[舊版][已停更]從前有個校長，佢禁錮咗全校人: Day 10c 梁日滔視角:珍貴

《梁日滔視角》
9：30
「嗰陣時我同阿偉跑緊去前梯嘅課室啦，跟住突然有三個人出現喺後梯，牽制住隻青蛙。然後星雨……我肯定係星雨BB，就跑咗出嚟，一劍劈落去。真係好型㗎，成個神奇女俠咁！」
「跟住呢？跟住點！」男生的女聽眾興奮地問。

「跟住星雨BB俾隻怪物反手襲擊佢，眼見情況不妙，我即刻跳出去，大喝一聲。你知啦，我嘅技能係獵犬呀嘛。然後一爪劃落隻死人青蛙度……」
「哦，你好英勇呀！」女生著迷地說。
「小兒科啫！」

「你咪咁傻聽佢吹喇，佢一入課室就暈低咗，英乜鬼嘢勇？」男聽眾更正。




男生對他投向不滿的白眼。
「事實係，喺星雨俾青蛙捉住之後，一下閃光打落青蛙度救咗星雨。」
閃光？
「突然一個矮矮地嘅女仔，佢條校裙有好多乾咗嘅血漬，企喺前梯望住青蛙。青蛙受到佢嘅挑釁，發咗癲咁衝去佢度……」

「個女仔咩樣㗎？靚女？」男生反主為客，問回他的聽眾。
「呃……靚就應唔算靚呱，黑麻麻，我得鬼閒女咩？總之，佢兩隻手喺心口前面蓄電，個光球係藍藍地嘅白色，應該係電嚟。怪物同電球相撞，嗰一刻，所有，電器都著晒。然後一下大爆炸，砰一聲！啲燈又熄返晒。」

「結果呢？」女聽眾緊張地問。
「咪青蛙死咗囉，蠢到死！」




「咁所以個女仔係邊個嚟㗎？佢個技能仲勁過班魔法師咁。」男生問。
「班魔法師連個籃球場都拆埋喎！」女爭論。

「話就唔係咁講，勝出遊戲嘅方法唔係炸咗間學校，而係鬥殺得多怪物。我聽講嗰個女仔嘅技能係叫法師，好似係殺咗中二嘅某個主席定班長拎返嚟……」
聽到這些資訊，我便轉身離去，要向趙正儀和明哥分別報告。最近兩個中二主席都被人殺，除了她還有誰呢？

法師，那個法師，那個噴電的人。輕鬆地擊暈我們，強如賴明謙也逃不過她的魔爪。在那些可卑的中三口中，昨夜電光四射，每盞燈被激活後亮出史無前例的強。伴隨一聲淒慘的哀嚎，學校回歸黑暗，投入寧靜。

青蛙的屍骸不見蹤跡，但據那些目擊者所言，那比成年人巨大三倍的青蛙，在閃電交錯後，變得小如手掌，打回原形。焦黑的小青蛙跌落到不明來歷的解剖盆上，那個法師卻逃得無影無蹤。趙正儀對於怪物的首殺落在其他班感到非常不滿，她要求我查出是誰殺了青蛙，但我說今晚九點自有分曉。





而明哥縱使有不滿，也沒表現出來，只在收到消息後就立即派Quinn姐等實力派，去禮堂虐打那可憐的小老鼠。很明顯，明哥較為實務。

我肯定2B李佑年就是那個法師，而且還是個藍卡，不然不可能輕易脫離我控制。依我所見，趙正儀和明哥暫時未知道她的身份，只當她是隻礙眼的蒼蠅，一下就能捏碎她。這則資訊非常重要，重要到能扭轉局勢，聯繫了三個重要人物的性命。

無論我告訴趙正儀還是明哥，他們毫無疑問都一定會主動出擊，除去威脅。以他們的性格，怎可能容忍到一個有機會比自己強的人呢？分別就在於，如果我先引起趙正儀的戰意，殺死法師，或者更好，害死了自己。明哥只需要處理倖存而重傷的那個就可以。到時候，就可以高枕無憂，想想都開心。