我的她的大家的故事: 第五十章 試後活動1

考試其實都無咩好講，咪就係日日都起身，翻學，考試，放學，跟住返屋企溫書。所以我又係唔講啦。一個半星期之後，最後一科都考完，我文憑試體育科就整係考左筆試，其他就無跑到。跟住考完試之後就翻去對分。星期一，一樣6點50起身，Emily以後都會住係我屋企，所以已經習慣左，一起身就會推下隔離個個，跟住就兩個慢慢行去刷牙洗臉，跟住啊媽基本上都係屋企煮早餐，所以就唔洗自己5點幾起身煮野食。今日坐低吃早餐個陣，啊媽就問我地兩個：點啊，今日開始派卷啦窩，有無信心先。我就梗喺講：梗喺有啦，有我係度，直接頒獎啦可以，哎呀…。我成日都俾Emily扭耳仔。跟住佢就講：喂， 你當我死架，我第一都未到你第一啦，蛤。跟住我就講：係係係，請大人放過小弟先。跟住佢就打我：打死你打死你。我就講：喂，你唔可以蝦殘疾人士架窩。跟住啊媽就講：好啦好啦，兩個唔好玩啦，快手食野，跟住返學啊。
 
跟住返到學校之後，我地上左課室，跟住我坐低左之後，周文就問我：喂，瘸佬， 你覺得你英文合唔合格啊啦。我就話：我就一定得，你啊，有名叫大炮佬，哎呀，都好危險架啦，算啦，同學仔下次加油啦。跟住周文就講：食屎啦你，講到你好似唔炒咁。跟住我就講：睇下邊個高分啊。跟住班主任就入左黎，班主任教通識，所以班主任堂派通識卷。班主任講：今次大家考得嘛嘛地，全班32人，得15人合格。跟住就開始叫名，班主任講：合格攞卷先，林浩文，張學雯。。。黃力恆。過左大約4個名之後，就到我攞卷，望左下份卷，可以啦，24分滿分，有17分，詩文同我同分，周文條友10分，踩線合格, Emily最高分，有成20分。跟住Emily就講：yeah，我高分過你。跟住我就同佢講：好勁窩，今晚叫阿媽煮好野吃。跟住佢就話：真係架，好耶，你考左幾多分啊，咦，17分，勁啦，全班第5。我就講：ok啦，下次第一就係我架啦。跟住班主任係度解卷，我地就係度抄筆記。
 
跟住就到英文堂，英文有四份卷，所以英文老師一入到黎，就講：大家望下個分有無錯。我就望落去9號個度，卷一32，卷二12，卷三兩份加埋46，卷四16分，百分比去到51，合格，非常好。Emily同我講：咦，合格窩你。我就話：多謝大佬carry小弟。跟住佢就點左下頭，係都要拍下我個頭，我就話：喂，唔好拍我個頭。跟住我就拖住佢對手。跟住佢就講：咦，放開我啊，放開我啊。跟住兩條友係度玩，還掂個英文老師都係係度9吹架啦，佢講野就梗喺無人聽啦，至於個兩個傻仔，一個得30分，一個得28.5，我連笑都費事笑，污染我智商啊。落堂之後，我就問：喂，陣間食咩啊？周文就講：我啊媽叫我同詩文翻屋企食飯，你地兩個撐抬腳啦，唔好話我地兩個成日做電燈膽啦。跟住我就話：喂，你地兩個咁快手見家長，幾時結婚啊。跟住周文就講：到時一定請你，你唔洗咁急。我就講：我就等你個餐架炸，等做你兄弟啊。跟住周文就講：屌，我就一定俾你做我兄弟架啦，等翻10年8年咪請你囉。跟住我就笑9佢：屌，你唔係諗住宜家就結婚下嘛，係就聽日啦，黃道吉日啊。跟住周文就講：你顧掂你自己隻瘸腳先啦。跟住就行左去。
 
放左學之後，佢地兩個就坐車翻左去大埔，我隻腳都叫做好翻小小，可以行翻快小小，跟住佢就同我講：我地今日食咩好啊。我就講：我都唔知啊。最後兩個都係去吃米線算數。兩個人一個大碗一個細碗，吃飽飽之後就返屋企。跟住返到屋企，兩個就係度望手機，突然之間，佢就拍左一下我，同我講：B啊，呢隻game好靚啊，好似好好玩，陪我一齊玩啦，黎啦黎啦。跟住我就望左下，我就下載左。入到去，兩條友係度亂咁玩，一下佢就講：咦，好靚啊呢度，快啲快啲。我就一路跟住佢行，其實我自己都自己唔知係度玩緊咩。但係又好似幾得意，其實玩到後面就幾有趣，又可以望下風景，又可以解下謎，唔錯。跟住兩個玩左一個下晝，玩到啊爸啊媽翻左黎，8點鐘煮好飯，就拍我地房門講：吃飯啦，快啲啦。吃飯個陣，啊媽就問我地考成點，我地就梗喺照講架啦，啊媽就講：ok啊，考得幾好啊，聽晚整好野吃。跟住Emily就講：多謝Auntie。吃完飯之後，又係沖涼啊，到我沖完之後，成個廳都無嗮人，係架啦，屋企兩位好忙架，宜家有個女朋友陪下我咪無咁悶囉。我就入翻房啦，見到Emily睇緊Youtube，我就抱起佢問：B啊，睇緊咩啊。跟住佢就講：片囉，一齊睇啦。跟住兩條友就做係度睇左成晚，到12點，準時收機訓覺。