二零五零年 – 我女神係暴徒: 第十四章

 細個聽到老豆講電話, 佢有時會話「球證、旁證、主辦、協辦、所有單位全部都係我既人, 點同我鬥呀?」, 我細個果陣唔明老豆講緊乜, 大個之後愛上左睇中超足球, 就知道呢件事係幾咁屈機。只係估唔到Felix講既實例裡面都會散發出同樣屈機既味道。
 
Felix見我無回應, 佢飲左啖水就繼續回憶落去。
 
「當時大律師公會和律師會都大力反對強推「送中條例」, 但鄭特首保持著一貫的獨裁作風, 狠批大律師公會和律師會不懂法律。社會當時出現了壓倒性的反對聲音, 香港人憤怒了, 當年六月九日激發一百萬香港人走上街頭抗議。」
 
「但鄭特首當時仍然堅持強行立法, 同年六月十六日, 上街人數上升至二百萬零一人, 憑藉二百萬零一人的和理非的感染力, 國際社會紛紛迅速加入戰線支援香港人。可惜的是追求民主自由的號角聲仍然傳不進鄭特首的耳膜中, 政府仍然堅決拒絕撤回條例法案。」
 
「啪!」
 


Felix講到鄭特首堅拒撤回果刻稍為用力拍左落張枱度。佢神情愈講愈嚴肅, 佢拳頭握得好實。
 
「市民持續走上街頭, 鄭特首眼見民情兇湧後授權公安局奴局長可以不擇手段剷除所有質疑她的人。奴局長一聲令下, 警察接近把整個武器庫搬到街上, 面對手無寸鐵的市民使用各式各樣的武器攻擊。雖然市民其後以浮板、紙皮、勞工手套、地盤頭盔等作為裝備自衛, 但面前愈來愈大殺傷力的警察武力及無差別的攻擊, 大量無辜傷者湧現。」
 
「雖然年輕市民有自發組成「勇武派」站在最前線抵擋警察的攻擊以爭取時間讓身後的市民逃命, 但願意站到最前線的人實在太少了, 前線根本寡不敵眾, 勇武派最終一個接一個被警察抓住以各種私刑凌辱、虐打、雞姦。」
 
老豆同佢班伙計明明都係好人, 佢地平時寧願放走個賊都唔願意用武力傷害到個賊。
 
有一次老豆同我搭黨鐵去元朗食飯, 係黨鐵站見到有一班人拎住棍圍毆緊一班拎住雨遮既人, 雖然場面混亂但老豆仍然臨危不亂, 老豆話難為正邪定分界, 所以就掉頭走啦。咁善良既老豆點可能攻擊市民呢?! 不過…尋晚老豆一講起黃色份子的而且確好激動咁話曱甴死全家…唔通佢…?
 


「之後警察甚至使用真槍射殺市民‥他們…啊‥私刑‥日軍‥毒氣‥強姦‥浮屍」‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥
 
Felix一直係度講, 但我已經接收唔到, 我同佢Disconnect左。佢口中既警察同我認知既警察實在有太大既分別。