【奇幻愛情】異世界編年史: 第四章

「小姐，手續已經幫你做好曬喇，身份證聽日朝早七點會送到閣下嘅地址。」姐姐向我説着。「麻煩哂你，唔該哂。」「唔使客氣。」向姐姐道别之後，我便踏出房間。

「點啊點啊~入去做咗啲咩啊？」斯特一看見我出來，便雀躍地黏着我不放，我便將剛才的經歷全盤告訴了他。

「哦~咁樣啊，不過我聽人講話好似你呢種用精神去控制嘅魔法係特别强大而稀有架。」「哦，咁我要好好訓練一下先得。話説你地依度有冇書店？我想買少少工具書睇下。」「有嘅，不過你中意睇書架？我覺得好悶囉。」「睇書可以消磨時間，又學到野，都唔錯啊。」

走在街上，我發現在這個小鎮裏，青少年佔的比例應該比較少，因為整條最繁忙的街道上也只有幾個青少年。

「不如食啲野先啦~我有啲肚餓。」「我冇所謂嘅。」接着，斯特带我去到一間甜品店，裏面洋溢著可以融化人的甜絲絲氣味。

「你好，請問幾位…咦！斯特！帶女朋友仔食甜品啊~？」「唔係啊老闆，我地係朋友咋。」「哦哦哦~咁你地兩位坐卡位啦~」

「你食啲咩啊？我食虎團子啊~」「咁我都一樣啦。」斯特向老闆下單以後，我便開始著眼於店內的四周：店鋪的裝潢是棕色系的，加上使用了微黃的燈光，店內的色調柔和，心情放鬆了不少。

「你買完書之後諗住做咩呀？」斯特問我。

「冇咩做嘅，買啲方便活動嘅衫著，然後食夜晚嗰餐，睇書，訓覺。」

「okok…咩類型嘅衫？」「額，運動風褸、短褲、運動鞋，越輕便越好。」「哦~你中意做運動？」「又唔係特別中意嘅，但係呢種衫好方便，唔駛好似著裙咁，跑個步都可能走光。」「咁又係嘅，女仔著裙有時真係好唔方便。」「你著過裙？噗哈哈哈~」斯特向我反了個白眼，然後也跟著我笑了起來。

「話説真係自細個開始，已經冇同男仔好似閨蜜咁講野啦。」「吓，點解呀？」「因為同學會傳緋聞囉，可能係思想唔同嘅問題啦。」「應該係啦，因為我地呢邊感覺就係……點講好呢，思想比較開放少少？好多人都冇去再跟傳統思想啦，所以十幾歲拍拖係正常嘅。」「我地思想就比較傳統守舊，好多人都係廿幾甚至三十歲先認真去拍拖。」

「兩位嗌嘅虎團子到啦~」老闆的聲音打斷了我們的對話。

「唔該老闆~」「小妹妹，斯特呢嗰男朋友，交得過呀。」老闆向我點頭示好，我向他報以一個勉強的笑容。老闆把氣氛炒得太尷尬了。

「咳咳……虎團子係呢度嘅地道甜品啊~出面係由好軟嘅糯米包成，入面係流心黑糖，而且會淋啲黑糖漿上去。」「黑糖喎，正啊。」我拿起筷子，把虎團子放進口中。它的外皮煙韌，吃下去十分有口感，雖然虎團子內的黑糖流心並不是很熱，但是甜味已經足以把我整個人融化了。

非常美味！

吃完虎團子後，斯特便带我到書店買書。我把書架上的《世界資訊入門與深造》和《魔法學大全》這種類的工具書都掃進了我的購物車，並在櫃台中付錢。

「小姐呢度二百三十蚊啊。」「額……」「我比我比。」「不如我之後比返你？」斯特在他的口袋中掏出了一些紙幣。

我們離開了書店。

「咁我點樣搵到錢呀？我阿爸阿媽都唔係呢度，而且我又未成年……」「如果你真人係咁好彩抽到入軍校嘅話，好似會定期會出一筆錢畀你，聽啲大人講筆錢除咗可以滿足生活上嘅需要，仲可以用黎買下其他嘢。」斯特向我解釋着如何去解決我的經濟問題。

「抽到先算啦，鬼有咁好彩。」「真係抽到嘅話都唔叫好彩啦，星陵嘅軍校——北河高中係全世界伙食最差，訓練制度最嚴，入學實戰門檻最高架，入到去真係搵命搏。」

「你咁講我有啲心慌啊兄弟。」

不過老實説，這一種以性命相搏的事情，能獲得較多的獎賞應該是一定的吧，畢竟人命也不是一個用金錢就能買到的商品，而且軍校内的人應大多都是實力強度爆表的精英，我這個剛剛穿越到這個世界的無知之人根本就混不進去。

接着，我們便到服裝店選了一些輕便衣服。

「風褸、運動內衣、T-shirt、短褲、鞋、袜、背囊……應該冇啦。」「買啲普通嘅短褲咪得囉，使乜買呢種綁咗咁多個袋嘅短褲？」「擺得多嘢啲，又方便啲。」

買完衣服之後，我和斯特吃了點東西，便回到家中休息了。我座在斯特的書桌前，細閱買回來的新書。

「『呢個係一個充滿奇幻同魔法嘅世界，你準備好去探索未？』唔知我係呢個世界，又會遇到啲咩特別事呢。」




呢一章係鋪排劇情向（？所以會悶少少，希望大家唔好介意Orz幾日之後我會更新下一章，劇情內容會豐富啲啲，應該會好睇啲架啦~
不定期更新，盡量每週一次。如果你中意我寫嘅文，想知道更多更新情況同埋人物設定嘅話，歡迎你過嚟追蹤我嘅IG：@night.star000
Thx for your support（*＾ワ＾*）