我的她的大家的故事: 序章

Hello，大家好，我叫啊恆，一個將近30歲嘅中年人，份人比較健談，系某個紀律部隊嘅隊長級職員。近排撞正老豆老母話想搬屋，加上自己有了一筆小積蓄，就幫父母買了一個居屋單位，但系因為地點距離我上班嘅地方有小小遠，我就同老豆老母講，我想搬去宿舍住，一嚟近局，可以省去車錢，二嚟，系市區住比較方便，要入嚟探老豆老母都叫做方便，老豆老母嘅同意我嘅決定.
所以就決定下星期搬屋，今日就系我唞嘅一日，我就翻房收拾一下我要帶走嘅嘢，喺收拾櫃筒個陣，我無意間睇到一份試卷，寫著《2018年模擬試卷 中國語文科》，突然間激起我嘅興趣，嘴到仲系嗶嗶叭叭講，話成10年前嘅產物仲系度。點知，拎咗起身，見到有兩個人嘅名字，一個寫著黃力恆，當我睇到隔離寫著張學雯個名個陣，我放慢了手腳，深呼吸咗一啖氣，坐喺了床上，慢慢打開嗰份卷子，里面嘅黑筆和紅筆，都證明了呢份感情嘅真實，每一個圓圈，以及下面嘅修正答案，都能夠睇得出佢對我嘅著緊。睇到呢度，我果個平靜嘅情緒開始有了微妙嘅變化，思緒也慢慢回到了果個激情四射，青春無限嘅年代…