《我哋已經到達終點站⋯⋯》: 第三十五章

喺行返屋企嘅途中，我一直諗我同娘娘依家究竟係處於一個咩嘅狀態下。

係朋友？又好似好到超越咗朋友關係喎。

係情侶？又好似未發展到男女朋友關係喎。

係兄妹？唔好癲啦，無啦啦點會係兄妹呢？

正當我苦惱嘅時候，Jason仔無啦啦打電話過嚟。





「食咗飯未？」

「未⋯」

「咁落嚟食啦，三個字後樓下餐廳等。」

一路行一路行，都無乜點理身邊發生啲咩事。唔經唔覺就嚟到餐廳。

「咁快嘅你？」





「都唔係啫。」

坐低落埋單，我哋開始傾起計嚟。

「做咩個樣咁懊惱？」

「無，諗緊嘢啫。」

「尋晚Happy啦？」





「吓？」

「同阿嫂大戰幾多回合呀？」

「無。」

「唔撚係呀嘛？」

「就係無嘢發生，呃你做乜。」

「頂你真係唔識㗎喎。」

「難道你識？」

「妖！你肴底就肴底啦。」





「我唔想佢再受到咩傷害。」

「乜嘢呀？」

「就係照字面意思。」

「⋯⋯」

「只要我喺度，我都唔會比佢受任何委屈！」

「喂⋯你受咗啲咩刺激？」

「無。」





「唉，都唔知你諗乜，食飯算。」

食飽飯，返屋企沖涼，望到娘娘用過嘅牙刷同毛巾，就喺度諗，如果娘娘係哩間屋嘅女主人會點呢？

會日日要我幫佢煮飯比佢食？

放假會兩個人坐喺梳化睇戲？

飲醉酒又要我抱佢入房瞓覺？

唔知呢？