陰霾密佈令人不寒而慄《慾望共胴體》18+: 第33章 - 胴體誘惑

經過一輪陰差陽錯的社交聚會後，潘瑋晴和簡紀明終於熟絡起來。由於余泳心是半工讀的學生，晚上需要到當地酒吧或餐廳打工去賺取學費和生活開支。這一晚，簡紀明到訪余泳心住家，適逢余泳心外出。
「佢出咗酒吧開工，聽講係臨時為同事頂更，佢冇打俾妳？」潘瑋晴在大門前擺出S型的站姿。
「冇呀，可能係臨急臨忙啦，酒吧又規定開工唔准用手機。得返妳一個人？」簡紀明一雙眼不停在潘瑋晴身上打量。
「屋企冇人煮飯，我好肚餓，架車又壞咗，如果有人肯做好心車我去食泰國野你話幾好呢.......」
「樂意為妳效勞。」

二人在唐人街的泰國菜館吃飯，當中潘瑋晴點了很多菜式，有紅咖哩、金邊粉、冬蔭功湯和泰式辣椒炒通菜。
「睇唔出妳都幾食得辣喎。」簡紀明邊吃邊抹汗。
「我有好多野你都唔知。話時話，聽Monica講你辭咗職，有冇咁嘅事？」
「依份工真係一份工，點做都唔會出人頭地。」


「想唔想去國銘實業做？」
「全球一百強上市公司當中嗰間？算吧啦，人哋唔會睇我。」
「只要我同爹地講聲，你聽日即刻可以返工。」
「好。之不過咁樣.........我就欠妳一個人情。」簡紀明說話時雙眼發光。
「唔，咁點計數好呢？一於你今晚車我四圍去玩。」

二人於飯局後去了天文台參觀，順道談心。在那裡的一個公眾角落，簡紀明最終抵擋不住發自潘瑋晴身體的淡淡幽香，不經意地摟著她的纖腰，二人經過一輪對望，在強烈的慾望支配中，卸下面具一起激烈擁吻，感受源自對方唇上的味道。