《我哋已經到達終點站⋯⋯》: 第二十四章

「依家講得啦？」正當我返緊車廠嗰陣有人喺我側邊講嘢。

「屌！嚇死人咩，乜你未落車㗎咩？」我又係懶嘅，以為全部人已經喺總站落曬車，唔巡車就返廠。

「咁你話有咩放工先講嘛。」

「如果我唔係依家放工咁你點？」

「斷估你唔會扔低我唔理掛？」





你講得啱，我唔會扔你落車嘅。

泊低架車喺車廠，入一入寫字樓就收工。

「點呀，嵐姐搵我有何貴幹呀？」

同大家講返先，嵐姐即係娘娘嘅另一個稱呼。

「無呀，咁啱見到咪搵你傾吓傾。」





吓，哩個係咩原因嚟⋯⋯

「哦，你唔洗返屋企食飯咩？」

「唔洗呀，阿媽去咗同人打牌，家姐又未放工。」

「你家姐應該放工㗎啦。」

計返時間，晴姐應該返到廠啦。





「你點知？」

「我頭先見到佢嘛，一係你一陣打電話畀佢囉。」

我哋行到去龍門居嘅某一間便利店，娘娘就拉咗我入去。

「不如陪我飲返杯呢？」娘娘指住凍櫃入面嘅啤酒。

「我着哩件嘢點飲酒呀？」我指一指制服上嘅公司商標。

「除咗佢囉。」

「我飲哩啲Ok啦，酒就留返畀你啦。」我喺凍櫃拎咗兩罐可樂。

「咁無癮㗎～」講完佢就拎咗幾罐啤酒。





我哋喺附近嘅小食店買咗啲嘢食，娘娘就叫埋我上去佢度食嘢。

。

等埋娘娘換埋件衫出嚟就食嘢，一路食一路傾吓近日嘅趣事。

「屌佢老味！日日都塞曬啲嘢比我做，完全係典型垃圾上司！」娘娘講嘢越嚟越大聲。

唉，睇怕佢飲醉咗⋯⋯

「死狗公又日撚日借啲意喺度抽水，特登避開你都仲要煩我！」

聽到佢咁講搞到我有啲衝動想打柒佢口中嘅狗公添。





「仲有你呀！」

吓，連我都要屌？

「中學畢業之後就無理過我！知唔知我嗰陣幾唔開心呀！」娘娘眼濕濕咁講。

點解我覺得自己好似好仆街咁⋯⋯

「Sorry⋯⋯」

「Sorry？Sorry有用咩⋯⋯」娘娘細細聲講。

哩一刻我真係唔知講咩好⋯⋯

「兵仔，其實我⋯⋯唔～」娘娘佢未講完已經揞住個口衝咗去洗手間嘔。