《任我行》: 第十七話-《浩朗》

第十七話-《浩朗》

到了大家樂，我隨便點了一個餐後便找了個位置坐下，突然我背後傳來一名男人的聲音。

「你好，特工天月，唔好望過嚟，帶外人入工作部係重罪。」凝重的聲音從我背後傳來

「知道。」我亦不敢回應太多

「一次機會，享受你既早餐。」聲音離我遠去，我才能放心下來





「天月，你做咩成頭汗既?」雪琪問道

「做完運動係會易出汗D。」我才不敢告訴雪琪真相

「哦...」幸好雪琪沒有多問

不消一會兒我們便吃完早餐，向着目的地全速前進。在路上，我收到了蘭月給我的訊息，是關於王氏埋伏在工作部中的臥底人數，我也理不到這麼多，我將訊息轉發給慠龍，讓慠氏自己解決。

最後一次來主題樂園好像也是為了執行工作部的任務，我有沒有真正享受過主題樂園的樂趣呢?好像就連小時，父母也沒有帶過我去主題樂園，但為什麼我好像有來過這裏的感覺，真是奇怪。





終於來到主題樂園，只要在大門往左走五分鐘便是這裏的閉路電視黑點，可以翻牆進入。但這次我只需購票入場，不用做一些偷雞摸狗的事。

「烙兒...呃...唔該你...」她狠狠地睥着我，似乎還未氣消

「可唔可以...呃...帶埋細佬去買一買飛...唔該你。」

「好，啍!」她拿著錢走到櫃檯，為我們購票

在這等待的無聊時候，我打算拿電話出來看看，雪琪拉扯著我的左手。





「天月天月，你望下，係咪好似個位新晉歌手浩朗，隔離嗰個係咪佢女朋友啊。」雪琪指着入閘口的位置，我看了看，我又不知誰是浩朗，沒有很留意現今樂壇

「係喎係喎，真係好似。」我敷衍着她

「不如，我地跟住佢地睇下佢地做咩囉。」

「吓，嚟主題樂園唔係玩，係跟明星...但係...」我其實是想和雪琪在主題樂園留下美好回憶的

「唔好但係喇，就跟蹤明星喇，等埋烙兒我地就出發。」她不理會我的意願，直截了當為我帶上了一幅墨鏡

「點解你會有D咁既野...」我無奈地問道

「女人既袋永遠都有你想像唔到既野，嘻。」

過了大約兩至三分鐘，烙兒帶着弟弟回來了，手上拿着四張票。





「烙兒啊，我啱啱見到個好似浩朗既人拖住個女仔，有無興趣一齊跟蹤佢。」雪琪問道烙兒

「吓，嚟主題樂園唔係玩，係追星...」烙兒的反應跟我一模一樣

「一齊喇。」雪琪向烙兒撒嬌

「唔好喇，我想同細佬走圍玩下，仲有我唔想見到天月。」說到這裏她又狠狠地睥着我，我舉高雙手表示投降

「天月，你會陪我架可?」雪琪水汪汪的眼睛，令我覺得她楚楚可憐，反正主題樂園甚麼時候都可以來

「唉，無你乎。烙兒，咁你就帶細佬好好周圍玩，餓個陣記住食野，唔好省錢，我比。」說罷我從錢包拿出了兩張五百元給烙兒

「咁，多謝你。」烙兒接過我給她的錢後便轉身向入閘處走去





「天月，我地都行。」

「係...」我也很想跟烙兒他們去玩，享受主題樂園的氣氛