾耐，呀詩就問我電腦密碼係咩，想玩我部電腦，我都跟埋佢入房。本來都無乜邪念，因為專心諗緊應該點同呀媽講，但一行入去就碌柒⋯⋯唔得唔得，好難忍得住。
呀詩一早除咗佢嘅馬尾，披頭散髮嘅佢又有女人味，就算只係望住個背影，都有無限嘅暇想，仲會引人犯罪添。
但老實講，真係有一秒會諗起呀彥條MK仔享用呀詩嘅情景！！！真係控制唔到㗎！！除咗提子之外，更多嘅係想打柒個MK仔！
我好自然咁靠係呀詩後面，從後環抱住佢打密碼，我個身體已經貼住呀詩，雖然唔係第一抱住佢（上次係海旁），但都會呼吸唔暢順。
而且聞到佢嘅髮香？定體香？成個人好舒麻⋯⋯