《我哋已經到達終點站⋯⋯》: 第二十二章

「我收工單準備喺中環開啦，你嚟搭？」

「係呀，金鐘等啦。」

「Ok。」

好，夠鐘開車。

我哩單收工單因爲過咗放工時間，所以唔會滿座。





又返到嚟金鐘，Rachel已經喺度等緊我。

嘟～

上車之後，佢好似頭先咁坐下層導航位同我傾計。

「一陣間食咩好呢？」

「你想呢？」





「不如去新城市？」

「我Ok呀。」

「一於咁話啦。」

架車沿途經過海底隧道、窩打老道、獅子山隧道，返到嚟第一城總站。

「行得未？」Rachel喺度等我。





「等陣，我打個電話先。」

我行埋一二邊打電話。

「喂。」

「喂師傅。」

「俊仔打返嚟做乜？」

「廠有冇車要拉去沙火？」

「我睇睇先⋯⋯有呀。」

「留返比我，我幫手拉過去。」





「Ok。」

「唔該曬師傅。」好彩我平時對人友善啫，哈。

收線之後，我返去搵Rachel。

「我要揸架車返廠先，你跟唔跟嚟？定係我車你去新城市先？」

「我跟埋你啦，橫掂有時間。」

「好，上車啦咁。」

我同Rachel一齊去到西九龍車廠，入完油，洗埋車，換車返沙田。





「你喺度等一等我。」

我獨自一人行去寫字樓方向搵師傅。

「師傅，拉邊架去沙火？」

「出面架82XX。」

「Ok。」

就咁望望架82XX，無穿無爛就叫埋Rachel上車返沙田。

架車比我想像中無咁靚，波箱轉波嗰陣有啲震，同埋啲聲有啲拆，青沙公路上斜嗰陣慢慢咁跌速，不過還可以啦。

去到沙田火車站，扭部車入170條巴士站坑，確定唔阻住入就收工走人。





「你諗好食咩？」

「唔～Food Court？」

「Ok。」