《我哋已經到達終點站⋯⋯》: 第五章

星期日唔返工啦，係屋企抖下。

時間嚟到星期一，我中午起身返工，今日直接落第一城攞車。

去到見有啲架6頭豪，就攞嗰架啦。

咁啱我嗰程車無乜人坐，得三兩個，仲有上次𡃁仔個家姐。

咇～





咇～

「小姐你張八達通無錢喎。」

「吓。」佢即刻企喺度搵銀包。

「不如你坐低先啦，我夠鐘開車。」

佢聽我講，坐低搵，結果淨係搵到張廿蚊紙。





「司機呀，唔好意思呀，我無帶銀包，淨係得返廿蚊喺身。」

「咁呀。」

「一係你比我喺前面落啦。」

架車都去到大老山隧道口。

「算啦，下次比返啦，係咪無帶銀包呀？」





「係呀。」個女仔怕怕羞羞咁講。

「喺邊度落車呀？」

「金鐘。」

「咁你落車之前過一過嚟啦。」

「哦。」

經過觀塘繞道、東隧、東廊，嚟到灣仔。

車上嘅其他人都落曬車，得返我同個女仔。

之後我打死火燈埋高等法院個站，而個女仔都自動自覺行上嚟。





「攞住啦。」我喺銀包拎咗兩張一百蚊紙出嚟比佢。

「吓，咁點得㗎。」

「就算無人嚟救你，哩二百蚊都夠你搭車返屋企嘅。」

「唔該，唔該。一係你比你電話我，我遲啲還比你呀。」

「9XXX XXXX」

「好啦，唔該你呀。」講完我就開頭閘比佢落。

之後直飛落中環碼頭，又可以吹海風。





接住落嚟都係做88R，就唔多寫啦，直接跳去收工嗰陣。

返到屋企，我收到非聯絡人嘅Whatsapp。

「Hi」（23:00）

「係唔係88R司機哥哥？」（23:00）

「係」（23:01）

「我係今日無帶銀包嗰個女仔呀」（23:02）

「Ok」（23:03）

「我想問你幾時會方便？我想請你食餐飯。」（23:04）





「唔洗咁大陣仗啦掛？」（23:04）

「要嘅，你幫咗我咁大個忙。」（23:05）

「我星期五晚應該ok。」（23:05）

「咁星期五晚七點喺新城市廣場等啦。」（23:06）

「ok」（23:07）

覆完Whatsapp，我就瞓咗。

～～～～～～～～～～～～～～～～～～～～～～～～～～～





作者的話：現實嘅話新城市廣場梗係不了啦。不過故仔照用算啦。大家加油。