致一個識左我兩日就做左我女朋友既你: 第二章 相識

「壯漢」：冇呀 你想傾咩？
我：你今年幾多歲？
其實透過交友apps去識人，不外乎都係.你幾多歲、做緊咩、係咪重讀緊書、有冇兄弟姊妹呢啲基本野
重有就係好多男仔會一來就問 你有冇男朋友？
你咁樣問法十個有九個女仔都唔會想繼續同你傾落去啦
係人都知你想點同埋知你想做啲咩
女仔會覺得你好隨便
（係咪覺得我好似感情專家咁呢？）
其實唔係，只要你調返轉諗就知點解
就好似有個女仔突然問你有冇女朋友，你都會嚇親啦




唔多唔少都會有啲反感

所以我就同佢普普通通傾下日常生活同返學既一啲趣事
佢有個Miss姓張而且佢張枱又好亂and污糟，所以set佢個whatsapp名做「張枱好亂」（我覺得佢諗到呢個名真係好勁）
咁我問下佢，佢又問下我
（咁當中都少少曖昧野啦 你會唔會掛住我等等啦.我認我係狗公 男不狗公枉少年）
由於我地傾計有啲都係用錄音傾
咁就確認左佢唔係「壯漢」之外，佢把聲重好溫柔幾好聽（好似西野七瀨）btw西野七瀨係「賣飛佛」
同佢傾左成晚 原來佢得16歲（個apps年齡選擇最細都係得18歲 所以佢就揀左18歲）讀緊中三 獨女
咁傾到咁上下 就準備差唔多瞓覺啦




咁臨瞓之前我就問左佢一句 你聽日瞓醒會唔會掛住我架
佢覆返我：唔知架～～～可能會啦～～～
我即刻 oh Yes 我知道我喺佢心入面有返一定既位置
最後 大家互相講左句早抖道瞓左
不過佢句早抖多個～～～
我要開始我既攻勢啦