[舊版][已停更]從前有個校長，佢禁錮咗全校人: Day 8g 康溢陽視角:美麗

《康溢陽視角》
15：30
「法師。」我把小年拉到課室外「你幾時有呢個技能？」
「尋晚。」她回答，語氣好像理直氣壯的，實際上卻心虛得不敢注視我雙眼。
「呢個係周辛進嘅技能，你殺咗佢呀？！」
「你而家喺度質問我？」她皺起眉反問我，這才令我發現我剛剛的。

「對唔住，係我語氣重咗少少。但係你點可以殺人㗎！」
「有咩問題呀而家，你無殺到咩？你張【技能窺視者】點嚟㗎？」
「我唔係為咗個技能而殺人，而係保護你哋。點解你會咁做㗎……」




「我何嘗唔係呀，萬一有一日賴明謙同趙正儀打嚟，我可以用【法師】嘅技能去反擊。遇到怪物嘅時候，我都唔洗淨係企喺你哋身後，乜都做唔到。」

「但我願意保護你一世喎。」我衝口而出。
「……」可小年的臉在半秒間漲紅，帶着不知是害羞還是生氣的紅暈。

她向着前梯氣沖沖地走，剛才不是在吵架的嘛，這個劇情發展好像不太對喲……不過管他的。
「小年，你唔好走住先啦！」我忍着笑追上去。
「係你啦。」不知名男聲從前面傳來。

「聽我嘅指令，能夠引令你到無邊嘅快樂……」那把男聲說。




一個我不認識的中四男生走到小年面前，舉着打火機。小年不知為何的呆站在原地不動，全身僵硬着。
「小年！」我大喊一聲，但她仍然毫無反應。

意識到不對勁，我用技能長出狼爪，同時看穿對方的卡牌。這個男生是藍卡催眠師，這可解釋了為甚麼小年會看着他一動不動的。我三兩併步跑上去，伸出爪子打算破壞他催眠，誰知一個女生擋了在他臉前，我趕緊停止攻擊。這個女生長得非常美麗，全身都散發着似有若無的誘人氣場。她的五管精緻得像雕刻出來的人偶，完完全全把陵星雨比下去。

縱然心有所屬，眼光還是無法控制的望向她。

「搞掂埋佢。」女生說。
忽然間，眼前的景物變得模糊，漸漸地暗下去，變得黑暗。四周的聲音離我越來越遠，整個世界都彷彿沉靜下來一樣。
「聽我嘅指令，能夠引令你到無邊嘅快樂。無任何悲傷痛苦，一齊跟住我行啦。」





心神不受控制的，身體很自然地跟着他向前走。
「洛瑤姐，點處理佢呀？」
「一陣交俾正儀睇下殺唔殺咗佢……」