【奇幻愛情】異世界編年史: 第三章
「雖然只係一個小鎮，但係呢度人都唔少架~」一離開斯特他的家門口，門外就人來人往，就像一個大城市似的。街上十分熱鬧，有逛街的大媽，有叫買的小販，也有拋著彩球的表演者。
「我地依家要去邊？」困惑的我問道。
「要去嗰邊啊。」「邊一邊啊？嗰度咁多個地方……」他拉著我的衣袖，「總之你跟住我啦！」
我跟着斯特，走進小巷內的一座建築物裏。
「呢度冇電梯架咩？」「冇啊，因為唔方便，所以就冇電梯啦。好多人都係行上去或者用魔法。」
「咁點樣先可以學到魔法啊？我都想做個大法師，揮下魔法棒！」「噓！細聲啲！比人發現到你嘅身分就唔好啦，關於呢啲嘢一陣間上到去就有人答你喇。」斯特一直向我做着「安靜！」的手勢和表情，讓我哭笑不得。
走過兩道樓梯，我們到達了目的地：一個充滿复古建築風格的大堂，旁邊有很多石像雕刻。
「唔該~想幫佢申請身份證。」斯特带我走到一個櫃台，並向上面的小姐説着。
「好嘅，小姐請過嚟呢間房入面。」
我進入到房間内，按那個姐姐的指示坐到一張黑色沙發上。
「首先，小姐你先填咗呢份表格先。」我發現表格上有一項是要寫新的名字，即是代表甚麼？我不太明白。
「即係小姐你要為自己改一個新嘅名呀。咁做係為咗保障你係呢個世界嘅私隱同生命安全。」聽完姐姐的説話，我依然一頭霧水：保障生命安全是甚麼意思？可是我依然把表格給填完了。
「小姐請你過一過嚟，企喺呢塊地氈上面啦。」姐姐指示我站到一塊印有金色魔法陣的黑色地毯上，除了魔法陣之外，地毯的黑色部分也是閃亮的，被灑上了一層閃粉。
「依家會幫小姐去開啟同靈魂嘅接觸，獲得屬於自己的靈力。」「等等，咩叫靈力？」「即係靈魂嘅力量，每個人天生都有種獨有嘅魔法，你可以靠自己嘅靈力去驅動佢。由於呢種魔法係你天生就有，所以學起嚟會比其他魔法更加容易。」
姐姐在解説完一切之後，就念起了咒語。
「Sul-ma-ta del-val ca-lu-sio！」隨着咒語的讀出，我腳下的地毯中的魔法陣發出了强大的金光，強光能夠穿透眼皮，即使我閉上了眼睛，也感覺到刺眼。
光芒開始散去，我張開眼睛，重影疊在視線上，還是有些不適應。「小姐請你入去呢間房，之後嘅事會有其他同事跟進。」姐姐指着沙發後的一扇小木門，並示意我進去。
在小木門裏面漆黑一片，當我的手一離開木門的手抦，門就自己關上了。
「額……有冇人啊？」我向着無光的空間叫喊着。在這裏，不知道為什麼，無論我如何調教手錶上的指針，它也没有再轉動了。
我踏前了一步，地上出現了一些飄浮中的淡粉藍色的小光點，一點，兩點，十點，二十點，所有的小光點都指向一個方向，我便跟着走。
「有冇人啊！……咦？」走到路的盡頭，就是一塊古老的大石碑，上面佈滿藤蔓，就像是古代的遺蹟一樣，石碑上刻着一些奇怪的符文。
我仰視周圍，四周依然杳無人煙。
我把手貼在石碑上，突然，石碑上的古怪符文發出綠光，嚇得我立刻把手縮回裙子的口袋。「……我係咪唔應該掂呢塊野？」
綠光消散，我的眼前卻出現了一個老人。
「哇啊啊啊啊！阿伯！」老人把我嚇得退後了三步。「依家啲年輕人咁冇禮貌架咩？阿伯？」「額，唔好意思，請問你係？」「叫我伯伯。」「伯伯你好……」「咁先似樣架嘛。」
他叫我別叫他「阿伯」，我問他是誰，他卻答我伯伯？
伯伯留有一頭長長的銀白色頭髮，瞳孔是草綠色的，裏面還透著一點點金色，他臉上的皺紋不算多，但也足夠為他的臉添上蒼老感了。雖然他已經老去，但輪廓仍富有線條感，想必他年輕時會是一個美男子呢。他穿着一身棕色的博士袍，看上去就像一位學識淵博的賢者。
「你伸隻手出黎，右手。」我跟據伯伯的指令，把右手給伸出來了。「會有啲痛。」「咩話？啊！嘶……」伯伯把他的手掌放在我的前臂，他的手奇怪地灼熱，好像要把我的肉給燙熟了。「大佬你搞咩啊！」
伯伯放開了我的手，我的前臂被刻上了一個奇怪的黑色印記。印記還在冒着絲絲白煙。
「原來如此，我明啦。」「明咩野？隻手好痛……有冇水可以比我……」「你中意食咩？」「吓？我中意食朱古力……等等，無端端問嚟做咩？」
「你想像一下，有啲朱古力係你手上。」「吓？我唔明。」
「想像！想像！」「嗯……好啦，我試下。」
手上有一排巧克力……嗎？
突然，我前臂上的印記發出紫光，一些憑空出現的光點聚集到我的手心，形成了一排……紫色的巧克力？
「哇……原來你個世界嘅朱古力係咁架？」「……不如伯伯你解釋一下而家發生緊乜事呀？」「唔使解釋啦，呢個咪就係你嘅魔法囉。」「可唔可以唔好咁抽象啊？」「你想出嚟嘅物件能透過魔法具現化。」
「自己慢慢理解消化下啦。」「哦……咁我想問下點解舊嘢係紫色嘅？」「係你精神嘅顏色，呢啲嘅細節唔使理啦，你pass啦。」「吓？pass咩？」「你pass咗個測試囉……算啦，而家送咗你返去先，後會有期。」他轉身而去。
「呀仲有，」他轉頭過來問我：「細路你叫咩名？」
「額，我叫……千迴，墮神千迴。」
伯伯向我揮手告別，彈了個響指，我就回到一開始的房間了。
不定期更新，盡量每週一次。如果你中意我寫嘅文，想知道更多更新情況同埋人物設定嘅話，歡迎你過嚟追蹤我嘅IG：@night.star000
Thx for your support（*＾ワ＾*）