我的她的大家的故事: 第十章 還只是單純的好感？

時間過得真係快啊。話咁快就到考完試之後啦，由於溫書四人組已經習慣咗放學之後，一定要搵些小野做下先得。由於小弟今日要開會啊，所以佢地話係圖書館等埋我先去吃飯窩。我就話：好啊。開會真係令人頭痛啊。開完會之後，Emily係會議室門口等我，見到我出來之後， 就話：副主席， 你想吃咩啊。我就問：咦，個兩公婆去咗邊度啊，又話要一齊吃飯？Emily就話：佢地兩個話自己吃窩。我就話：呢條仆街仔啊，成日就話要一齊吃飯，跟住要佢等下就人的走埋。跟住Emily又係扁嘴對住我：同我吃唔好咩。我就輕輕單咗一下佢個鼻：行啦，想吃咩啊。佢即刻笑翻嗮：我想吃拉麵。跟住我地兩個就行過去沙田新城市吃拉麵。
 
吃緊拉麵個陣，Emily突然講：係窩，副主席，班主任要我地傾聖誕聯歡嘅野窩。我話：都係個兩樣架啦，吃野，玩遊戲，玩遊戲等周文去搞啦，我地兩個同詩文諗吃咩啦，到時我地諗咗幾個選項，再畀班入面嘅人投票啦。我就話：你中意吃pizza，其中一個就pizza啦，宜家都凍冰冰，不如另外一個提議就打邊爐啦。佢就話：咦，副主席記得我中意吃咩窩，開心。我心入面講我最重視嘅人點會唔記得啊。但係口到講：我呢啲好記性架嘛。佢又扭我耳仔話我口花花。
 
吃完之後，就同佢行咗陣沙田，至於點解要行，因為我地兩個都吃得太飽啦，飽到Emily話要係沙田行下先翻屋企，我就梗係話好啦。兩條友行下行下，就行到去戲院草坪到。跟住佢就停低咗，就話：不如我地搵日出來睇場戲啊。我話;好啊，你想睇咩戲啊，愛情戲？？？？Emily就話：到時先啦。行完就梗係翻屋企啦，佢仲傻下傻下話不如我地行翻去啊。我就話
：宜家9點啦，下次先啦，費事你屋企人擔心啊，乖。跟住我就同佢答車翻屋企。
 
夜小小個陣，詩文搵我：恆仔，係到嘛。我話：係度啊，咩事啊，副主席，嘿。佢複翻我：你真係同學雯講嘅一樣，口花花，無啊，我同學雯定咗聖誕聯歡吃野嘅選項，聽日翻去問下佢地啦。我就話：好啦，辛苦嗮你地兩個啦，詩文，記住幫我係Emily面前講多兩句好說話啊，拜託啦。詩文send 咗個笑笑畀我：原來你真係開始追學雯啦，放心啦，學雯對你好高評價架。我就話：OK，辛苦嗮，聽日見。