過去的我原來是如此愛你「又甜又苦？」: 第十七章

「彼得～你覺得我同妹妹邊個好」內心又好奇又怕，畢竟自己嘅身份係女朋友

「當然係你啦！傻女，唔理佢點樣做都係妹妹，代替唔到你」傳送訊息，對住手機傻笑咗一下

今日到恩欣陪彼得出去，不過佢哋冇話去咩地方玩，只係簡簡單單咁出咗個街，食咗餐只有佢哋兩個人嘅便飯，一對情侶如果真係相愛就唔需要向全世界宣布，低調相處比高調相處還要舒適，畢竟只要對方係身邊不論同你做啲咩，都會令事情變得特別

「彼得！得未啊⋯好耐啦！」奪命連還call，好似唔掛住人，其實已經忍唔住想見人地

出到去葵芳，我地做啲好日常情侶之間會做嘅嘢，因為大家都中意安靜嘅環境，所以我地買完野食，拎住一抽二抽嘅食物，上到去金山郊野公園上面，我地揾到一個位係可以睇住成個九龍水塘，俾水塘上吹黎嘅風，彷彿好似將我所有嘅疲倦吹走一樣，坐坐下話咁快就中午啦⋯⋯





望住呢個夕陽，太陽嘅余光照射落恩欣嘅眼睛，佢平時嘅大眼睛更顯得格外動人，我最終忍唔住用最快嘅速度去錫咗恩欣嘴嘴一啖，錫完我一副若無其事嘅樣咁睇住佢，佢兩邊面面都紅晒

仲眼碌碌咁望住我，然後我慢慢接近到佢耳邊：「BB你好甜～我可唔可以要多一啖？⁄(⁄ ⁄ ⁄ω⁄ ⁄ ⁄)⁄」

佢突然舉手想襲擊我：「好啊～你想試吓左手定右手？」(#^.^#)

然後，恩欣就成個人撲埋黎，成隻樹熊仔咁，錫返我轉頭，唔知點解呢一刻係我怕醜，可以比一個女仔仲要紅，如果要形容嘅話可以話係一隻乳豬咁超級粉紅

其實女仔可以唔癡身，但癡的話你一定整唔甩