我的她的大家的故事: 第九章 慢慢升溫

話說，我地嘅溫書四人組就係考試前一個月正式成立，但係呢由於周文同詩文佢地兩個已經正式成為雙方的伴侶。所以我係度思考緊我同Emily嘅關係嘅同時，都會周不是串下周文同詩文佢地兩個，周文呢條友成日係我同Emily面前放閃。有次：我同Emily係圖書館溫緊中史個陣，唔知係咪周文嘅決定，定係詩文嘅主意，總之我都係入周文數架啦，鬼叫佢成日串9 我。佢地兩個係我地面前係度拖手仔啊，詩文又將個頭挨係周文到。我見到就梗係第一時間串下佢地啦：喂，呢到圖書館來架，檢點小小啦。周文條友係度串翻我：係咯，有人妒忌咯，妒忌我咯。詩文同Emily係度偷笑， 跟住Emily就突然將個頭挨過來，跟住同我講：我溫到好頭暈啊，畀我挨陣啊。經過咗上一次嘅考慮之後。我決定要同Emily開始慢慢發展關係。我就梗係話：好啊，你挨過來啦。跟住，詩文繼續係度偷笑，周文畀咗個意味深長的眼神畀我。
 
溫完書，我就同平時一樣，同佢一齊坐車翻屋企個陣，我膽粗粗問佢：靚女主席啊，借問一聲， 你聖誕節ok唔OK啊，不如一齊出來行下，今年聖誕節港隊難得唔洗練艇，好唔好啊。Emily申個頭埋來：真係架，好啊，正日同平安夜的要陪我窩，副主席。我話：好啊，還店我都無咩野做。跟住我就摸咗下佢個頭，佢都挨咗個頭落來我到。跟住就訓著咗。我就係度思考緊幾時同佢表白好，我想聖誕節個陣，但係又怕識得太短，所以，我呢程車就係非常困惑度過咗。一樣落車之後，送咗Emily翻屋企之後，就翻屋企溫多陣書先，跟住，周文就Wts我：喂，傻係。我send 咗個白眼畀佢。佢話：你係咪下定咗決心要去追Emily啊。我就話：經歷咗兩個月，我對佢嘅感情的已經由朋友慢慢變緊，我其實都開始對佢有好感。周文復我：去馬啦，Emily講咗話中意你啊，你條友啲動機搞到人地都唔敢太過啊。我復：得啦，我 知道架啦。
 
就係咁樣，我前兩日決定咗要開始追Emily之後，我就開始主動開始約佢出街，估都估唔到，我有一次係樓下跑緊步個陣，又會撞到佢窩。話說個日體院就無training，咁我就自己跑翻10K算啦。點知我跑緊個陣見到Emily自己係度行緊，我就跑過拍下佢，佢就話：咦，副主席，一齊行下啊。我就話：我要跑完10K先啊。佢有小小扁嘴：好啦，不如我等埋你啊。我笑笑口話：好啊。跟住就一支箭咁樣跑咗去。四十分鐘之後，我跑完10K，跟住Emily就比咗支水我。我就笑笑口話：多謝窩，靚女主席。佢笑到好甜話：見你跑得咁落力，梗係要獎勵下你啦。跟住坐咗陣就送咗佢翻屋企。