罪眼: 新生

「全人類將會滅絕？！哈哈，放心吧，我的朋友。太陽風暴不會.......」電視機前面嘅博士話語未歇，電視就突然停止運作。
相信現家全世界好多人走左出去望着五花十色的天空，明明喺同一晨空下的人，但智商真喺參差不齊。
電器損毀姐，又唔係世界末日，咪再買過囉；落雨果陣，天色都好特別架，生活咪又係咁過
「舞照跳，馬照跑。」
遽然，一抹耀光直射着現場所有人嘅眼瞳，不知不覺中大家已經換了眼睛。
我瞓返場好覺，聽日又準時起身返工。
夢中我喺一個大叢林入面，我記得我擺住半月刀，斫榛莽、斬樹杈，為嘅係要嚟到北方嘅大海，嗰度並無手握斧頭嘅姐姐，只有一隻頭長犄角、層層鱗片聚身，六臂六足的獸，它面無五官，卻能發出聲音，其聲如嬰兒。
「放心吧，我並不是你們口中的撒旦。我是哈露星雲第666號載劍星的流亡傭兵小隊隊長，剛才為了找散失散的同伴，於是就發射光束，希望佢能回應我的信號，點知射錯左地方，現家搞到你地地球人個個都有呢對眼睛，好撚恐怖嫁知唔知啊？不如咁啦，你既無咩特長，又係平凡人一個，我不如俾你暫時控制住佢地，嗱，呢個權力就交俾你，等到我地成功復興左我地嘅星球之後我先再搞掂返你地喇。」
「外星人，點解你講廣東話嘅？」
「屌你喇柒頭！問咁撚多野！現家我俾我啲力量你，你噯定唔噯啊？」




「要，之但係......」
「唔洗但係啦，俾你就俾你喇。」
一覺醒來，原來電視仲未壞兼且仲未熄，而大總統法允行正向廣大市民宣佈今日準時返工返學。
我着起校服，大喊屌你啊！而我怒睥住法總統，眼睛望得良久，突然疼得要緊。
「啊屌！搞咩呀！」我搓搓眼，發現自己一身西裝革履，面對正係千百萬個記者，佢哋目瞪口呆，我冒著冷汗，心諗咩事啊。記者鏡頭折射返我嘅樣，我嘅心可謂嚇破了膽，摸摸自己皺摺嘅皮膚。仆街了，我點解會變左做法允行嫁？
我回想起夢中的內容，嘴對咪大喊「唔撚係瓜？」
我咳咳了幾句，應該係發夢姐，我大力捏着我的臉「屌！痛啊！」
見此，睇黎我唔係發夢。既然係咁，我就幽大家一默。
「咳！我宣布今日停工停課停市！」喺我隔離嘅官員個個擘大眼望住我，更有人挨我耳邊講：「點解同我地講嘅完全唔同。」我示以中指口覆，佢目瞪口呆，我又向面前講：「各位記者朋友，除此之外，我現家宣布我唔撈喇。」
「咩話？伍生？你唔撈？」




「係啊......哈哈。」
記者猶如野狼般湧過嚟，不斷追問其他問題。
我打着官腔：「多謝大家提問，詳情我稍後公佈，拜拜。」遽然我又站在屋內，對着灰色沙發，維持揮手嘅工作。我愕然望回電視，但接下落嚟嘅畫面更怵目驚心，法總統經我上身後倒地不動，呢一幕，震驚左電視機面前嘅我，我摔倒在櫸木地板上，說不出話來。
我究竟做左乜撚野呀？
內政部部長隨即伏地，手貼在總統的鼻，有氣息吐納，活像生人。而保安亦擋着鏡頭，驅趕着記者，內衞隊首長急召總部同救援人員，行政大樓處於完全戒防狀態，電視直播中斷。
後即刻轉駁至廣告，我企起身又洗着臉，但心中嘅恐懼依然抹不走，諗起夢入面外星人講嘅嘢。
「我暫時俾你控制住佢地。」
對住塊鏡，望到自己隻眼呈金黃色，我慌忙失措，水拍喺臉上。又急急腳關上電視，攞上書包轉身就跑，門都未關，政府隨之而發送一個信息，總之就係大家照樣返工返學，有突發事件要處理。
我返到學校，汗流浹背，係我少有咁早上嚟，坐喺座位上，嘗試平復返自己嘅心情，但久久不能平靜。
心中有着猜忌不安，更有着對殺人嘅噁心感。




「我唔想嫁，我唔想嫁。我只係想玩下咋。」
幸好周遭無人，少年才無被人發現異狀。
佢把心一橫，拿起鑰匙衝進廁所，意圖將眼睛拔下，對着鏡子面目掙擰。
鑰匙慢慢靠近喺眼睛前方，原本充滿決心的少年卻有點膽怯，身體每一刻都喺度提醒自己放低把鎖匙，但佢尚未放棄，鎖匙尖將頂上眼球，瞳孔強烈收縮，手震得厲害，佢無法再堅持落去，只觸及到眼球表面，便痛得非常。
佢收返起鎖匙，自言自語道：「你個懦夫，你已經殺左人喇，做有咩唔噉膽做啊？！」
佢自責自己的罪過，但奈何佢點指罵自己，殺左人嘅事實點都唔變，佢步步走向課室，無力地攤喺座位上。
痛苦，卻仍存有生的意志。