我的她的大家的故事: 第一章 初相識

時間回流到2016年。今日系我高中嘅第一天，啊係啊，我叫黃力恆，大家都叫我啊恆。今日返學有些小緊張。因為上到高中，以前初中嘅同班同學就全部會打亂嗮，對於我呢個對陌生人會好唔習慣嘅人，同一班之前只有幾面之緣嘅同學，要一起上課，個心嘅系囉里囉講。行緊翻學校個陣，把嘴仲系讀嘰嘰喳喳話：屌啊，今年又打散嗮，哎

文科仔嘅我，被學校分到4B班，我心入面暗爽，今年數學唔使畀光頭佬教。由於我今年呢班，我真系一個認識嘅都冇。所以我都系安安靜靜坐咗系窗邊最後面個位。既然冇朋友，我呢個中意吹水嘅人，坐低咗， 就搵前面嘅同學吹水，當我同前面同學吹緊水個陣，我依然唔會知，之後會有一個女孩子主動坐喺我隔離，而且佢對我嘅高中生涯會有很大嘅影響。

前面個位同學叫周文，另外一位叫做江詩文。大家吹咗幾句，之後，發覺大家有共同的特點，就係好outgoing的人，呢個話題一開波，不得了啦，原來啊周先生係爬山高手，啊詩文係中意游水。我係香港賽艇青年隊的集訓隊員，自然，大家就會分享話，自己係做緊呢個或者玩緊個個活動，有幾好玩， 三條友係度嘰嘰喳喳， 突然變度好好朋友一樣。

突然，我身邊向起了一把女聲：我可不可以坐喺你隔離啊，我轉頭一望，咦，個女仔幾好睇啊，札起馬尾，帶住一副黑框眼鏡，個樣幾好睇啊，雖然唔會話到有仙氣，但系，起碼叫做好睇，出到街，男仔都會回頭睇多幾眼。對於有女仔肯坐我隔離，我梗系無限歡迎。就急急口話：請坐請坐。同時，班主任嘅入咗嚟，敬完禮之後，我地就坐低咗。第一次有女仔坐我隔離，心入面雖然暗爽，但系個人好緊張，你話如果系肥婆， 我真系彩佢都on9。但系，宜家隔離一個靚女窩， 作為單身16年嘅代表，心里面一定有緊張。系我想同佢吹水個陣，佢竟然主動搵我：我叫張學雯，可以叫我Emily， 系啦，你叫咩名啊。啊，HI我叫黃力恆，可以叫我啊恆，抑或叫Alex都可以。我地兩個嘅緣分就喺呢次嘅對話里面慢慢開始。