陰霾密佈令人不寒而慄《慾望共胴體》18+: 第32章 - 消失的記憶

時間回到兩年前的UCLA。為慶祝話劇社成立十週年，今天戲劇系會由不同的級別一同排練一場歌劇在校園內演出，劇本經籌委會投票選定為Chicago。女主角Roxie Hart與女配角Velma Kelly分別由應屆畢業生余泳心和二年級生兼香港學生聯誼會幹事潘瑋晴飾演，參與表演的同學們為求認真起見，紛紛深宵達旦地彩排。其中，又以余泳心和潘瑋晴二人的對手戲份較重，故此，余泳心邀請了潘瑋晴前往她家裡排練。
「妳屋企真係幾好，遠離市區，空氣清新，但又方便返學，妳一個人住？」甫進屋內，潘瑋晴便把墨鏡掛在頭上，然後問余泳心。
「係呀，依間屋係我養母剩低俾我住嘅。我男朋友間中都會上嚟，因佢工作地點比較遠，唔係太方便。」余泳心向潘瑋晴展示手機上與簡紀明的合照。
「依個就係妳男友？佢好型.......」潘瑋晴想了一會後說：「不如我租依度同妳一齊住啦，等妳有個伴。」
「好呀，妳幾時方便搬過嚟？」
「就由今日開始。」

翌日，潘瑋晴在余泳心家安頓好自己的行李後，二人同在一起研究劇本。
「Monica，我覺得妳嘅演繹手法唔係咁得。」潘瑋晴一邊喝汽水一邊說：「妳個角色其實係好立體，佢有唔同性格，當中嘅變化好極端。」
「點解咁講？」


「套劇一開始嘅時候，Roxie Hart以受害者嘅身份出現，但去到尾後，佢反客為主，主宰一切，以支配者角色去控制翻其他人，當中嘅性格轉變其實係由忠變奸。」
「但我已經好俾心機去記熟台詞同掌握表演技巧.........」
「No.....」潘瑋晴直接打斷余泳心後說：「我唔係話外在因素，係內心戲。妳太單純啦，點樣扮奸都唔識。假如個角色要妳去殺人，妳會點做？」
「劇本入面有寫明成個殺人過程點做，照住做就可以。」
「假如係謀殺呢？」
「妳指嘅係.........」
「殺完人後，仲要搵個地方將條屍埋咗佢，唔留低一絲痕跡被人發現，連自己個表情都唔俾人家睇出，依種POKER FACE先至係奸人最高嘅境界。」此時潘瑋晴面上展現出令人心寒的微笑。

這個時候，有人按下門玲。
“Surprise!”來人是簡紀明。


「咦，紀明？點解你會今日嚟？」應門的人是余泳心。
「公司放我長假，我見橫掂得閒就嚟搵妳......」
「你又冇做啦？」余泳心臉上掠過失望的表情。
「其實份工真係唔適合我，妳俾D時間我，遲下我一定出人頭地.......咦，入面個位係？」簡紀明望向屋內的潘瑋晴。
「佢係Rachael，啱先新搬入嚟同我一齊住。」
「妳好，我叫Gabriel。」簡紀明向潘瑋晴打招呼。
「Hi…...Gabriel，個名真係幾好聽喎，the left hand of God，將來一定要風得風。呀，講講下就肚餓啦，不如我代表香港學生聯誼會請客歡迎你哋好嗎？」潘瑋晴說道。