《我哋已經到達終點站⋯⋯》: 第二十章

話咁快就聖誕節，聖誕節假就梗係喺屋企休息啦，仲出去同人迫咩。

當我好似死屍咁瞓喺床上面瞓覺，突然間電話響。

「鈴～鈴～」

屌，邊個咁早嘈撚醒我呀？

「喂。」





「喂，兵仔。」

「咁早打嚟做乜呀？」

「你唔記得今日咩日子咩？」

「聖誕節囉。」

「你知就好啦，咁仲唔快啲？」





「問號？快咩啲？」

「總之十五分鐘後喺公園仔等啦，記得帶埋份禮物呀。」講完佢就收咗線。

禮物？咩禮物呀？

我一邊換衫，一邊諗乜我有話送嘢比佢咩。

「屌，好似真係要送嘢比佢喎。」我開始諗返起。





但我完全無咗件事，無啦啦邊度搵份禮物比佢呀。

我行出廳，睇吓有冇啲唔要嘅嘢送比佢，我見到張枱有盒嘢。

「阿媽，枱嗰盒咩嚟㗎？」

「Hand Cream嚟，你想要？」

「你唔用㗎咩？」

「我見佢買一送一，但陣味我唔鍾意，你想要就攞去啦。」

掂曬，就送哩枝嘢啦。

我孭個背包，着好鞋就出街。





落到去，阿姐佢又話十五分鐘，依家我遲到，佢咪又係未到。

過多兩個字，我先見到佢跑過嚟。

「Sorry呀。」佢雙手合十同我道歉。

「唔緊要啦。」你遲到唔通我屌柒你咩。

「好啦，我哋行啦。」

我哋去咗睇戲，睇完戲就去食飯。

「喂。」





「做乜？」

「你記得帶禮物㗎呵？」

「有呀。」

「算你啦。」

娘娘佢喺度微笑，之後佢喺個袋仔搵嘢。

「嗱，送比你呀。」佢喺個袋度拎咗份禮物出嚟。

「咩嚟㗎？」

「唔好拆住，返去先拆啦。」





「哦。」

收好份嘢之後，我就拎枝hand cream出嚟送比娘娘。

「哦～係Hand cream呀。」

仆街啦，唔通我送錯嘢？

「唔鍾意呀？」

「唔係呀，我好鍾意呀，點解你會送Hand Cream比我嘅？」

大煲啦，仲唔係唔鍾意。





「err…我上堂見你隻手有啲乾嘛。」我亂噏廿四，希望唔會死得咁慘。

「多謝你呀。」娘娘面紅微笑。