致一個識左我兩日就做左我女朋友既你: 第三章 遲到

「講返少少先，其實都唔少，我feel到佢對我有啲意思(一定會有人話，毒撚唔好ff咁多啦，毒撚最忌有自信）咁當時我冇理到咁多，古語有云：打鐵要趁熱
寧願依加食左大大個檸檬都好過等錯過左之後連檸檬都冇得食」

瞓左之後，發夢夢到有個女仔跑過來（長頭髮.戴大框眼鏡.佢對眼啡啡地而且重好大），錫左我一啖之後就講左句：拜拜，佢就繼續跑走左，佢個身重有陣水果香味（好想不停索。吾是痴漢），點知想回味都未來得切就比鬧鐘嘈醒左，一睇下個鐘，屌！已經7點半，遲撚曬大到，
我即刻保特上身咁，9秒9衝去刷牙洗面換校服，個頭就......是但啦都冇人會望我架啦，所以我就由啲頭髮企曬起身（好似悟空個頭咁）就出左門口，好彩我間學校離我屋企唔係太遠，跑返去既話10分鐘左右就到，不過我用左15分鐘先返到去，因為冬天啲手腳唔太靈活，加上又著多左幾件衫（我好怕凍），所以就跑得比較慢，去到學校門口，咁就一定有個訓導主任「微笑」住迎接啲遲返學既學生（包括我），佢個名就叫純強，我就叫慣左佢做強仔（有時返學玩手機比其他老師收左就要叫佢強爺），強仔乜又咁啱呀，強仔：你真係好野，日日都可以咁準時返學。我間學校係8點08分之後就計遲到，我就永遠都係08分先到，最早最早都係06/07分返到去（我諗你地應該都係好似我咁，唔會蝕鐘比學校）返到去學校唔係第一時間返班房，係要企喺操場邊食西北風邊聽啲廢中廢老鳩up（好撚凍呀你老味）咁搞完一大輪野，返到班房終於有時間搵佢傾下計啦，一打開手機，原來佢6點半已經起左身，重同我講左句：早晨呀～～～懶訓豬～～😜😜



（對唔住呀 呢章冇咩講到女主角，下章會多返架啦）
梳