二零五零年 – 我女神係暴徒: 第四十四章

「啊!!! 小兄弟…你沒事吧? 應該沒事吧? 看你身體這麼的強壯…沒事的! 啊…怎麼頭會包著繃帶有血的…嗯…是血氣方剛吧! 沒事的!」軍官阿叔一手拉起我坐正番個人…然後不停用手拍走我衫上面既灰塵, 拍得鬼咁大力…唔通佢想拍死我?!
 
「還不快點扶小兄弟起來! 你娘親的一班廢物! 狗養的怎麼對自己人動手啊!」「是! 是! 長官!」少尉同其他幾個武警突然好似餓狗搶屎咁迫埋黎爭住拉我起身, 王隊長扯住我左手…少尉扯住我右手。
 
少尉扯我隻手扯得鬼咁大力…查實我比你條契弟凌空拋出黎大堂再食多你兩腳, 我而家比較想係地下訓多一陣。
 
「張少校閣下…這…這小兄弟是誰啊?? 難道是你親戚嗎…? 我的天啊這樣我死十次作賠罪都不夠!」 張少校臉色青白一時之間無理少尉, 其他幾個武警望住少尉擰擰頭咁, 佢地幾個你眼望我眼。
 
王隊長口震震咁終於理下佢…「少…少尉閣下! 這位英明神武的熊先生是…是…是熊正理上校的公子…!」
 


少尉聽完雙眼掹大, 臉部似乎有少少抽筋, 個下巴係度震緊。我係唔應該要抽筋既人花費氣力扶我, 所以我甩開左佢隻手…然後借一借王隊長隻手既力起番身, 少尉被我甩開既果隻手仍然停留係半空。
 
「張少校…! 事不宜遲…我開門見山的說…我是來…」張少校伸手拉住我…「有什麼到我辦公室再說! 來! 來!」
 
沿住走廊一直行…行到中間, 我見到其中一個指示牌指向樓梯下面既地下樓層…指示牌寫住「羈留室」, 我望向果條向下行既樓梯…點解條樓梯燈都唔開嫁?!
 
經過既時候…咁岩有一隊武警由下面行番上黎, 佢地一行人傳出一陣陣既奸笑聲…佢地每人隻手都拎住警棍…士巴拿…鐵通…重有一個武警拎住支假陽具添…?! 佢地見到張少校之後本來想敬禮, 但佢地個個雙手都拎住件工具…一時之間都唔知點敬禮好。
 
我指住條假狗…「怎…怎麼他會拿著個假陽具啊…?! 看上去還濕濕的…這裡怎麼回事啊?!」班武警真係痴線嫁…由羈留室行番上黎…拎住晒武器又找住支假狗…佢地係下面做過乜野呀…?! 迪輝會唔會有事嫁?!
 


張少校一時望下支假陽具…一時望下我…「啊...這個…那個…是…因為…啊…」佢面有難色依依哦哦咁都未講得出, 然後指住果個假狗武警…「你! 你自己說…! 這支東西是幹什麼用的啊?!」
 
「啊…報…報告少校! 這...這…是我在下面自用的! 非常慚愧!」唔得了…呢度班人痴線嫁…迪輝到底點呀…?!
 
「我要去下面看看…! 我…」張少校拉住我果隻手再落多左幾分力…扯住我向前行。「你先過來…你爸跟我說過了…你先來吧…! 那裡沒有你想要找的東西!」