《任我行》: 第十八話-《求婚》

第十八話-《求婚》

(浩朗視角)
今天我決定帶女朋友到主題樂園，我要在這裏向她求婚，訂了下午五時到晚上七時的露天舞台，一開始我會裝作是在這裏出show，之後向她求婚，為了今天我已經預備了很久。

「梓靜，我地行啦。」

「你今日又咁得閒帶我嚟主題樂園玩下既?」梓靜問道

「無，今日要係到出show，主辦方話可以免費入場玩下，所以嚟囉。」





「咁行喇，我仲記得呢到係你同我表白既地方。咁就六年喇，你中六同我講你想做歌手既時候，我仲係到笑你，宜家我做左當紅歌手既女朋友，真係無人估到下一秒會發生咩事。」梓靜笑着說到，自從我成了歌手之後，每天都在我的工作室流連，沒有好好理會過她，有一年甚至沒有與她慶祝情人節，我可是花了很大的心機才哄回她

「就算我做唔到歌手，只要有你係我身邊就夠。」

「行...行喇，仲企係到。」她拉着我的手像個小朋友般跑進入口

「朗，我要玩呢個...」

「買比我，隻公仔好得意...」





「我餓喇，我要食呢樣...」

「同我一齊坐摩天輪...」梓靜像個小孩一直拉着我到處跑，到處玩

「我好攰喇，點解你...咁好氣...」我看一看時間，原來已經下午4時30分，到差不多是時候了

「因為係你陪我囉，你好耐無試過陪我咁耐，希望我地日日都痴埋一齊。」

「對唔住...」原來我冷落了她這樣的長時間，一直以來我都沉浸在自己事業中，忘記了她，但梓靜她一直對我不離不棄，在我還未成功時已經一路陪伴着我，我一定會給你幸福的





「傻豬，我地一直都會係埋一齊，無論發生咩事你都會係我身邊，當初你表白嗰陣講架，唔準反口。」

「我會...一直都同你係埋一齊。 」

「嗯，我愛你啊，阿朗。」

「我都愛你，梓靜。」

「我地宜家去玩過山車囉，個邊個邊。」

「我攰喇...」

「天月，佢地好sweet啊，曬死我喇。」雪琪裝作比強光照射着眼睛，用手輕掩雙眼





「你咪帶左黑超...」

「雖然我聽唔到佢地講咩，但佢地應該講梗好感人既野。」

「你又知...」

「女人既直覺好準架，如果我都搵到個肯陪我去主題樂園既男朋友就好。」

「都好難下，係主題樂園見到明星就去跟蹤人，你男朋友應該報警拉左你先。」

「又唔見你報警拉我。」

「報警咪拉埋我囉。」

「又好似係喎，哈哈。」





「唉，點解我會陪你係到癲。」我無奈地搖搖頭

「唔好講喇，佢地行緊喇。」在雪琪拉着我前進時，一個小盒子從浩朗的背包上掉了下來，我走上前把它拾起，好奇心驅使我將其打開，裏面是一隻戒指，既然他要求婚，就待我為他們呈上這枚緊扣他們兩人人生的戒指吧