過去的我原來是如此愛你「又甜又苦？」: 第十六章

「彼得～」一個飛奔嘅擁抱

「皮蛋⋯點解䆁先」鋒利嘅眼神

「笑^^; ⋯⋯我都唔知點解佢會出現」打眼色(｡ ́︿ ̀｡)

「哥哥有冇掛住我啊～」不斷撒嬌

「有⋯有⋯梗係有啦」感到殺氣





「阿妹同你介紹翻，呢位係我女朋友」

「女朋友？你又話大個同我結婚嘅」

「我唔理啊你始終都係我嘅⋯⋯嗯！」

「哈哈～（我條仔黎🌚死靚妹一拳打爆你個頭）」

「BB你好錫妹妹架？」





（竟然放一個死神嘅問題！）細細個講過嘅應該都冇人記得，點解佢仲記得架！睇黎呢個鍵盤跪硬啦

「之前囉～但我而家係有妻之夫，所以阿妹對唔住呀！」

「⋯⋯⋯⋯」佢唔出聲咁攬住我

場面一度安靜，搞到突然要對望，有啲怕羞添⁄(⁄ ⁄ ⁄ω⁄ ⁄ ⁄)⁄

「嗚啊⋯嗚啊」啊妹突然之間喺度喊





「你呃我！你個花心大蘿蔔，啊哥女朋友呀？我同你講佢一定會中意我多啲！」

「一個禮拜！到時候睇吓佢揀我定揀你」

「冇問題呀～你一定會輸！」我壞笑


星期一，啊妹帶我去迪士尼

「哥～起身吖～」因為佢黎咗我屋企住，所以佢可以好方便咁叫我

「瞓多陣先啦，你煮定早餐等我～」

要一個日日瞓到晏晝先醒嘅人，早起係一件好困難嘅事情黎，再加上阿欣都唔會催我早起，果然女朋友比阿妹了解我多啲（呢一句説話好快打臉(⁄ ⁄ ⁄ω⁄ ⁄ ⁄)）






「你唔好睇住先！快啲去刷牙！」

「睇一眼啦～我想知食咩」

「唔得喎⋯你再唔去我就打你」呢個時候佢轉緊身⋯

佢唔會要攞刀掛？等我準備行入去廁所嘅時候，突然之間有金屬利器磨擦嘅聲音e⋯⋯，係無辦法嘅情況下⋯⋯我只可以做一個動作「喂！sorry～依家即刻去」再走慢半步可能就要俾人斬◉‿◉


食完早餐準備出門口，阿妹比一般女仔嘅行動快，所以唔使5分鐘佢就已經換好晒衫，再加上阿妹從來都唔化妝，有可能係阿妹嘅基因太優秀，天生麗質，化唔化妝都一樣

去到迪迪尼，阿妹開始咗「女朋友」模式，從買門票開始佢已經不斷撒嬌，買完之後，入到去佢已經沖左入間舖頭裏面，佢拎起咗兩個黑色圓形嘅嘢，佢熟練嘅手勢帶上頭度，係個一瞬間，阿妹變成咗一個超級可愛嘅米奇，（原來係門口一直講嘅米奇頭飾就係呢個黑色圓形）

係店內我地對住塊鏡，用咗起碼15分鐘出咗100個以上嘅姿勢，去影相仲要不斷睇自己照啲相靚唔靚，都可以話其實女仔係一個愛漂亮生物，佢帶住個頭飾嘣嘣跳跳咁樣離開咗個店舖，突然有位女士叫咗我一吓「你女朋友話你會俾錢～麻煩黎呢邊結帳～」





「好嘅～麻煩晒！」

「死妹釘(ｰ ｰ;)而家翅膀硬啦！一支箭走咗去」

「咁阿哥你依家係我男朋友呀嘛⁄(⁄ ⁄ ⁄ω⁄ ⁄ ⁄)⁄」

「但都唔好一支箭就走，人地唔知就捉你偷嘢，到時邊個都救你唔到」我用手指輕輕咁彈咗佢一下

「知道啦～咁呢啲係情趣黎架嘛」係度賣可愛咁扭扭擰擰

「仲情趣喎！」我假裝要彈多佢一下

「唔好再彈我！變蠢左你養我？」





「你就想！益咗你，等你咩都唔洗做」

係呢一刻，彼得終於覺得自己嘅妹妹長大咗，因為妹妹嘅魅力係呢一刻，終於可以吸引到佢嘅眼睛

「哥！你眼光光咁睇咩，我係咪好靚⁄(⁄ ⁄ ⁄ω⁄ ⁄ ⁄)⁄」

「你係靚咗，但係你阿嫂靚啲」笑笑口咁講

「哦！咳⋯咳⋯」佢右手直拳打落我個肚度

講咗幾句，終於入去玩啦，一開始都唔知要玩咩好，所以就去反仔奇兵個邊先，就算係機動遊戲我都接受　


「我哋玩呢個先啦～綠色小人降落傘！」





「好啊～」心虛咗一下

如果同阿妹講我畏高，作為哥哥嘅我會好冇面，所以只可以撐硬頭皮去玩「一次」

「啊⋯⋯⋯⋯！啊⋯⋯！」不同嘅可憐叫聲x10

就係咁一次又一次咁去玩，如果再係咁玩，我怕會頂唔順，所以我做咗一個感動人心嘅決定，「妹～我地坐吓旋轉木馬吖～好耐冇坐過啦」

果然，我呢啲高冷安靜嘅哥哥仔，就應該要安靜嘅活動，坐喺木馬上妹妹又開始咗小時候嘅模樣，再次感受到小朋友嘅天真無邪、單純又可愛

玩下玩下，咁又一個中午啦，當我係度煩腦緊帶妹妹食咩嘅時候，妹妹彈左一句「揾個位坐低先～」

搵到一個冇乜人空間又大又涼爽嘅地方，妹妹二話不說就開始係我嘅背包攞各式各樣嘅「工具」出嚟，首先係地布，之後又攞咗四舊磚頭出嚟？！唔通一直都係我個背囊度，咁我咪好大隻？然後妹佢又攞出咗唔同嘅食物盒，原來佢整咗唔同嘅便當，又有飯團、炸雞、玉子燒、仲有沙律～超吸睛


「睇嚟要叫恩欣學吓～等佢多個技能⋯幾好食喎」細聲講大聲笑

「阿哥你講咩呀～咁細聲嘅」用一個可憐嘅眼神

「冇啊～只係好想知道點解你會煮野食咁啱咋嘛」用左手輕輕力咁摸吓阿妹個頭邊講

食完野玩到晚上，睇埋場煙花咁又係簡單嘅一日如果呢啲情況陪我嘅係恩欣就好啦～但係都要贊吓個妹冇人會諗到阿妹嘅變化係咁大，識佢嘅時候咩都唔識，只要一有咩事就大叫「阿哥！幫我～」

相反，而家不論廚藝、計劃都已經係一個獨當一面嘅小女孩