我的她的大家的故事: 第五十一章 試後活動2

跟住第二日翻到去，就派中文，PE同埋中史，呢幾份卷簡單啦，中史直接頒獎啦可以，都唔係話我囂張，諸葛力恆我就好準架啦，唔信，起身翻到學校咪有答案囉。過左幾日之後，主科卷基本上都出嗮分啦，今次考試就可以啦，順利升班不是問題啊。至於Emily考成點？我都知道你班友肯定好想知架啦，我之前講到明係Emily係學神，就梗喺勁到嚇死人啦，主科除咗數學之外，全部第一，中文好似係全級第一，我都話架啦，唔講啦，要起身啦。一樣係6點50起身，今日就啊媽買左早餐，所以屋企係無人架。兩個起左身之後，梳洗完之後，就行出去，Emily就講：咦，今日屋企做咩咁靜嘅，啊媽..唔係唔係，Auntie去左邊啊？我就講：咪住先，你頭先叫啊媽，嘿嘿，咁快就想嫁俾我啦，我可以架，嘿嘿。跟住佢就講：你就想啊，打死你打死你。我就話：打死我露，之後有人就無男朋友露。跟住佢就講：唔得啊，唔可以，你試下。跟住佢就又打我。跟住我就講：好啦，唔玩啦，換衫翻學。
 
跟住就坐巴士返學啦，一樣架啦，上左車之後，佢就講：咦，B啊，我地對完卷之後，放暑假之前，應該有7日唔洗翻學，我地去邊度好啊。宜家呢個時候，我隻腳已經好翻4成左右，慢慢行係無問題。所以我就同佢講：你想去邊度玩啊。上山下海我就仲未得啊。跟住佢就講：不如我地去赤柱啊，去行下海邊都好啊。我就講：都Ok掛，等試後時間表出左再算啦。跟住佢就講：ok，今日中午想吃咩啊。我就話：哇，幾點啊姐姐，咁早就諗食咩，你中意啦。跟住佢就講：我想去食扒啊。我就話：想吃扒啊，陣間去偉華到吃。跟住佢就點左下頭，跟住就已經到學校，落車，行翻去學校。
 
翻到課室之後，成班都齊左一半人，跟住周文就問我：喂，今晚玩唔玩GTA啊，正啊喂。我就講：屌，你宜家先買啊，我一早就買左啦，好啊，今晚等哥哥我帶你飛。跟住佢就講：收皮啦，垃圾佬。跟住Emily就扭我耳仔講：今晚唔準打到太夜。我就話：得啦得啦，12點收機。跟住班主任就入左黎，班主任講：好，今日我地會派試後時間表，我地中四係暑假之前係有8日唔洗翻學，所以大家要好好編排時間啦男女班長幫我派野。跟住我同Emily就行左出去派野。派完野之後，Emily就講：有8日窩，耶，可以出去玩啦。跟住就打鐘，上中史堂，中史堂有咩好講，就梗喺見證我攞獎啦。去到班房，miss已經係度，就叫我地快手坐低，準備派卷，我就講：miss，洗鬼講咩，頒獎得啦miss，唉，我都唔好意思講啦。Miss就講：翻位啦，恆哥，你再搞搞震，我陣間就請你落去B房飲茶啊啦。我就話：對唔住大佬。跟住就翻咗埋位到。Miss就講：第一就唔洗講啦，費事條友囂張啊，第二係張學雯，Emily考得唔錯窩今次，第三係鐘家成。跟住攞完卷之後，我份卷42分，50分滿分，Emily 38分。我就講：陣間請你吃野好唔好。跟住佢就笑咗笑點頭。
 
12點半，打鐘落堂，我地翻到自己班房，跟住周文就問：喂，吃咩啊。我就講：不如就偉華個間扒房啦。跟住四個就一齊行過去，行到過去，坐低咗，我就問Emily：想吃咩啊。跟住佢就講：我想吃羊架。跟住我點咗下頭，就問：兩位ok未？見大家都OK我就叫野吃，詩文同周文叫咗一塊西冷同埋沙朗，我就叫咗一個雞扒加豬扒嘅套餐。等緊啲扒到個陣，周文突然之間問我：喂，Emily生日你決定要買咩未啊。我就同佢講：梗係決定咗啦，至於係咩到時你咪知咯。跟住就開始食野。食玩野之後，我同Emily就翻屋企，因為我隻腳雖然話可以行翻，但係暫時都唔會行翻多住，所以就翻屋企。翻到屋企之後，我就繼續同Emily係度玩遊戲，玩下玩下就到吃飯時間，啊媽打電話講：仔啊，啊媽今晚有野做啊，你同Emily自己搞掂啦，啊媽今晚夜小小翻。跟住我聽完電話之後，本身想自己煮，但係我見到Emily宜家訓著咗，我決定叫外賣，叫兩個燒味飯，半個鐘之後，外賣到咗，我就叫醒Emily吃飯。吃完飯之後，我就同周文打機，Emily就搵詩文傾電話，玩到12點左右，啊媽翻到屋企，打開我地房門講：唔好玩啦，快啲訓教，跟住我地兩個就收機，上床訓覺。