《我哋已經到達終點站⋯⋯》: 第六章

之後幾日就上下堂，去圖書館睇書溫書咁。

嚟到星期五，我唔洗上堂，但又懶得返工揸車，喺屋企瞓足一日，下晝三點收到Whatsapp就起咗身。

「Hi」（15:05）

「Hi」（15:06）

「記住今晚7點新城市廣場呀。」（15:06）





「Ok」（15:08）

咁得意，Whatsapp嚟就係提我七點食飯。

我着件白色T Shirt加件黑色外套，同埋一條牛仔褲就落街等263。

去到沙田就6點9個字。行去新城市個中庭度等，應該實無死啦掛。

無幾耐之後，個女仔就嚟到。佢同我一樣，着白色T shirt同牛仔褲，仲化咗個全妝。





「咁早到嘅。」

「到咗一陣啫。」

「咁我哋行啦。」

「吓？去邊？」

「食飯囉。」





「哦。」

面對一個名都未知嘅女仔，我竟然係完全無任何戒心。

我跟咗佢去一田個food court度，我叫咗個滑蛋豬扒飯，而佢就叫咗個魚生飯。

「上次唔該你，真係比你講中咗，真係無人嚟救我。」

「唔洗客氣啦。」

「同埋如果我趕唔到嗰班車，我就遲到啦，好彩你比我上。」

「咁我見無乜人，咪放你一次半次，哈哈。」

「真係唔該你呀。」





「下次唔好咁大頭蝦，唔帶銀包啦。」

「嗯。」

「係喎，傾咁耐都未問你叫咩名。」

「我叫Rachel。」

「哦～」

「吓，你唔諗住講自己咩名㗎？哈哈。」

「我叫Charlie。」





「係喎，我無記錯你應該係上星期六嗰個司機？」

「唔？」扮下傻先。

「上星期六咪有個𡃁仔煩住你嘅，嗰個係我細佬嚟。」

「哦～你就係鬧個𡃁仔嗰個女仔。」

「搞錯呀，講到人哋好惡咁。」

「Sorry，我唔係有心。」

「咁你比一舊豬扒我，我就原諒你啦。」

一講完佢就喺我個碗度夾走塊豬扒。





「係呢，你全職揸巴士㗎？」

「唔係。」

「唔？有其他正職？」

「勉勉強強叫讀緊書啦。」

「哦～」

「做咩無啦啦問啲咁啲嘢？」

「好奇下都唔比？」





「無問題。」

咁食飯傾下傾，原來佢今年Year1，喺某大學讀中文系。

「還返二百蚊比你啦。」

「還完錢仲請我食飯，咁我咪好賺，哈哈。」

「唔係呀，識到你幾開心呀，所以打和啦。」

食完飯八點，之後我哋又喺新城市廣場行咗一陣。

「呀～」Rachel打咗個喊露。

「攰啦？」

「可能上完一日堂有啲眼瞓。」

「咁你洗唔洗返屋企抖下？」

「好啦。」

「洗唔洗送你返去？」

「又好啫，不過你知我住邊咩？」

「搭得88R正常都應該喺第一城附近啦。」

「幾醒喎𡃁仔。」

「行啦，去搭車啦。」

落到巴士站，咁啱有49X，咁就上啦，同佢坐喺下層二人位，坐車我哋反而無乜點講嘢。

去到第一城商場落車。

「送到哩度ok啦，下次見啦。」

「ByeBye」

我一個人行返出面，搭43X走，貪佢直接上公路，去到城隧轉263返歸。

沿途我喺度諗返頭先發生嘅事，究竟點解我完全無戒心嘅呢？

咁我就當然諗唔明啦。